ເຂດລາຊະເທວີ

ເຂດລາຊະເທວີ ບາງກອກ ນາມລາຊະເທວີສີສະຫງ່າ ລ້ຳຄຸນຄ່າວັງພະຍາໄທ ອະນຸສາວະລີໄຊ ທະຫານຫານ ສິລະປະໂບຮານ ວັງສວນຜັກກາດ ເດັ່ນຜະຫງາດໃບຫຍົກຕຶກຣະຟ້າ ງາມຈັບຕາຜ້າໄໝທີ່ບ້ານຄົວ ຂໍ້ມູນທົ່ວໄປ ອັກສອນລາວ ເຂດລາຊະເທວີ ອັກສອນໂລມັງ Khet Ratchathewi ລະຫັດພູມິສາດ 1037 ລະຫັດໄປສະນີ 10400 ຂໍ້ມູນສະຖິຕິ ພື້ນທີ່ 7.126 ຕລ.ກມ. ປະຊາກອນ 72,436 ຄົນ (ຄ.ສ. 2016) ຄວາມໜາແໜ້ນ 10,165.03 ຄົນ/ຕລ.ກມ. ສຳນັກງານເຂດ ບ່ອນຕັ້ງ ເລກທີ່ 10 ຖະໜົນພະຍາໄທ ແຂວງທຸ່ງພະຍາໄທ ເຂດລາຊະເທວີ ບາງກອກ 10400 ພິກັດ 13°45′32″N 100°32′04″E ໝາຍເລກໂທລະສັບ 0 2354 4201 ຕໍ່ 6756-8 ໝາຍເລກໂທລະສານ 0 2354 4210 ຕໍ່ 6757 ເວັບໄຊຕ໌ ເວັບໄຊຕ໌ສຳນັກງານເຂດລາຊະເທວີ ສ່ວນໜຶ່ງຂອງສາລານຸກົມປະເທດໄທ

ເຂດລາຊະເທວີ (ໄທ: เขตราชเทวี) ແມ່ນ 1 ໃນ 50 ເຂດການປົກຄອງຂອງບາງກອກ ຢູ່ໃນກຸ່ມເຂດບາງກອກກາງ ສະພາບໂດຍທົ່ວໄປເປັນແຫຼ່ງການຄ້າ ການບໍລິການ ແລະແຫຼ່ງທີ່ຢູ່ອາໄສໜາແໜ້ນຫຼາຍ

ບ່ອນຕັ້ງແລະອານາເຂດ

ຕັ້ງຢູ່ທາງທິດຕາເວັນຕົກຂອງຝັ່ງພະນະຄອນ ມີອານາເຂດຕິດຕໍ່ກັບພື້ນທີ່ການປົກຄອງຕ່າງໆ ຮຽງຕາມເຂັມໂມງ ດັງນີ້

• ທິດເໜືອ ຕິດຕໍ່ກັບເຂດພະຍາໄທແລະເຂດດິນແດງ ມີຄອງສາມເສນເປັນເສັ້ນແບ່ງເຂດ
• ທິດຕາເວັນອອກ ຕິດຕໍ່ກັບເຂດຫ້ວຍຂວາງ ມີຖະໜົນອະໂສກ-ດິນແດງເປັນເສັ້ນແບ່ງເຂດ
• ທິດໃຕ້ ຕິດຕໍ່ກັບເຂດວັດທະນາແລະເຂດປະທຸມວັນ ມີຄອງແສນແສບເປັນເສັ້ນແບ່ງເຂດ
• ທິດຕາເວັນຕົກ ຕິດຕໍ່ກັບເຂດດຸສິດ ມີທາງລົດໄຟສາຍເໜືອເປັນເສັ້ນແບ່ງເຂດ

