ວິກິພີເດຍ

ບລູ ອາຣໄຄຟ

ວີດີໂອເກມສວມບົດບາດໃນປີ2021

ບລູ ອາຣໄຄຟ ( ຍີ່ປຸ່ນ:ブルーアーカイブ; ໄທ:บลูอาร์ไคฟ์; ເກົາຫຼີ:블루 아카이브; ຈີນ:蔚蓝档案; ອັງກິດ:Blue archive) ເປັນ ເກມສວມບົດບາດ ທີ່ພັດທະນາໂດຍ ເນັກຊອນເກມ (ເມື່ອກ່ອນເອີ້ນວ່າ ແໜັນ ເກມ), ບໍລິສັດຍ່ອຍຂອງ ເນັກຊອນ. ເປິດຕົວເມື່ອປີ 2021 ສໍາລັບ ແອນດຣອຍ ແລະ ໄອໂອເອສ, ຄັ້ງແຮກໃນປະເທດຍີ່ປຸ່ນໂດຍ ໂຢສະຕາ ແລະ​ໜຶ່ງປີຕໍ່ມາໃນທົ່ວໂລກໂດຍ ເນັກຊອນ. [1] ເກມບລູ ອາຣໄຄຟ ແມ່ນ ເກມຫຼິ້ນຟຣີທີ່ປະກອບດ້ວຍລະບົບ ກາຊາ ເຊິ່ງເປັນວິທີການໃນການຮັບຕົວລະຄອນໃໝ່. ນອກຈາກນີ້ຍັງມີການດັດແປງມາເປັນ ອະນິເມະ ທີ່ມີຊື່ວ່າ ບລູ ອາຣໄຄຟ ດິ ແອນິເມຊັ້ນ.

ບລູ ອາຣໄຄຟ
ໂລໂກ້ເກມ
ໂລໂກ້ເກມ
ຊື່ ບລູ ອາຣໄຄຟ
ຊື່ພາສາຍີ່ປຸ່ນ ブルーアーカイブ
ໂຣມາຈິ Bu rū ā kai bu
ຊື່​ພາ​ສາ​ອັງ​ກິດ​​ Blue Archive
ຜູ້ສ້າງ ເນັກຊອນ ເກມສ
ເກມ
ບລູ ອາຣໄຄຟ
ພັດທະນາໂດຍເນັກຊອນ ເກມສ
ວາງຈຳໜ່າຍໂດຍ
ກຳກັບໂດຍຄິມຢອງຮາ[1]
ດົນຕີໂດຍ
  • ມິສຶກິໂຢະ
  • ຄະຣຸດ
  • ນໍ
ປະເພດສວດບົດບາດ, ວາງແຜນແບບຣຽລ-ທາມ, ວີຊວລໂນເວລ
ເອນຈິນຢູນິຕີ້
ເຄື່ອງຫຼິ້ນແອນດອຍດ໌, ໄອໂອເອັສ
ເປີດຕົວ
ຊຸດອະນິເມະໂທລະພາບ
ບລູ ອາຣໄຄຟ ດິ ແອນິເມຊັ້ນ
ກຳກັບໂດຍຢາມະກິຊິ ໄດໂກະ
ຂຽນບົດໂດຍ
ດົນຕີໂດຍ40mP
ສະຕູດີໂອໂຢສະຕາ ພິກເຈີສ໌
ແຄນດີ້ບັອກຊ໌
ຖືລິຂະສິດໂດຍອາຊີໃຕ້/ອາຄະເນ: ມີເດຍລິ້ງຄ໌
ເຄືອຂ່າຍTXN (ທີວີ ໂຕກຽວ), BS11
ສາຍ ວັນທີ7 ເມສາປີ2024 – ປັດຈຸບັນ
ຕອນ5
ສິ່ງພິມ
ມັງງະ

ຜູ້ຫຼິ້ນ ແລະ ຕົວດຳເນີນເລື່ອງແມ່ນນາຍຄູທີ່ຖືກເອີ້ນໃຫ້ໄປເມືອງ ຄິໂວທ່ອດ ໂດຍປະທານອົງການສະພານັກຮຽນທົ່ວໄປ, ຄະນະກໍາມະການພິເສດທີ່ປົກຄອງໂຮງຮຽນຕ່າງໆ. ຫຼັງຈາກການຫາຍຕົວໄປຢ່າງກະທັນຫັນຂອງລາວ, ມີເຫດຄວາມຮຸນແຮງໄດ້ເກີດຂື້ນຮອບ ຄິໂວທ່ອດ ແລະ ຜູ້ຫຼິ້ນໄດ້ຖືກມອບໝາຍໂດຍສະມາຊິກທີ່ຍັງເຫຼືອຢູ່ຂອງສະພາເພື່ອແກ້ໄຂບັນຫາ ແລະ ຊ່ວຍຄົ້ນຫາປະທານ. [2]

ການຫຼິ້ນ

ດັດແກ້

ບລູ ອາຣໄຄຟ ເປັນ ເກມສວມບົດບາດ ວາງແຜນຍຸດ​ທະ​ສາດ [3] ທີ່ອະນຸຍາດໃຫ້ຜູ້ຫຼິ້ນໃນການຕັ້ງ ແລະ ລະດົມໜ່ວຍ ທີ່ມີສະມາຊິກຫົກຄົນ (ສອງ "ກອງສະໜັບສະໜູນ" ແລະ ສີ່ "ກອງໜ້າ") ເຂົ້າຮ່ວມໃນການຕໍ່ສູ້. [4] ໂດຍຄວາມສາມາດຂອງນັກຮຽນສາມາດໄດ້ຮັບການປັບປຸງໄດ້ໃນຫຼາຍວິທີເຊັ່ນ: ການເພີ່ມຄ່າປະສົບການ, ອາວຸດ, ເກາະ ແລະ ທັກສະ. ສາມາດຮັບນັກຮຽນເພີ່ມໄດ້ຜ່ານລະບົບສຸ່ມ ຕູ້ກາຊາ ໂດຍໃຊ້ ສະກຸນເງິນໃນເກມ, ເຊິ່ງສາມາດຊື້ໄດ້ດ້ວຍເງີນແທ້ .

ໜ່ວຍຈະຢູ່ໃນ ແຜນທີ່ແບບຫົກຫຼ່ຽມ ເດີນເທື່ອລະຕາ (turn-based hex map) ແລະ ເລີ່ມຕົ້ນການຕໍ່ສູ້ດ້ວຍການຍ່າງໄປຫາສັດຕູ ຫຼື ກັບກັນ. ໃນການຕໍ່ສູ້, ກອງໜ້າຈະຍ່າງໄປຕາມເສັ້ນທາງຊື່ ແລະ ບາງຄັ້ງກໍ່ພົບກັບກຸ່ມສັດຕູ. ກອງໜ້າຈະຍິງການໂຈມຕີແບບອັດຕະໂນມັດ ແລະ ສາມາດຫຼົບຢູ່ຫຼັງສິ່ງຂອງເພື່ອຫຼຸດໂອກາດທີ່ຈະຖືກໂຈມຕີ. ກອງສະໜັບສະໜຸດບໍ່ໄດ້ມີສ່ວນຮ່ວມໃນການຕໍ່ສູ້ໂດຍກົງແຕ່ເພີ່ມຄ່າສະຕັດ(ພະລະກຳລັງ)ຂອງກອງໜ້າ ແລະ ສະຫນັບສະຫນູນພວກເຂົາຈາກແນວຫຼັງແທນ. ໂດຍທົ່ວໄປແລ້ວຜູ້ຫຼິ້ນຈະບໍ່ໄດ້ຄວບຄຸມການຕໍ່ສູ້ຍົກເວັ້ນການນໍາໃຊ້ທັກສະ(ສະກິວ)ຕ່າງໆຂອງນັກຮຽນທີ່ມີຄ່າໃຊ້ຈ່າຍເປັນຄ່າທີ່ເພີ່ມເອງໄດ້ໃນການນໍາໃຊ້. ນັກຮຽນ ແລະ ສັດຕູທັງສອງມີຄ່າການໂຈມຕີ ແລະ ການປ້ອງກັນທີ່ມີພື້ນຖານຈາກການເປົ່າຍິງຊຸບ, ເຊິ່ງກໍານົດຈຸດແຂງ ແລະ ຈຸດອ່ອນຂອງເຂົາເຈົ້າ. ນັກຮຽນຈະໄດ້ຮັບການຊ່ວຍເຫຼືອໂດຍເຮລິຄອບເຕີ້ ແລະ ບໍ່ສາມາດເຂົ້າຮ່ວມໃນການຕໍ່ສູ້ໄດ້ອີກ ຫາກເລືອດຂອງພວກເຂົາໝົດ.

