ຫົງຫາມເຕົ່າ ຂ້ອຍຕົວະເຈົ້າ ເຮົາຮັກກັນ
ຫົງຫາມເຕົ່າ ຂ້ອຍຕົວະເຈົ້າ ເຮົາຮັກກັນ ເປັນຮູບເງົາ ໂຣແມນຕິກ-ຄອມເມດີ້ ອອກສາຍເມື່ອວັນທີ 29 ພຶດສະພາ ປີ ຄ.ສ. 2017 ນຳສະແດງໂດຍ ບັອບບີ້ ອັດສະວິນ ເພັດສັງຫານ, ລູກນ້ຳ ທິດາລັດ ວົງສິລິ ແລະ ພູມຊະນະ ສິລິວົງສາ (ເຈ້ຍ ປາຊິຟິກ).
| ຫົງຫາມເຕົ່າ ຂ້ອຍຕົວະເຈົ້າ ເຮົາຮັກກັນ | |
|---|---|
| ຮູບ:Hong harm tao.jpg ໃບປິດຮູບເງົາ | |
| ກຳກັບ | ພູມຊະນະ ສິລິວົງສາ |
| ຂຽນບົດ | ພູມຊະນະ ສິລິວົງສາ ທະວີໄຊ ແກ້ວບຸນພັນ |
| ນຳສະແດງ | ອັດສະວິນ ເພັດສັງຫານ ທິດາລັດ ວົງສິລິ ພູມຊະນະ ສິລິວົງສາ |
| ດົນຕີປະກອບ | ສະເໝີຕົ້ນສະເໝີປາຍ ດີຕໍ່ໃຈ ມີແຕ່ເຮົາ |
| ສາຍ | 29 ພຶດສະພາ 2017(ລາວ) 29 ມິຖຸນາ 2017(ໄທ) |
| ຄວາມຍາວ | 105 ນາທີ |
| ປະເທດ |  ປະເທດລາວ |
| ພາສາ | ລາວ |
| ລາຍໄດ້ | 1.601 ລ້ານກີບ |
| ກ່ອນໜ້ານີ້ | ຮັກອີ່ຫຼີ |
| ຕໍ່ຈາກນີ້ | [[]] |
ເນື້ອເລື່ອງ
ດັດແກ້ເຕົ່າ (ອັດສະວິນ ເພັດສັງຫານ) ພະນັກງານໜຸ່ມໃນບໍລິສັດຮັບເຮັດໂຄສະນາແຫ່ງໜຶ່ງ ທີ່ຜິດຫວັງຈາກການອົກຫັກຈົນບໍ່ເຊື່ອວ່າຄວາມຮັກແທ້ຈິງມີຢູ່ຈິງ. ແຕ່ແລ້ວມື້ໜຶ່ງໂຊກຊະຕາກໍພາມາເຈີກັບ ຫົງ (ທິດາລັດ ວົງສິລິ) ສາວນ້ອຍຜູ້ມີຈິດໃຈດີທີ່ຍອມຖິ້ມທຸນຮຽນຕ່າງປະເທດເພື່ອດູແລແມ່ແລະຄົນຈິດບໍ່ປົກກະຕິ2ຄົນ ຈົນມີຄົນມາຈ້າງໃຫ້ບໍລິສັດຂອງເຕົ່າເຮັດສາລະຄະດີ ພ້ອມກັບເງິນລາງວັນ 200,000$ ແລະຜູ້ທີ່ຊະນະຈະໄດ້ເປີເຊັນ 10% ພ້ອມຕຳແໜ່ງຫົວໜ້າຄຣີເອຖີບຟ໌ ແຕ່ງານນີ້ເບິ່ງຈະບໍ່ງ່າຍເພາະຫົງປະຕິເສດທີ່ຈະຖ່າຍສາລະຄະດີມາຫຼາຍເທື່ອແລ້ວ ແລະ ຍັງມີຄູ່ແຂ່ງຄື ເທບ (ບຸນຊຽນ ວິໄລວັນ) ອ້າຍເມຍເຈົ້າຂອງບໍລິສັດທີ່ພ້ອມຈະຍາດຊິງຕຳແໜ່ງຕະຫຼອດ ທັງມີ2ສາວຜູ້ຊ່ວຍຄື ຕຸກຕາ (ປີຍະມາດ ພູນປະເສີດ) ແລະ ຈ໊ຽບ (ອຳພອນ ໄຊຊະນະວົງເພັດ). ງານນີ້ບໍ່ແມ່ນເລື່ອງງ່າຍເລີຍ ເຕົ່າຈຶ່ງປຶກສາກັບ ອ້າຍໂລເບີດ (ພູມຊະນະ ສິລິວົງສາ) ເສືອຜູ້ຍິງທີ່ເປັນທີ່ປຶກສາແລະແນະນຳໃຫ້ເຕົ່າຕົວະເພື່ອທີ່ຈະຫາໂອກາດລັກຖ່າຍວິດີໂອຕ່າງໆຂອງຊີວິດຫົງເພື່ອໄປເຮັດເປັນສາລະຄະດີ. ແຕ່ໃນເວລາທີ່ເຕົ່າໄປຫາຫົງເພື່ອແອບຖ່າຍໃນແຕ່ລະມື້ກໍ່ເກີດຄວາມຮູ້ສຶກດີໆຂຶ້ນ ເຕົ່າຈະບອກຫົງແນວໃດ ແລະ ທັງ2ຈະກັບມາເປັນຄືເກົ່າບໍ?
ນັກສະແດງ
ດັດແກ້- ອັດສະວິນ ເພັດສັງຫານ ຮັບບົດ ເຕົ່າ
- ທິດາລັດ ວົງສິລິ ຮັບບົດ ຫົງ
- ພູມຊະນະ ສິລິວົງສາ ຮັບບົດ ໂລເບີດ
- ບຸນຊຽນ ວິໄລວັນ ຮັບບົດ ເທບ
- ປີຍະມາດ ພູນປະເສີດ ຮັບບົດ ຕຸກຕາ
- ອຳພອນ ໄຊຊະນະວົງເພັດ ຮັບບົດ ຈ໊ຽບ
- ທອງດີ ພົມມະວົງສາ ຮັບບົດ ເພັດ
- ລິຂິດ ດາວມະນີຈັນ ຮັບບົດ ຂຽດ
- ພອນສະຫວັນ ພົມດວງສີ ຮັບບົດ ໂຈ້
- ຈັນທະວົງ ຈັນທະນຸພາ ຮັບບົດ ສຸຄົນ