ທີ່ມາຂອງຊື່ເຂດ

ສົມເດັດພະລາຊະປິຕຸດສາເຈົ້າສຸຂຸມານມາລະສີ ພະອັກຄະລາຊະເທວີ

ຊື່ເຂດຕັ້ງຕາມສີ່ແຍກລາຊະເທວີເຊິ່ງແມ່ນຈຸດຕັດລະຫວ່າງຖະໜົນພະຍາໄທກັບຖະໜົນເພັດຊະບຸລີ ໂດຍມາຈາກຊື່ ຂົວພະລາຊະເທວີ ເຊິ່ງຂ້າມຄອງຄອງປະແຈຈີນ (ປະຈຸບັນຖືກຖົມໄປແລ້ວ) ເທິງຖະໜົນພະຍາໄທກ່ອນເຂົ້າຖະໜົນເພັດຊະບຸລີ

ໂດຍຄຳວ່າ "ພະລາຊະເທວີ" ຕັ້ງຕາມພະນາມພະນາງເຈົ້າສຸຂຸມານມາລະສີ ພະອັກຄະລາຊະເທວີໃນພະບາດສົມເດັດພະຈຸລະຈອມເກົ້າເຈົ້າຢູ່ຫົວ (ພະຍົດໃນຂະນະນັ້ນ; ພະຍົດຕໍ່ມາຄື ສົມເດັດພະປິຕຸດສາເຈົ້າສຸຂຸມານມາລະສີ ພະອັກຄະລາຊະເທວີ)

ປະຫວັດສາດ

ພື້ນທີ່ເຂດລາຊະເທວີເດີມມີຖານະເປັນຕຳບົນ 4 ຕຳບົນ ໄດ້ແກ່ ຕຳບົນທຸ່ງພະຍາໄທ ຕຳບົນຖະໜົນພະຍາໄທ ຕຳບົນຖະໜົນເພັດຊະບຸລີ ແລະຕຳບົນມັກກະສັນ ເຊິ່ງເກີດຈາການຍຸບຮວມຕຳບົນນ້ອຍໆ ເຂົ້ານຳກັນ ຂຶ້ນຢູ່ກັບອຳເພີດຸສິດ ແລະຕໍ່ມາໃນປີ ຄ.ສ. 1966ຈຶງຍ້າຍມາຂຶ້ນກັບອຳເພີພະຍາໄທ

ເມື່ອ ຄ.ສ. 1972 ໄດ້ມີປະກາດຄະນະປະຕິວັດຈັດຕັ້ງບາງກອກຂຶ້ນແທນທີ່ນະຄອນຫຼວງກຸງເທບທົນບຸລີເຊິ່ງເກີດຈາກການຮວມກັນຂອງຈັງຫວັດພະນະຄອນແລະຈັງຫວັດທົນບຸລີ ອຳເພີພະຍາໄທປ່ຽນຖານະເປັນເຂດພະຍາໄທ ຕຳບົນຕ່າງໆ ໃນທ້ອງທີ່ຈຶງມີຖານະເປັນແຂວງ

ຕໍ່ມາໃນທ້ອງທີ່ເຂດພະຍາໄທມີຄວາມຈະເລີນແລະມີຜູ້ຄົນໜາແໜ້ນຂຶ້ນ ເພື່ອປະສິດທິພາບໃນການປົກຄອງ ການບໍລິຫານລາຊະການ ແລະການອຳນວຍຄວາມສະດວກແກ່ປະຊາຊົນ ໃນວັນທີ 6 ພະຈິກ ຄ.ສ. 1989 ກະຊວງມະຫາດໄທຈຶງມີປະກາດໃຫ້ແບ່ງພື້ນທີ່ 4 ແຂວງທາງທິດໃຕ້ຂອງເຂດພະຍາໄທຈັດຕັ້ງເປັນ ເຂດລາຊະເທວີ ຈົນຮອດໃນປີຄ.ສ. 1993 ໄດ້ມີການຈັດຕັ້ງເຂດດິນແດງຂຶ້ນ ໂດຍນຳພື້ນທີ່ບາງສ່ວນຂອງແຂວງມັກກະສັນໄປຮວມນຳ