ເນື້ອເລື່ອງ

ດັດແກ້

ການຈັດເລື່ອງ

ດັດແກ້

ເລື່ອງລາວຂອງ ບລູ ອາຣໄຄຟ ຕັ້ງຢູ່ໃນໂລກທີ່ຄ້າຍຄືກັນກັບໂລກຂອງເຮົາ. ໃນເມືອງລັດແຫ່ງສະຖາບັນການສຶກສາ ຄິໂວທອສ (Kivotos), ເຊິ່ງເປັນສະຫະພັນຂອງໂຮງຮຽນຫຼາຍພັນສະຖາບັນ. ພົນລະເມືອງພາຍໃນຄິໂວທອສປະກອບມີສາມເຜົ່າພັນຄື: ອະມະນຸດ ເຊິ່ງລວມເອົາຕັ້ງແຕ່ມະນຸດທຳມະດາໄປຈົນເຖິງເທວະດາ, ປີສາດ, ເອລຟ໌ ແລະ ສັດອະສູນ ໂດຍທີ່ຍັງຄົງໄວ້ເຊິ່ງລັກສະນະຈາກເຜົ່າພັນຕ່າງໆທີ່ປະສົມເຊັ່ນ: ຫູ ແລະ ຫາງ, ສັດຫຼາກຫຼາຍເຜົ່າພັນທີ່ມີສະຕິປັນຍາ, ແລະ ຫຸ່ນຍົນທີ່ມີສະຕິປັນຍາຄວາມຮູ້ສຶກຄືກັບຄົນ. ຍ້ອນການມີຢູ່ຂອງວົງແວນ ຮາໂລ ເຊິ່ງປະກົດຢູ່ເທິງຫົວຂອງຊາວຄິໂວທອສ, ເຮັດໃຫ້ພວກເຂົາມີຄວາມຕ້ານທານ ແລະ ສາມາດເອົາຊີວິດລອດຈາກການບາດເຈັບສາຫັດໄດ້ເຊັ່ນ: ກະສຸນປືນ ແລະ ລະເບີດ, ວິທີດຽວທີ່ຈະຂ້າຊາວຄິໂວທອສໄດ້ແມ່ນຕ້ອງທຳລາຍວົງຮາໂລຂອງຄົນຜູ້ນັ້ນ. ແລະ ດ້ວຍເຫດປະການນີ້ກໍຕ້ອງຂອບໃຈຕໍ່ທຳມະຊາດຂອງຊາວຄິໂວທອສທີ່ເກືອບຈະທຳລາຍບໍ່ໄດ້ນີ້, ທຸກຄົນຈຶ່ງມີສິດພົກພາອາວຸດປືນໄປໃສມາໃສບໍ່ຕ່າງຫຍັງກັບໂທລະສັບມືຖື ຫຼື ເຄື່ອງຕົກແຕ່ງ.

ຕົວເມືອງນັ້ນຢູ່ພາຍໃຕ້ການປົກຄອງຂອງອົງການສະພານັກຮຽນທົ່ວໄປ(General Student Council) ຫຼື ຈີເອັສຊີ(GSC), ລັດຖະບານທີ່ເປັນຄະນະກຳມະການບໍລິຫານກາງທີ່ນຳໂດຍປະທານສະພານັກຮຽນ ຫຼື ທ່ານປະທານນັກຮຽນ, ໂດຍໄດ້ບໍລິຫານຈາກຫໍເສັງຊ໌ຕໍາ(Sanctum Tower) ເຊິ່ງສາມາດເຂົ້າເຖິງການລົງທະບຽນຂອງນັກຮຽນທຸກຄົນໄດ້. ແຕ່ເຖິງແມ່ນວ່າສະພານັກຮຽນທົ່ວໄປຈະເປັນລັດຖະບານກາງຂອງຄິໂວທອສ, ແຕ່ໂຮງຮຽນທັງໝົດນັ້ນດຳເນີນງານ ແລະ ປົກຄອງເຂດປົກຄອງຂອງຕົນຢ່າງອິດສະຫຼະ ໂດຍມີໂຮງຮຽນທີ່ຊົງອິດທິພົນທີ່ສຸດຢູ່ສາມແຫ່ງຄື: ໂຮງຮຽນສາມັນທຣີນີຕີ້, ສະຖາບັນເກເຮັນນ້າ ແລະ ໂຮງຮຽນວິທະຍາສາດ-ຄະນິດສາດມີເລນຽມ.

ສາມໂຮງຮຽນມະຫາອຳນາດ
ໂຮງຮຽນສາມັນທຣີນີຕີ້
ໂຮງຮຽນສາມັນທຣີນີຕີ້ແມ່ນໂຮງຮຽນສາສະໜາແຫ່ງໜຶ່ງໃນຄິໂວທອສ. ໂດຍມີການສົ່ງເສີມໃຫ້ມີຄວາມສາມັກຄີກັນພ້ອມກັບປູກຝັງແນວຄິດຂອງ"ປາກກາ" ແລະ "ດາບ". ໂຮງຮຽນແຫ່ງນີ້ເປັນໜຶ່ງໃນສະຖາບັນທີ່ເກົ່າແກ່ ແລະ ໃຫຍ່ທີ່ສຸດໃນຄິໂວທອສ. ອຸດົມຄະຕິຂອງທຣີນີຕີ້ແມ່ນ"ລະບຽບຮຽບຮ້ອຍ", "ສະຫງ່າງາມ" ແລະ "ມາລະຍາດ", ເຊິ່ງຂັດກັບອຸດົມຄະຕິຂອງຄວາມເສລີ ແລະ ຄວາມໂກລາຫົນວຸ່ນວາຍຂອງໂຮງຮຽນເກເຮັນນ້າ. ດ້ວຍເຫດນີ້, ຈຶ່ງເກີດມີຄວາມກຽດຊັງ ແລະ ຄວາມຂັດແຍ້ງລະຫວ່າງສອງສະຖາບັນນີ້ຕະຫຼອດມາ.

ພາຍໃນທຣີນີຕີ້ປະກອບໄປດ້ວຍຝ່າຍຕ່າງໆ, ໂດຍມີສາມຝ່າຍຂົ້ວອຳນາດຫຼັກຄື: ປາດເຕີ, ຟີລຽດສ ແລະ ແຊງທັສ. ທັງສາມຝ່າຍຈະມີການສົ່ງຕົວແທນມາເຂົ້າຮ່ວມສະພານັກຮຽນ ຫຼື ທີ່ເອີ້ນກັນວ່າ "ສະພານໍ້າຊາ". ສະພານໍ້າຊາຈະດຳເນີນງານໄປຕາມລະບົບສາມຝ່າຍ, ໂດຍຕົວແທນແຕ່ລະຄົນຈະຜັດກັນເປັນ"ເຈົ້າພາບ" ຫຼື "ໂຮສທ໌", ຜູ້ທີ່ເປັນເຈົ້າພາບຈະເຮັດໜ້າທີ່ເປັນປະທານສະພານັກຮຽນໃນຊ່ວງເວລານັ້ນໆ.