ການແບ່ງເຂດການປົກຄອງ

ເຂດລາຊະເທວີແບ່ງໜ່ວຍການປົກຄອງຍ່ອຍອອກເປັນ 4 ແຂວງ (khwaeng) ໄດ້ແກ່

ອັກສອນໄທ	ອັກສອນໂລມັງ	ພື້ນທີ່ (ຕລ.ກມ.)	ຈຳນວນປະຊາກອນ (ພະຈິກ 2016)	ຈຳນວນບ້ານ (ພະຈິກ 2016)	ຄວາມໜາແໜ້ນປະຊາກອນ (ພະຈິກ 2016)
ທຸ່ງພະຍາໄທ	Thung Phaya Thai	2.559	32,007	10,372	12,507.62
ຖະໜົນພະຍາໄທ	Thanon Phaya Thai	1.136	9,053	9,487	7,969.19
ຖະໜົນເພັດຊະບຸລີ	Thanon Phetchaburi	1.148	14,867	10,549	12,950.34
ມັກກະສັນ	Makkasan	2.283	16,456	15,112	7,208.05
ທັງໝົດ		7.126	72,383	45,520	10,157.59

ປະຊາກອນ

ສະຖິຕິປະຊາກອນຕາມທະບຽນລາຊະດອນ ເຂດລາຊະເທວີ
ປີ (ຄ.ສ.)	ປະຊາກອນ	ການເພີ່ມແລະການລົດ
1992	138,583	ບໍ່ຊາບ
1993	111,037	-27,546
1994	109,303	-1,734
1995	163,210	+53,907
1996	133,872	-29,338
1997	109,016	-24,856
1998	108,085	-931
1999	106,728	-1,357
2000	104,816	-1,912
2001	102,997	-1,819
2002	102,663	-334
2003	101,892	-771
2004	103,086	+1,194
2005	99,827	-3,259
2006	98,601	-1,226
2007	97,747	-854
2008	78,147	-19,600
2009	77,078	-1,069
2010	76,233	-845
2011	72,900	-3,333
2012	73,280	+380
2013	73,550	+270
2014	73,790	+240

ການຄົມມະນາຄົມ

ຖະໜົນສາຍສຳຄັນຂອງເຂດລາຊະເທວີ ໄດ້ແກ່

• ຖະໜົນພະຮາມທີ່ 6 ຕັ້ງແຕ່ຂົວຂ້າມຄອງມະຫານາກຮອດຂົວຂ້າມຄອງສາມເສນ
• ຖະໜົນບັນທັດທອງ ຕັ້ງແຕ່ຂົວຂ້າມຄອງມະຫານາກຮອດແຍກເພັດພະຮາມ
• ຖະໜົນພະຮາມ ຕັ້ງແຕ່ຂົວຫົວຊ້າງຮອດຂົວຂ້າມຄອງສາມເສນ (ອະນຸສາວະລີໄຊສະໝໍລະພູມ)
• ຖະໜົນເພັດຊະບຸລີ ຕັ້ງແຕ່ທາງລົດໄຟສາຍເໜືອຮອດແຍກອະໂສກ-ເພັດຊະບຸລີ
• ຖະໜົນສີອະຍຸທະຍາ ຕັ້ງແຕ່ທາງລົດໄຟສາຍເໜືອຮອດແຍກມັກກະສັນ
• ຖະໜົນລາຊະວິຖີ ຕັ້ງແຕ່ທາງລົດໄຟສາຍເໜືອຮອດແຍກສາມເຫຼີ່ຍມດິນແດງ
• ຖະໜົນລາຊະດຳລິ ຕັ້ງແຕ່ຂົວຂ້າມຄອງແສນແສບຮອດແຍກປະຕູນ້ຳ
• ຖະໜົນລາຊະປາລົບ ຕັ້ງແຕ່ແຍກປະຕູນ້ຳຮອດແຍກສາມເຫຼີ່ຍມດິນແດງ
• ຖະໜົນຊິດລົມ ຕັ້ງແຕ່ຂົວຂ້າມຄອງແສນແສບຮອດແຍກຊິດລົມ-ເພັດຊະບຸລີ
• ຖະໜົນວິທະຍຸ ຕັ້ງແຕ່ຂົວຂ້າມຄອງແສນແສບຮອດແຍກວິທະຍຸ-ເພັດຊະບຸລີ
• ຖະໜົນອະໂສກມົນຕີ ຕັ້ງແຕ່ຂົວຂ້າມຄອງແສນແສບຮອດແຍກອະໂສກ-ເພັດຊະບຸລີ
• ຖະໜົນອະໂສກ-ດິນແດງ ຕັ້ງແຕ່ແຍກອະໂສກ-ເພັດຊະບຸລີຮອດຂົວຂ້າມຄອງສາມເສນ
• ຖະໜົນຈະຕຸລະທິດ
• ທາງພິເສດສະເຫຼີມມະຫານະຄອນ
• ທາງພິເສດສີລັດ

ຖະໜົນສາຍຮອງລົງໄປ ເຊັ່ນ ຖະໜົນນິຄົມມັກກະສັນ ຊອຍສຸຂຸມວິດ 3 (ນານາເໜືອ) ຖະໜົນໂຍທີ ຖະໜົນຮາງນ້ຳ ຖະໜົນກຳແພງເພັດ 5 ເປັນຕົ້ນ

ນອກຈາກນີ້ ໃນພື້ນທີ່ເຂດຍັງມີ ທາງລົດໄຟສາຍເໜືອ ແລະ ທາງລົດໄຟສາຍຕາເວັນອອກ ຕັດຜ່ານຮວມທັງມີເສ້ນທາງລົດໄຟຟ້າບີທີເອສ ລົດໄຟໃຕ້ດິນ ແລະລົດໄຟຟ້າເຊື່ອມທ່າອາກາດຍານນຳ

ໃນສ່ວນຂອງລົດໄຟ ໃນພື້ນທີ່ເຂດມີ ສະຖານີລົດໄຟມັກກະສັນ ເຊິ່ງຕັ້ງຢູ່ເທິງເສ້ນທາງລົດໄຟສາຍຕາເວັນອອກ ໄກ້ກັບໂຮງງານລົດໄຟມັກກະສັນຂອງການລົດໄຟແຫ່ງປະເທດໄທໃນສ່ວນຂອງລົດໄຟລອຍຟ້າແລະໃຕ້ດິນມີສະຖານີລົດໄຟຟ້າບີທີເອສ 3 ສະຖານີ ໄດ້ແກ່ ສະຖານີລາຊະເທວີ ສະຖານີພະຍາໄທ ແລະສະຖານີອະນຸສາວະລີໄຊສະໝໍລະພູມ ກັບສະຖານີລົດໄຟຟ້າໃຕ້ດິນ ໄດ້ແກ່ ສະຖານີເພັດຊະບຸລີ ແລະມີສະຖານີລົດໄຟຟ້າເຊື່ອມທ່າອາກາດຍານສຸວັນນະພູມ 3 ສະຖານີ ໄດ້ແກ່ ສະຖານີມັກກະສັນ ສະຖານີພະຍາໄທ ແລະສະຖານີລາຊະປາລົບ

ສ່ວນການສັນຈອນທາງນ້ຳ ໃນພື້ນທີ່ເຂດມີຄອງແສນແສບ ແມ່ນຄອງເຂດແດນທາງທິດໃຕ້ຂອງເຂດ ໃນອະດີດທ່າເຮືອທີ່ບໍລິເວນປະຕູນ້ຳ ແມ່ນແຫຼ່ງຂົນສົ່ງສິນຄ້າທາງນ້ຳທີ່ມາທາງເຮືອຕາມຄອງແສນແສບທີ່ເຄີຍຄຶກຄັກຫຼາຍ ໃນປະຈຸບັນການສັນຈອນທາງນ້ຳກໍຍັງມີຢູ່ ຄື ເຮືອໂດຍສານຄອງແສນແສບ

ອະນຸສາວະລີໄຊສະໝໍລະພູມ ອັນເປັນຈຸດຊຸມທາງສຳຄັນທີ່ມີລົດປະຈຳທາງຜ່ານຫຼາຍສາຍ ແລະຍັງເປັນຈຸດຜ່ານຂອງລົດໄຟຟ້າບີທີເອສນຳ ກໍຕັ້ງຢູ່ໃນພື້ນທີ່ເຂດລາຊະເທວີ ນອກຈາກນັ້ນໃນບໍລິເວນຮອບອະນຸສາວະລີໄຊສະໝໍລະພູມຍັງມີທ່າລົດຕູ້ຈາກບາງກອກ ໄປຍັງຈັງຫວັດຕ່າງໆ ນຳ