ສະຖາບັນເກເຮັນນ້າ
ສະຖາບັນເກເຮັນນ້າແມ່ນໜຶ່ງໃນໂຮງຮຽນທີ່ເກົ່າແກ່ ແລະ ໃຫຍ່ທີ່ສຸດໃນຄິໂວທອສ. ອຸດົມຄະຕິຂອງເກເຮັນນ້າແມ່ນ"ເສລີພາບ ແລະ ຄວາມໂກລາຫົນວຸ່ນວາຍ". ດ້ວຍເຫດນີ້, ຈຶ່ງມີສະໂມສອນ ຫຼື ກຸ່ມຈຳນວນຫຼາຍເຮັດຕາມອຳເພີໃຈ ແລະ ມັກສ້າງບັນຫາ ແລະ ຍັງໃຊ້ອາຄານຮຽນຫຼັກ ແລະ ອາຄານນອກອື່ນໆຕາມໃຈທີ່ພວກເຂົາຕ້ອງການ, ບາງກຸ່ມກໍເຮັດຜິດກົດໝາຍ. ສິ່ງນີ້ເຮັດໃຫ້ນັກຮຽນຄົນອື່ນໆຈຳເປັນຕ້ອງຮຽນໃນສະເພາະເຂດບາງເຂດຂອງວິທະຍາເຂດເທົ່ານັ້ນ.

ຍ້ອນອຸດົມການຂອງເກເຮັນນ້າກັບທຣີນີຕີ້ນັ້ນແຕກຕ່າງກັນຢ່າງສຸດຂົ້ວ, ເຮັດໃຫ້ທັງສອງສະຖາບັນກາຍເປັນສັດຕູກັນຈົນສະພານັກຮຽນທົ່ວໄປໄດ້ວາງແຜນຈັດຕັ້ງສົນທິສົນຍາເອເດັນ ເພື່ອຮັກສາສະພາບຄວາມໝັ້ນຄົງ ແລະ ຄວາມສຳພັນທີ່ເປັນຢູ່ລະຫວ່າງສອງໂຮງຮຽນທີ່ເປັນປະຕິປັກຕໍ່ກັນ.

ໂຮງຮຽນວິທະຍາສາດ-ຄະນິດສາດມີເລນຽມ
ໂຮງຮຽນວິທະຍາສາດ-ຄະນິດສາດມີເລນຽມແມ່ນສະຖາບັນທີ່ໃໝ່ສຸດໃນບັນດາສາມມະຫາອຳນາດ ແລະ ຄິໂວທອສ, ໂດຍໃຫ້ຄວາມສຳຄັນກັບຕັກກະສາດ ແລະ ທັກສະດ້ານເຕັກນິກເໜືອສິ່ງອື່ນໃດ. ດ້ວຍເຫດນີ້, ພວກເຂົາຈຶ່ງຢືນຢູ່ແຖວໜ້າທາງດ້ານການວິໄຈດ້ານວິທະຍາສາດ ແລະ ດຶງດູດນັກຮຽນຈຳນວນຫຼາຍທີ່ມີຄວາມສົນໃຈ ແລະ ຕ້ອງການສຶກສາຮໍ່າຮຽນຄະນິດສາດ ແລະ ວິທະຍາສາດໃຫ້ເຂົ້າມາຮຽນ. ເຖິງແມ່ນວ່າມີເລນຽມຈະບໍ່ມີຮີດຄອງປະເພນີ ແລະ ປະຫວັດສາດທີ່ຍາວນານຄືກັບທຣີນີຕີ້ ແລະ ເກເຮັນນ້າ, ແຕ່ມີເລນຽມກໍສາມາດຂຶ້ນມາທັດທ່ຽມກັບພວກເຂົາໄດ້ໃນແງ່ດ້ານອິດທິພົນ, ເນື່ອງຈາກໂຄງສ້າງພື້ນຖານ, ອຸປະກອນ ແລະ ສິ່ງປະດິດຈຳນວນຫຼາຍທີ່ເຫັນ ແລະ ໃຊ້ທົ່ວທັງຄິໂວທອສລ້ວນແລ້ວມີຕົ້ນກຳເນີດມາຈາກມີເລນຽມ.

ໃນທຸກໆປີ, ທາງໂຮງຮຽນຈະມີການຈັດການແຂ່ງຂັນໃຫຍ່ທີ່ເອີ້ນວ່າ ມີເລນຽມໄພຣຊ, ເຊິ່ງສະໂມສອນຊົມຮົມຕ່າງໆທົ່ວໂຮງຮຽນຈະແຂ່ງຂັນກັນຕາມຜົນງານຂອງແຕ່ລະສະໂມສອນ.

ກ່ອນເຫດການພາຍໃນເກມ, ປະທານສະພານັກຮຽນໄດ້ເອີ້ນຕົວຕົວລະຄອນເຮົາ, ອາຈານທີ່ຖືກເອີ້ນວ່າ ເຊັນເຊ (先生, ຄູໃນພາສາຍີ່ປຸ່ນ), ຂໍໃຫ້ໄປເປັນທີ່ປຶກສາຂອງຊາເລ້, ອົງການສຶບສວນທີ່ຈັດຕັ້ງໂດຍຕົວປະທານເອງ. ຈາກນັ້ນລາວກໍຫາຍຕົວໄປ, ກໍ່ໃຫ້ເກີດການກໍ່ອາດຊະຍາກຳ ແລະ ການໃຊ້ກຳລັງທະຫານໃນເມືອງ. ເຊັນເຊຈຶ່ງໄດ້ເຂົ້າຊ່ວຍເຫຼືອນັກຮຽນ, ສະໂມສອນ(ຊົມຣົມ), ແລະ ສະຖາບັນການສຶກສາພາຍໃນຄິໂວທອສໃນການແກ້ບັນຫາສາລະພັດຕ່າງໆ, ນອກນີ້ລາວ(ເຮົາ)ຍັງຕ້ອງຮັບມືກັບຄວາມຂັດແຍ່ງລະຫວ່າງໂຮງຮຽນ, ສົງຄາມ, ອາດຊະຍາກຳ, ບໍລິສັດຜູກຂາດ, ການສໍ້ລາດບັງຫຼວງ (ຄໍຣັບຊັນ), ເອໄອຮ້າຍ, ສິ່ງມີຊີວິດເໜືອທຳມະຊາດ, ກຸ່ມເລິກລັບ ແລະ ລັກທິທີ່ເຂົ້າມາຄຸກຄາມຄິໂວທອສ.

ອົງ

ດັດແກ້

ເນື້ອເລື່ອງຫຼັກຂອງເກມເພິ່ນແບ່ງອອກເປັນ"ອົງ", ເຊິ່ງເນັ້ນໃສ່ສະເພາະເລື່ອງລາວຂອງກຸ່ມໃດກຸ່ມໜຶ່ງເຊັ່ນ ສະໂມສອນຕ່າງໆໃນໂຮງຮຽນ, ເຊິ່ງແຕ່ລະອົງຍັງແບ່ງອອກເປັນຫຼາຍບົດ. ປັດຈຸບັນມີຫ້າອົງ, ໂດຍເລື່ອງລາວຂອງສີ່ອົງແຮກຈະເປັນມະຫາອົງທຳອິດທີ່ເອີ້ນວ່າ"ອົງສຸດທ້າຍ", ເຊິ່ງໄດ້ເຊື່ອມໂຍງເລື່ອງລາວຕັ້ງແຕ່ອົງທຳອິດມານັ້ນເຂົ້າກັນເປັນອົງທີ່ໄດ້ຄອບຄຸມເລື່ອງລາວທັງໝົດເຊິ່ງເປັນການຈົບເນື້ອເລື່ອງພາກສ່ວນທີໜຶ່ງ ແລະ ດຳເນີນເລື່ອງຕໍ່ໄປເປັນອົງອື່ນໆອີກໃນອະນາຄົດ ແລະ ພັດທະນາໄປເລື່ອຍໆຜ່ານການເລົ່າເລື່ອງ.