ສະຖານທີ່ສຳຄັນ

ເຂດລາຊະເທວີແມ່ນທີ່ຕັ້ງຂອງຍ່ານບ່ອນທຳການລັດຖະບານຍ່ານທຸລະກິດການຄ້າແລະການທ່ອງທຽວ ສະຖານທີ່ສຳຄັນທາງປະຫວັດສາດແລະວັດທະນະທຳ ແລະຍ່ານສະຖານສຶກສາທີ່ສຳຄັນ ນອກຈາກນັ້ນຍັງເປັນສູນກາງຄົມມະນາຄົມ ມີປະຊາກອນອາໄສໃນເຂດນີ້ຄ່ອນຂ້າງໜາແໜ້ນແລະຍັງມີຊຸມຊົນທີ່ມີເອກະລັກທາງວັດທະນະທຳພິເສດສະເພາະນຳ

ສະຖານທີ່ສຳຄັນທີ່ກ່າວເຖິງໃນຄຳຂວັນຂອງເຂດຄື

• ພະລາຊະວັງພະຍາໄທ ເຊິ່ງແມ່ນທີ່ມາຂອງຊື່ ເຂດພະຍາໄທ ຫຼືອຳເພີພະຍາໄທເດີມ ກ່ອນໜ້າທີ່ຈະມີການປັບປຸງອານາເຂດຂອງເຂດພະຍາໄທໃໝ່ ຈົນເຮັດໃຫ້ພື້ນທີ່ພະລາຊະວັງພະຍາໄທກາຍມາເປັນຢູ່ໃນເຂດລາຊະເທວີ ແລະແມ່ນສ່ວນໜຶ່ງຂອງວິທະຍາໄລແພດສາດພະມຸງກຸດເກົ້າ
• ອະນຸສາວະລີໄຊສະໝໍລະພູມ ສ້າງຂຶ້ນເປັນທີ່ລະລຶກເຖິງທະຫານບົກ ທະຫານເຮືອ ທະຫານອາກາດ ຕຳລວດ ແລະເຈົ້າໜ້າທີ່ພົນລະເຮືອນທີ່ມີສ່ວນຮ່ວມຕໍ່ສູ້ເພື່ອປົກປ້ອງອະທິປະໄຕຂອງປະເທດໃນຍາມສົງຄາມ ຕັ້ງຢູ່ ນະ ບໍລິເວນທີ່ເຄີຍເປັນສີ່ແຍກລະຫວ່າງຖະໜົນລາຊະວິຖີກັບຖະໜົນພະຫົນໂຍທິນ ເຊິ່ງໃນອະດີດເອິ້ນວ່າ ສີ່ແຍກສະໜາມເປົ້າ
• ພິພິດທະພັນວັງສວນຜັກກາດ ເທິງຖະໜົນອະຍຸທະຍາ
• ອາຄານໃບຫຍົກ 1 ເຊິ່ງເຄີຍແມ່ນອາຄານທີ່ສູງທີ່ສຸດໃນປະເທດໄທ ແລະອາຄານໃບຫຍົກ 2 ເຊິ່ງຄອງອັນດັບອາຄານທີ່ສູງທີ່ສຸດໃນປະເທດໄທຢູ່ໃນປະຈຸບັນນີ້ ທັງສອງອາຄານຢູ່ໃນບໍລິເວນຍ່ານປະຕູນ້ຳ
• ຊຸມຊົນຊາວໄທມຸດສະລິມເຊື້ອສາຍຈາມທີ່ບ້ານຄົວ ເຊິ່ງອົບພະຍົບເຂົ້າມາຈາກກຳປູເຈຍຕັ້ງແຕ່ສະໄໝຕົ້ນກຸງລັດຕະນະໂກສິນ ແລະມີອຸດສາຫະກຳໃນຄົວເຮືອນທີເຄີຍເລື່ອງລືໃນອະດີດຄື ການທໍຜ້າໄໝ ໃນຊ່ວງຫຼັງສົງຄາມໂລກຄັ້ງທີສອງ ນາຍ ຈິມ ທອມສັນ ນັກທຸລະກິດຊາວອາເມລິກັນໄດ້ຟື້ນຟູການທໍຜ້າໄໝທີ່ຂະນະນັ້ນກຳລັງຊົບເຊົາ ແລະນຳຜ້າໄໝໄທອອກໄປເຜີຍແພ່ໃນລະດັບໂລກຈົນກາຍເປັນຜະລິດຕະພັນທີ່ຊື່ສຽງຍິ່ງຂອງປະເທດໄທ ໂດຍໄດ້ຮ່ວມມືກັບຊ່າງທໍຜ້າໄໝໃນຊຸມຊົນບ້ານຄົວນີ້

ສະຖານທີ່ລາຊະການແລະລັດວິສາຫະກິດ

• ກະຊວງການຕ່າງປະເທດ
• ກົມທາງຫຼວງ ແລະ ກອງບັງຄັບການຕຳລວດທາງຫຼວງ
• ກອງບັງຄັບການສາຍກວດແລະປະຕິບັດການພິເສດ (ຕຳລວດ 191)
• ກົມຊັບພະຍາກອນທໍລະນີໃນສັງກັດ ກະຊວງຊັບພະຍາກອນທຳມະຊາດແລະສິ່ງແວດລ້ອມ
• ກະຊວງອຸດສາຫະກຳ
• ກະຊວງວິທະຍາສາດແລະເຕັກໂນໂລຊີ
• ກົມການສາລະວັດທະຫານບົກ
• ກອງພັນທະຫານສາລະວັດທີ່ 11
• ກົມແພດທະຫານບົກ
• ກົມປະສຸສັດ ແລະ ສັດຕະວະແພດຍະສະພາແຫ່ງປະເທດໄທ
• ກົມການພະລັງງານທະຫານ ສູນການອຸດສາຫະກຳປ້ອງກັນປະເທດແລະພະລັງງານທະຫານ ກະຊວງກະລາໂຫມ
• ສຳນັກງານຄະນະກຳມະການການອຸດົມສຶກສາ (ທະບວງ ມະຫາວິທະຍາໄລ ເດີມ)
• ສຳນັກງານນະໂຍບາຍແລະແຜນພະລັງງານ ໃນສັງກັດ ກະຊວງພະລັງງານ
• ອົງການເພສັດຊະກຳ
• ສຳນັກປ້ອງກັນແລະບັນເທົາສາທາລະນະໄພ ບາງກອກ (ກອງບັງຄັບການຕຳລວດດັບເພີງ ກົມຕຳລວດ ເດີມ)

ສະຖານພະຍາບານ

• ໂຮງໝໍຮາມາທິບະດີ
• ໂຮງໝໍລາຊະວິຖີ
• ໂຮງໝໍພະມຸງກຸດເກົ້າເຈົ້າຢູ່ຫົວ
• ໂຮງໝໍເວດຊະສາດເຂດຮ້ອນ
• ໂຮງໝໍເດັກ
• ສະຖາບັນໂລກຜິວໜັງ
• ໂຮງໝໍສົງ
• ໂຮງໝໍພະຍາໄທ 1
• ໂຮງໝໍເດຊາ
• ໂຮງໝໍລາຊະເວດ
• ໂຮງໝໍບຸລະສັດໄຊຍາກອນ
• ໂຮງໝໍທັນຕະກຳ ຄະນະທັດຕະແພດສາດ ມະຫາວິທະຍາໄລມະຫິດົນ
• ສະຖາບັນປະສາດວິທະຍາ
• ສະຖາບັນມະເລັງແຫ່ງຊາດ

ແຫຼ່ງຂໍ້ມູນອື່ນ

• ເວັບໄຊຕ໌ສຳນັກງານເຂດລາຊະເທວີ Archived 2010-01-08 at the Wayback Machine
• ເວັບໄຊຕ໌ນະຄອນຫຼວງບາງກອກ: ແຫຼ່ງທ່ອງທ່ຽວໃນເຂດລາຊະເທວີ
• ແຜນທີ່ເຂດລາຊະເທວີ Archived 2007-09-27 at the Wayback Machine
• ເວັບໄຊຕ໌ພິພິດທະພັນວັງສວນຜັກກາດ