ຕ່າງໝູ່ກັບເກມກາຊາສ່ວນຫຼາຍໃນຕະຫຼາດ, ເລື່ອງລາວຫຼັກຂອງບລູ ອາຣໄຄຟສ່ວນຫຼາຍຖືກນຳສະເໜີໃນຮູບແບບວີຊວລໂນເວວເປັນຫຼັກ, ໃຊ້ຕົວລະຄອນທີ່ມີເລເວວຫຼາຍເກີນ ແລະ ການຫຼິ້ນອັດຕະໂນມັດ ຫຼື ການບັງຄັບແພ້ ເພື່ອສ້າງບັນຍາກາດໃນການເລົ່າເລື່ອງ ແລະ ເພື່ອບໍ່ໃຫ້ມີການປິດກັ້ນເນື້ອຫາສາມາດບັນຍາຍ, ເລົ່າ ຫຼື ເບິ່ງໄດ້ຍ້ອນຂໍ້ຈຳກັດຂອງວີຊລລໂນເວວທີ່ເຫັນໄດ້ໃນເກມກາຊາຫຼາຍໆເກມ, ໃນຂະນະດຽວກັນນັ້ນກໍໃຊ້ກິດຈະກຳຕ່າງໆໃນການເພີ່ມເນື້ອຫາເພີ່ມເຕີມໃຫ້ກັບເລື່ອງລາວ, ໂດຍຫຼາຍອັນທີ່ເປີດຕົວຫຼັງອົງສຸດທ້າຍມານັ້ນກໍໄດ້ໃຊ້ຮູບແບບວີຊວລໂນເວວ ຖ້າບໍ່ແມ່ນກໍຈະເປັນໃນລັກສະນະຮູບແບບແຍກຂອງນິຍາຍທີ່ສາມາດໂຕ້ຕອບໄດ້.

ອົງ ຊື່ອົງ ສະຖານທີ່ຫຼັກ
ອົງທີ1 ຄະນະກຳມະການແຜນງານອະບິດອສ ໂຮງຮຽນມັດທະຍົມອະບິດອສ
ໂຮງຮຽນມັດທະຍົມອະບິດອສມີໜີ້ສິນລົ້ນຖ້ວມຕົວ, ນັກຮຽນທີ່ເຫຼືອພຽງຫ້າຄົນ ຈຶ່ງໄດ້ຈັດຕັ້ງຄະນະກຳມະການແຜນງານ. ພວກເຂົາມັກຖືກໂຈມຕີຈາກພວກນັກເລງມາເປັນເວລາຍາວນານ ພວກເຂົາເລີຍຂໍຄວາມຊ່ວຍເຫຼືອຈາກຊາເລ້. ພວກເຂົາໄດ້ສືບສວນ ແລະ ຄົ້ນພົບວ່າບໍລິສັດທີ່ພວກເຂົາເປັນໜີ້ຢູ່ນັ້ນ, ໄຄເຊີ ຄໍປໍເຣຊັນໄດ້ຈັດສາກໃຫ້ໂຮງຮຽນກູ້ເງິນຈຳນວນຫຼາຍເກີນທີ່ຈະຈ່າຍໄຫວຍ້ອນຜົນຈາກໄພທຳມະຊາດ, ເຮັດໃຫ້ໂຮງຮຽນຕ້ອງຂາຍທີ່ດິນຈຳນວນຫຼາຍ. ໄຄເຊີ ຄໍປໍເຣຊັນຈ້າງແກ້ງນັກເລງໃຫ້ມາໂຈມຕີເມື່ອພວກຄະນະກຳມະການແຜນງານບໍ່ຍອມຂາຍທີ່ດິນທີ່ໂຮງຮຽນຂອງພວກເຂົາຕັ້ງຢູ່. ເພື່ອເປັນການລົງໂທດພວກເຂົາທີ່ເຂົ້າມາສືບສວນ, ໄຄເຊີ ຄໍປໍເຣຊັນຈຶ່ງຫຼຸດມື້ຊຳລະເງິນເຂົ້າມາເປັນໃນສິ້ນອາທິດ ແລະ ເພີ່ມມູນຄ່າໜີ້. ໂຮຊິໂນະ, ສະມາຊິກຂອງຄະນະກຳມະການແຜນງານໄດ້ລາອອກໄປ ແລະ ເຂົ້າຮ່ວມກັບໄຄເຊີ ຄໍປໍເຣຊັນ ເພື່ອແລກກັບການຍົກໜີ້ຂອງອະບິດອສ. ແຕ່ຄວາມເປັນຈິງແລ້ວ, ລາວຖືກຫຼອກ ແລະ ຖືກຈັບເພື່ອສົ່ງມອບຕົວໃຫ້ກັບອົງກອນເລິກລັບທີ່ໄຄເຊີ ຄໍປໍເຣຊັນຮ່ວມມືນຳ, ເກມາເທຣຍ ເຊິ່ງມອບຕົວລາວມາທົດລອງ ແລະ ທົດລອງພະລັງທີ່ລາວມີ. ດ້ວຍການຊ່ວຍເຫຼືອຈາກໜ່ວຍຮັບຈ້າງສາລະພັດ68, ກຸ່ມຄົນທີ່ເຄີຍຖືກຈ້າງໃຫ້ມາໂຈມຕີອະບິດອສ, ໃນທ້າຍທີ່ສຸດເຫຼົ່ານັກຮຽນອະບິດອສກໍຊ່ວຍເຫຼືອໂຮຊິໂນະສຳເລັດ. ຕໍ່ມາ, ຄະນະກຳມະການແຜນງານໄດ້ຮັບການຫຼຸດໜີ້ລົງຢ່າງຫຼາຍ ແລະ ໄດ້ຖືກຮັບຮອງເປັນສະພານັກຮຽນແຫ່ງໂຮງຮຽນມັດທະຍົມອະບິດອສຢ່າງເປັນທາງການ.
ອົງທີ2 ລຳບຸບຜາຈັກກົນ ໂຮງຮຽນວິທະຍາສາດ-ຄະນິດສາດມີເລນຽມ
ຊາເລ້ໄດ້ຮັບຄຳຮ້ອງຈາກພະແນກພັດທະນາເກມຢູ່ທີ່ໂຮງຮຽນວິທະຍາສາດ-ຄະນິດສາດມີເລນຽມ ເພື່ອພະຍາຍາມທີ່ຈະປົກປ້ອງບໍ່ໃຫ້ສະໂມສອນຂອງພວກເຂົາຖືກຍຸບຍ້ອນມີສະມາຊິກໜ້ອຍກວ່າສີ່ຄົນ ແລະ ບໍ່ສາມາດຜະລິດວີດີໂອເກມທີ່ມິຄຸນນະພາບຕາມວັດຖຸປະສົງຂອງສະໂມສອນໄດ້. ພະແນກພັດທະນາເກມຈຶ່ງຕັດສິນໄປທີ່ເຂດຮ້າງຂອງມີເລນຽມ ເພື່ອຫາແຮງດັນບານໃຈໃນການສ້າງເກມຂອງພວກເຂົາ. ແຕ່ພວກເຂົາຊັ້ນພັດພົບກັບຫຸ່ນຍົນສາວທີ່ພວກເຂົາໄດ້ຕັ້ງຊື່ໃຫ້ວ່າ ອະຣິສ, ເຊິ່ງມີຄວາມຫຼົງໄຫຼໃນວີດີໂອເກມຫຼາຍ. ສະໂມສອນພະແນກພັດທະນາເກມແຕ່ງຕັ້ງໃຫ້ອະຣິສເປັນສະມາຊິກຄົນທີສີ່, ລັກເອົາໂປຣແກຣມຈາກຫ້ອງນິລະໄພຂອງໂຮງຮຽນ, ແລະ ສາມາດສ້າງເກມໄດ້ທັນເວລາ ແລະ ຫຼຸດພົ້ນຈາກການຖືກຍຸບ. ໃນເວລາຕໍ່ມາ, ອະຣິສຖືກລັກພາຕົວໄປໂດຍຣິໂອະ, ປະທານສະພານັກຮຽນໂຮງຮຽນມີເລນຽມ, ເຊິ່ງໄດ້ເປີດໂປງວ່າແທ້ຈິງແລ້ວນັ້ນ ອະຣິສແມ່ນຫົວໜ້າຂອງດີວີ:ຊັນ(DIVI:SION), ກອງທັບຫຸ່ນຍົນທີ່ຕັ້ງໂປຣແກຣມໄວ້ເພື່ອໃຫ້ທຳລາຍຄິໂວທອສ. ຊາເລ້, ພະແນກພັດທະນາເກມ ພ້ອມດ້ວຍມິດສະຫາຍໄດ້ເຮັດປະຕິບັດການຊ່ວຍເຫຼືອ ແລະ ປ້ອງກັນບໍ່ໃຫ້ຣິໂອະຖອດລະບົບ(ຂ້າ)ອະຣິສ. ແຕ່ໃນທ້າຍທີ່ສຸດ, ອະຣິສກໍສາມາດເອົາຊະນະຄຳສັ່ງໂປຣແກຣມທີ່ຝັງໃນຫົວຂອງລາວໄດ້, ຍ້ອນຄວາມປາດຖະໜາທີ່ຈະເປັນຜູ້ກ້າແທນທີ່ຈະເປັນຕົວຮ້າຍອັນແຮງກ້າ, ແລະ ໄດ້ເຮັດໃຫ້ດີວີ:ຊັນປິດລະບົບລົງ. ອະຣິສໄດ້ກັບຄືນສູ່ສະໂມສອນພະແນກພັດທະນາເກມ, ສ່ວນຣິໂອະໄດ້ລາອອກຈາກຕຳແໜ່ງຂອງຕົນ.
ອົງທີ3 ສົນທິສັນຍາເອເດັນ ໂຮງຮຽນສາມັນທຣີນີຕີ້
ຊາເລ້ໄດ້ຮັບຄຳຮ້ອງຈາກນາງິສະ, ສະມາຊິກສະພານັກຮຽນຂອງໂຮງຮຽນສາມັນທຣີນີຕີ້ໃຫ້ຊ່ວຍກຳຈັດຄົນທໍລະຍົດທີ່ຫວັງຈະຂັດຂວາງການລົງນາມໃນສົນທິສົນຍາເອເດັນລະຫວ່າງທຣີນີຕີ້ ແລະ ສະຖາບັນເກເຮັນນ້າ. ນາງິສະໄດ້ລວບລວມຜູ້ຕ້ອງສົງໄສທັງໝົດໄວ້ໃນສະໂມສອນຊັ້ນຮຽນເສີມ, ເຊິ່ງລາວໄດ້ວາງແຜນທີ່ຈະໄລ່ອອກນັກຮຽນໃນຫັ້ນທັງໝົດ. ຊາເລ້ຈຶ່ງໄດ້ປະຕິເສດທີ່ຈະຊ່ວຍນາງິສະ ແລະ ຊ່ວຍເຫຼືອສະໂມສອນຊັ້ນຮຽນເສີມແທນ ເຖິງແມ່ນວ່ານາງິສະຈະເຂົ້າມາຫຍຸ້ງກໍຕາມ. ໃນທີ່ສຸດ, ຜູ້ທໍລະຍົດທີ່ແທ້ຈິງກໍຖືກເປີດເຜີຍວ່າແມ່ນໝູ່ຂອງນາງິສະ, ມິກະ ເຊິ່ງຮ່ວມມືກັບທີມສະຄວອດອາຣຽສຈາກໂຮງຮຽນສາຂາອາຣຽສ. ອາຣຽສພະຍາຍາມທີ່ຈະທຳລາຍການລົງນາມສົນທິສົນຍາເອເດັນ, ແຕ່ຊາເລ້ ແລະ ສະໂມສອນຊັ້ນຮຽນເສີມກໍສາມາດຂັດຂວາງແຜນການຂອງພວກເຂົາໄດ້ ແລະ ບັງຄັບໃຫ້ຕ້ອງລ່າຖອຍໜີໄປ. ຈາກນັ້ນ ຊາໂອຣິ, ຫົວໜ້າສະຄວອດອາຣຽສໄດ້ຂໍຮ້ອງໃຫ້ຊາເລ້ເຂົ້າຊ່ວຍເຫຼືອໝູ່ຂອງລາວ, ອະສຶໂກະ ເຊິ່ງເບຍທຣິຊ, ສະມາຊິກຂອງກຸ່ມເກມາເທຣຍວາງແຜນທີ່ຈະສັງເວີຍເພື່ອພິທີກຳ. ຊາເລ້ສາມາດທີ່ຈະໂນ້ມນ້າວໃຫ້ສະມາຊິກທີ່ເຫຼືອຂອງສະຄວອດອາຣຽສ ແລະ ມິກະໃຫ້ມາຮ່ວມມືກັນຊ່ວຍເຫຼືອອະສຶໂກະໄດ້ ໃນຂະນະທີ່ທຣີນີຕີ້ກຳລັງບຸກໂຮງຮຽນອາຣຽສ. ເບຍທຣິຊຖືກບັງຄັບໃຫ້ຍອມແພ້ ແລະ ຫຼົບໜີໄປ, ສ່ວນມິກະທີ່ເຄີຍຖືກຈັບຄຸກກໍໄດ້ຮັບການອະໄພຍະໂທດ.
ອົງທີ4 ກະຕ່າຍແຫ່ງຄາລບານັອກ ສະຖາບັນພິເສດເອັສອາຣທີ(SRT)
ຊາເລ້ຖືກສົ່ງໃຫ້ໄປປາບປາມກອງກຳລັງກະຕ່າຍ, ເຊິ່ງກຳລັງປະທ້ວງເລື່ອງການປິດສະຖາບັນພິເສດເອັສອາຣທີຂອງພວກເຂົາ. ຊາເລ້ຈຶ່ງຕັດສິນໃຈພະຍາຍາມຊ່ວຍເຫຼືອພວກເຂົາ ແຕ່ຕອນທຳອິດລາວບໍ່ໄວ້ວາງໃຈ ແລະ ບໍ່ໃຫ້ຄວາມຮ່ວມມື. ແຕ່ທ້າຍທີ່ສຸດພວກເຂົາກໍໄວ້ໃຈຊາເລ້ ຫຼັງຈາກລາວຊ່ວຍກູ້ຄ່າຍຂອງພວກເຂົາຈາກພາຍຸຝົນ, ພວກເຂົາເລີ່ມສືບສວນຄະດີເລິກລັບຂອງໄຄເຊີ ຄໍປໍເຣຊັນທີ່ພະຍາຍາມຂັບໄລ່ປະຊາຊົນອອກໄປຈາກທີ່ຢູ່ຂອງພວກເຂົາ. ພວກເຂົາໄດ້ເປີດໂປງແຜນການສົມຄົບຄິດທີ່ສະຖາບັນເຝິກຕຳຫຼວດວາລຄີຣີ້ລັກຊື້ອາວຸດຈາກໄຄເຊີ ຄໍປໍເຣຊັນ, ເຊິ່ງໄດ້ກໍ່ໃຫ້ເກີດເລື່ອງອື້ສາວ ແລະ ເຮັດໃຫ້ແຜນການພັດທະນາເຂດຂອງໄຄເຊີຢຸດສະຫງັດ. ພາຍຫຼັງເຫດການໃນອົງສຸດທ້າຍ, ຫົວໜ້າສຳນັກປ້ອງກັນແຫ່ງອົງການນັກຮຽນ ຄາຢະໄດ້ລັດຖະປະຫານອົງການສະພານັກຮຽນທົ່ວໄປດ້ວຍຄວາມຊ່ວຍເຫຼືອຂອງກອງກຳລັງຈິ້ງຈອກ, ເຊິ່ງຫວັງວ່າລາວຈະສາມາດຟື້ນຟູສະຖາບັນເອັສອາຣທີໄດ້. ແຕ່ເລື່ອງກໍຫັກມຸມເມື່ອຄາຢະສັ່ງໃຫ້ກອງກຳລັງຈິ້ງຈອກທຳລາຍສະຖານີລົດໄຟໂດຍຈັດສາກວ່າເປັນການກໍ່ການຮ້າຍ, ແຕ່ພວກເຂົາກໍຖືກຂັດຂວາງໂດຍກອງກຳລັງກະຕ່າຍ. ເມື່ອພວກເຂົາໄດ້ເຫັນ ແລະ ຕະໜັກເຖິງສິ່ງທີ່ພວກເຂົາໄດ້ເຮັດລົງໄປ, ກອງກຳລັງຈິ້ງຈອກ ຈຶ່ງຍອມຈຳນົນຕໍ່ຊາເລ້ ແລະ ມອບຫຼັກຖານເພື່ອໃຊ້ກ່າວຫາຄາຢະ, ເຊິ່ງນຳໄປສູ່ການຈັບກຸມລາວໃນທ້າຍທີ່ສຸດ.
ອົງສຸດທ້າຍ ສະຖານທີ່ໆປະຕິຫານທັງໝົດເລີ່ມຕົ້ນ ຊາເລ້ ແລະ ອົງການນັກຮຽນທົ່ວໄປ
ຍ້ອນຄວາມກົງວົນກ່ຽວກັບຄຳທຳນາຍທີ່ທຳນາຍເຖິງຊະຕາກຳຂອງຄິໂວທອສ, ຊາເລ້ຈຶ່ງສົ່ງຄຳເຕືອນໃຫ້ຮອງປະທານສະພານັກຮຽນທົ່ວໄປ, ຣິນ ເຊິ່ງພະຍາຍາມທີ່ຈະຈັດການປະຊຸມ. ແຕ່ຢ່າງໃດກໍຕາມ, ສະມາຊິກຄົນອື່ນໆຂອງອົງການສະພານັກຮຽນທົ່ວໄປທີ່ເຫັນແນວນັ້ນ ເຊິ່ງໄດ້ອົດທົນມາດົນແລ້ວ ຈຶ່ງພາກັນລົງນາມບໍ່ໄວ້ວາງໃຈຣິນຍ້ອນເຊື່ອວ່າລາວກຳລັງກ້າວລໍ້າອຳນາດຂອງລາວເອງໃນການໃຊ້ຍຶດຄິໂວທອສ, ເຊິ່ງໄດ້ນຳໄປສູ່ການພະຍາຍາມຍຶດອຳນາດຂອງໄຄເຊີ ແລະ ຍຶດຄິໂວທອສມາເປັນຂອງຕົນເອງ. ຊາເລ້, ກອງກຳລັງກະຕ່າຍ ແລະ ວາລຄີຣີ້ສາມາດຂັດຂວາງໄຄເຊີໄດ້, ແຕ່ກໍຊັ້ນພັດມີຫໍຂະໜາດໃຫຍ່ທີ່ເອີ້ນວ່າຫໍແຫ່ງຄຳລ່ວງ ເລີ່ມປະກົດຂຶ້ນເທິງເມືອງ. ໃນຂະນະທີ່ຊາເລ້ໄດ້ລວມກຳລັງນັກຮຽນສ່ວນໃຫຍ່ ເພື່ອປ້ອງກັນຕ້ານຫໍເຫຼົ່ານັ້ນ, ພວກເຂົາຍັງສົ່ງເຮືອເຫາະອະວະກາດ ເພື່ອໂຈມຕີສະຖານີອະວະກາດທີ່ເບິ່ງຄືວ່າຈະເປັນຕົ້ນກຳເນີດຂອງຫໍແຫ່ງຄຳລ່ວງ. ເມື່ອຂຶ້ນສະຖານີແລ້ວ, ພວກເຂົາກໍຄົ້ນພົບວ່າຜູ້ບົງການແມ່ນເພລນາພາເທສ ແລະ ອະນູບິສ, ຕົວເຊັນເຊ ແລະ ຊິໂຣໂກະໃນອີກຈັກກະວານສາຍເວລາໜຶ່ງທີ່ເຮັດວຽກຮັບໃຊ້ພະລັງອັນຍິ່ງໃຫຍ່ທີ່ເອີ້ນວ່າ ສີສັນ. ຊາເລ້ສາມາດເອົາຊະນະເພລນາພາເທສ ແລະ ອະນູບິສໄດ້, ລາວກໍໄດ້ເຮັດຕາມຄຳຂໍສຸດທ້າຍຂອງເພລນາພາເທສຄືການຊ່ວຍເຫຼືອອະນູບິສໃນຕອນທີ່ສະຖານີອະວະກາດກຳລັງຈະລະເບີດ. ດ້ວຍການພັງທະລາຍຂອງສະຖານີອະວະກາດນັ້ນ, ຫໍແຫ່ງຄຳລ່ວງກໍຫາຍໄປ, ຄິໂວທອສເລີ່ມພັດທະນາສ້າງຂຶ້ນໃໝ່, ສ່ວນອະນູບິສກໍຈາກໄປ ເພື່ອເລີ່ມຕົ້ນຊີວິດຂອງຕົນທີ່ເຄີຍລົ້ມແຫຼວມາກ່ອນໃນຈັກກະວານໃໝ່.
ອົງທີ5 ຮຽກກະຣຽວຣັນ ສະມາພັນແນວລວມຮຽກຄິຢະໂຄ
-

ຕາຕະລາງລຸ່ມນີ້ແມ່ນຕາຕະລາງກິດຈະກຳທັງໝົດໃນເກມ (ເວີຊັນສາກົນ).

ຕາຕະລາງກິດຈະກຳເນື້ອເລື່ອງ ພາຍໃນເກມ
ຊື່ກິດຈະກຳ ມື້ກິດຈະກຳ ໝາຍເຫດ
ເວີຊັນຍີ່ປຸ່ນ ເວີຊັນສາກົນ
ເທດສະການດອກໄມ້ຊາກຸລະບານໃໝ່ ທີ25 ກຸມພາ - ທີ11 ມີນາປີ2021 ທີ29 ພະຈິກ - ທີ14 ທັນວາປີ2021
ປະຕິວັດປ່ວນ ອີວານ ຄູປາລາ ທີ29 ເມສາ - ທີ13 ພຶດສະພາປີ2021 ທີ11 - 25 ມັງກອນປີ2022
ຄວາມປາດຖະໜາໃນລະດູຮ້ອນ ທີ30 ມິຖຸນາ - ທີ15 ກໍລະກົດປີ2021 ທີ22 ກຸມພາ - ທີ8 ມີນາປີ2022
ປິດເທີມລະດູຮ້ອນຂອງທ່ານປະທານກຳມະການລະບຽບວິໄນຮິນະ ທີ29 ກໍລະກົດ - ທີ12 ສິງຫາປີ2021 ທີ22 ມີນາ - ທີ5 ເມສາປີ2022
ຫິ້ນໝາກລີ້ໃນດິນແດນໃນຝັນ ທີ26 ສິງຫາ - ທີ19 ກັນຍາປີ2021 ທີ19 ເມສາ - ທີ3 ພຶດສະພາປີ2022
ຊອກຫາບັນນີ້ ພາລະກິດລັບເທິງເຮືອຢອດ ທີ29 ກັນຍາ - ທີ13 ຕຸລາປີ2021 ທີ3 - 17 ພືດສະພາປີ2022
ຮັນສຶເນະ ມິຄຸ ສະເປຊຽວໄລຟ້ ອິນ ຄິໂວທ່ອດ ທີ3 - 17 ພະຈິກປີ2021 ທີ14 - 28 ມິຖຸນາປີ2022 ກິດຈະກຳຮ່ວມມື(ຄໍແລັບ)
ປະຕິບັດການພິເສດ ພາກເດກາແກຣມມາຕອນ ທີ9 - 24 ພະຈິກປີ2021 ທີ21 ມິຖຸນາ - ທີ5 ກໍລະກົດປີ2022 ສ່ວນທີໜຶ່ງ
ອອນເຊັນ No.227 ບັນທຶກລະມຸນ! ທີ30 ພະຈິກ - ທີ14 ທັນວາປີ2021 ທີ12 - 26 ກໍລະກົດປີ2022
ບົດບັນເລງແຫ່ງປີໃໝ່ No.68 ທີ29 ທັນວາປີ2021 - ທີ12 ມັງກອນປີ2022 ທີ9 - 23 ສິງຫາປີ2022
ຊາເລ້ແຮັບປີ້ວາເລນທາຍ & ໂຄສາກະ ວາຄາໂມະ-ຄວາມມິດງຽບ ແລະ ງານສະຫຼອງ ທີ26 ມັງກອນ - ທີ9 ກຸມພາປີ2022 ທີ6 - 20 ກັນຍາປີ2022
ເທດສະການດອກໄມ້ຊາກຸລະບານໃໝ່ ທີ9 - 16 ກຸມພາປີ2022 ທີ20 - 27 ກັນຍາປີ2022 ຣີຣັນ
ຊິດເຕີຈອງໂກະກັງກັບແມ່ມົດແຫ່ງຫໍສະມຸດເກົ່າ ທີ23 ກຸມພາ - ທີ9 ມີນາປີ2022 ທີ4 - 18 ຕຸລາປີ2022
ປະຕິວັດປ່ວນ ອີວານ ຄູປາລາ ທີ9 - 16 ມີນາປີ2022 ທີ18 - 25 ຕຸລາປີ2022 ຣີຣັນ
ຄວາມປາດຖະໜາໃນລະດູຮ້ອນ ທີ20 ເມສາ - ທີ4 ພຶດສະພາປີ2022 ທີ22 - 29 ພະຈິກປີ2022 ຣີຣັນ
ຫົວໃຈແຫ່ງຄວາມອັບໂຊກ ທີ27 ເມສາ - ທີ11 ພຶດສະພາປີ2022 ທີ29 ພະຈິກ - ທີ13 ທັນວາປີ2022
ປະຕິບັດການພິເສດ ພາກເດກາແກຣມມາຕອນ ທີ8 - 22 ມິຖຸນາປີ2022 ທີ27 ທັນວາປີ2022 - ທີ10 ມັງກອນປີ2023 ສ່ວນທີສອງ
ຄະນະກຳມະການອະບິດອສຟື້ນຟູຣີສອດ ທີ22 ມິຖຸນາ - ທີ6 ກໍລະກົດປີ2022 ທີ17 - 31 ມັງກອນປີ2023
ແຜນການຮ້ານສາຂາລິມທະເລ ທີ20 ກໍລະກົດ - ທີ3 ສິງຫາປີ2022 ທີ31 ມັງກອນ - ທີ14 ກຸມພາປີ2023
ປະຕິບັດການພິເສດ ພາກເດກາແກຣມມາຕອນ ທີ6 - 20 ກໍລະກົດປີ2022 ທີ14 - 27 ກຸມພາປີ2023 ສ່ວນທີສາມ
ຄວາມລັບລົດຫວານກັບດົງປືນ ທີ24 ສິງຫາ - ທີ7 ກັນຍາປີ2022 ທີ28 ກຸມພາ - ທີ14 ມີນາປີ2023
ປິດເທີມລະດູຮ້ອນຂອງທ່ານປະທານກຳມະການລະບຽບວິໄນຮິນະ ທີ7 - 14 ກັນຍາປີ2022 ທີ14 - 21 ມີນາປີ2023 ຣີຣັນ
ຫິ້ນໝາກລີ້ໃນດິນແດນໃນຝັນ ທີ21 ກັນຍາ - ທີ5 ຕຸລາປີ2022 ທີ21 - 28 ມີນາປີ2023
On Your Mark ＠ Millennium ~ງານຄິໂວທອສ ຮາໂລ ເຟສຕິວ້ອລ໌~ ທີ28 ກັນຍາ - ທີ12 ຕຸລາປີ2022 ທີ28 ມີນາ - ທີ11 ເມສາປີ2023
ຊອກຫາບັນນີ້ ພາລະກິດລັບເທິງເຮືອຢ່ອດ ທີ12 - 19 ຕຸລາປີ2022 ທີ11 - 18 ເມສາປີ2023 ຣີຣັນ
Get Set, Go! ຄິໂວທອສ ຮາໂລ ເຟສຕິວ້ອລ໌ ທີ29 ຕຸລາ - ທີ9 ພະຈິກປີີ2022 ທີ25 ເມສາ - ທີ3 ພືດສະພາປີ2023
ປະຕິບັດການພິເສດ ພາກເດກາແກຣມມາຕອນ ທີ16 - 30 ພະຈິກປີ2022 ທີ16 - 29 ພຶດສະພາປີ2023 ສ່ວນທີສີ່
ອອນເຊັນ No.227 ບັນທຶກລະມຸນ! ທີ30 ພະຈິກ - ທີ7 ທັນວາປີ2022 ທີ30 ພືດສະພາ - ທີ6 ມິຖຸນາປີ2023 ຣີຣັນ
ງານສະຫຼອງຄຣິດສະມາສແຫ່ງມະຫາວິຫານ ທີ14 - 28 ທັນວາປີ2022 ທີ13 - 27 ມິຖຸນາປີ2023
ປີໃໝ່ສຸດປ່ວນກັບຄາບເປີດເທສະການ ທີ28 ທັນວາປີ2022 - ທີ11 ມັງກອນປີ2023 ທີ27 ມິຖຸນາ - ທີ11 ກໍລະກົດປີ2023
ຊາເລ້ແຮັບປີ້ວາເລນທາຍ & ໂຄສາກະ ວາຄາໂມະ-ຄວາມມິດ ແລະ ງານສະຫຼອງ ທີ11 - 24 ມັງກອນປີ2023 ທີ11 - 25 ກໍລະກົດປີ2023 ຣີຣັນ
ປະຕິບັດການຍຶດຫໍແຫ່ງຄຳລ່ວງ ທີ24 ມັງກອນ - ທີ22 ກຸມພາປີ2023 ທີ25 ກໍລະກົດ - ທີ22 ສິງຫາປີ2023 ປະຕິບັດການປະສົມ (ເຣດໂລກ)
ຊິດເຕີ້ຈອງໂກ໊ະກັງກັບແມ່ມົດແຫ່ງຫໍສະມຸດເກົ່າ ທີ10 - 22 ກຸມພາປີ2023 ທີ11 - 22 ສິງຫາປີ2023 ຣີຣັນ
ປະຕິບັດການຍຶດເຮືອບິນຮັດຕຣາຮາຊິດ ທີ22 ກຸມພາ - ທີ8 ມີນາປີ2023 ທີ22 ສິງຫາ - ທີ5 ກັນຍາປີ2023
ເສີກຊີ້ຊະຕາ-ເພລນາພາເທສ ທີ8 - 22 ມີນາປີ2023 ທີ5 - 19 ກັນຍາປີ2023
ປະຕິບັດການຟື້ນຟູເຂດຊິລາໂທຣິ D.U. ທີ12 - ທີ22 ມີນາປີ2023 ທີ9 - 19 ກັນຍາປີ2023
ບົດບັນເລງແຫ່ງປີໃໝ່ No.68 ທີ22 ມີນາ - ທີ5 ເມສາປີ2023 ທີ26 ກັນຍາ - ທີ10 ຕຸລາປີ2023 ຣີຣັນ
ຫົວໃຈແຫ່ງຄວາມອັບໂຊກ ທີ12 - ທີ19 ເມສາປີ2023 ທີ24 - 31 ຕຸລາປີ2023 ຣີຣັນ
ຈົດໝາຍເຕືອນສີຂາວ ~ສຸນທະລີຍະພາບໃນຂະລຶຫາດແຫ່ງຄວາມຫຼອກລວງ~ ທີ26 ເມສາ - ທີ10 ພຶດສະພາປີ2023 ທີ31 ຕຸລາ - ທີ14 ພະຈິກປີ2023
ຄວາມລັບລົດຫວານກັບດົງປືນ ທີ10 - 17 ພຶດສະພາປີ2023 ທີ14 - 21 ພະຈິກປີ2023 ຣີຣັນ
ເຕົ່າມັງກອນຜະນຶກກຳລັງ ~ອະນາຄົດທີ່ລວມເປັນໜຶ່ງດັ່ງໃຈປາດຖະໜາ~ ທີ24 ພຶດສະພາ - ທີ7 ມິຖຸນາປີ2023 ທີ28 ພະຈິກ - ທີ12 ທັນວາປີ2023
ງົບການເງິນຊາເລ້ with ອົງການນັກຮຽນ ທີ7 - 21 ມິຖຸນາປີ2023 ທີ12 -26 ທັນວາປີ2023 ພາກທີໜຶ່ງ
ປະຕິບັດການພິເສດພາກລະດູຮ້ອນ ການໄລ່ລ່າຂອງກະຕ່າຍ ແລະ ເລື່ອງເລິກລັບຂອງກຸ້ງທີ່ຫາຍໄປ ທີ21 ມິຖຸນາ - ທີ5, ກໍລະກົດປີ2023 ທີ26 ທັນວາ - ທີ9 ມັງກອນປີ2024
ງົບການເງິນຊາເລ້ with ອົງການນັກຮຽນ ທີ5 - 17 ກໍລະກົດປີ2023 ທີ9 -23 ມັງກອນປີ2024 ພາກທີສອງ
ຄະນະກຳມະການອະບິດອສຟື້ນຟູຣີສອດ ທີ17 - 24 ກໍລະກົດປີ2023 ທີ23 - 30 ມັງກອນປີ2024 ຣີຣັນ
ຕາມລ່າສົມບັດລັບ ~ຄາບນອກຫຼັກສູດທຣີນີຕີ້~ ທີ24 ກໍລະກົດ - ທີ9 ສິງຫາປີ2023 ທີ30 ມັງກອນ - ທີ15 ກຸມພາປີ2024
ແຜນການຮ້ານສາຂາລິມທະເລ ທີ16 - 23 ສິງຫາປີ2023 ທີ20-27 ກຸມພາປີ2024 ຣີຣັນ
ເລື່ອງລາວຂອງໂດຈິນໃນໂຮງຮຽນ ~ຕອນສຸດທ້າຍຈາກທັງສອງຄົນ~ ທີ 23 ສິງຫາ - ທີ6 ກັນຍາປີ2023 ທີ27 ກຸມພາ - ທີ12 ມີນາປີ2024
On Your Mark ＠ Millennium ~ງານຄິໂວທອສ ຮາໂລ ເຟສຕິວ້ອລ໌~ ທີ6 - 15 ກັນຍາປີ2023 ທີ12 - 21 ມີນາປີ2024 ຣີຣັນ
Get Set, Go! ຄິໂວທອສ ຮາໂລ ເຟສຕິວ້ອລ໌ ທີ15 -27 ກັນຍາປີ2023 ທີ21 ມີນາ - ທີ2 ເມສາປີ2024 ຣີຣັນ
Trip-Trap-Train ທີ27 ກັນຍາ - ທີ11 ຕຸລາປີ2023 ທີ2 -16 ເມສາປີ2024
ງົບການເງິນຊາເລ້ with ອົງການນັກຮຽນ ທີ11 - 24 ຕຸລາປີ22023 ທີ16 - 30 ເມສາປີ2024 ພາກທີສາມ
ແຟ້ມລັບໄວຮຸ່ນ ຄະດີວິທະຍາສາດ ທີ24 ຕຸລາ - ທີ8 ພະຈິກປີ2023 ທີ30 ເມສາ - ທີ14 ພຶດສະພາປີ2024 ກິດຈະກຳຮ່ວມມື(ຄໍແລັບ)
ງົບການເງິນຊາເລ້ with ອົງການນັກຮຽນ ທີ8 - 22 ພະຈິກປີ2023 ທີ14 - 28 ພຶດສະພາປີ2024 ພາກທີສີ່
ງົບການເງິນຊາເລ້ with ອົງການນັກຮຽນ ທີ22 ພະຈິກ - ທີ6 ທັນວາປີ2023 ທີ28 ພຶດສະພາ - ທີ11 ມິຖຸນາປີ2024 ພາກທີຫ້າ

ການພັດທະນາ ແລະ ຈັດຈຳໜ່າຍ

ດັດແກ້

ໂຢສະຕາ ປະກາດເກມມືຖື ແລະຈັດ ທົດສອບເບຕະ ສໍາລັບ Android ໃນເດືອນກໍລະກົດ ປີ2020. [5] ໃນ​ເບື້ອງ​ຕົ້ນ​ມີ​ກໍາ​ນົດ​ທີ່​ຈະ​ປ່ອຍ​ອອກ​ມາ​ໃນ​ປີ 2020​, ແຕ່​ໄດ້​ຖືກ​ເລື່ອນໄປ​ເປັນທີ4 ເດືອນ​ກຸມ​ພາ 2021​.[6][7]

ເວີຊັນທົ່ວໂລກໄດ້ປະກາດເປີດຕົວໃນເດືອນສິງຫາປີ2021,[8] ໂດຍມີຜູ້ລົງທະບຽນລ່ວງໜ້າທະລຸໜຶ່ງລ້ານຄົນກ່ອນວາງຈຳໜ່າຍ[9]. ເວີຊັນດັ່ງກ່າວ, ເຊິ່ງລວມມີພາສາອັງກິດ, ເກົາຫຼີ, ຈີນດັ້ງເດີມ ແລະ ໄທ, ໄດ້ເຜີຍແຜ່ເມື່ອເດືອນພະຈິກທີ8ໃນປີດຽວກັນໂດຍ ເນັກຊອນ.[10][11]

ໃນເດືອນພະຈິກທີ11, ປີ2022, ເນັກຊອນໄດ້ອັບເດດເຣດຕິ່່ງຂອງເກມເວີຊັນທົ່ວໂລກຈາກ"ໄວຮຸ່ນ"ເປັນ"ຜູ້ໃຫຍ່",ແລະ ເຜີຍແຜ່ເວີຊັນ"ໄວຮຸ່ນ"ແຍກຕ່າງຫາກ, ເຊິ່ງເປັນຜົນສືບເນື່ອງມາຈາກປັນຫາການໃຫ້ເຣດຕິ່ງໃນເກົາຫຼີ. ໂດຍໃນເວີຊັນ"ໄວຮຸ່ນ"ໄດ້ມີການດັດແປງເນື້ອຫາບາງສ່ວນຈາກເກມດັ້ງເດີມ.[12]

ເກມເວີຊັນພາສາຈີນສຳລັບຈີນແຜ່ນດິນໃຫຍ່ ໄດ້ເປີດຕົວໃນເດືອນມີນາປີ2023, ໂດຍມີການດັດແປງເພື່ອໃຫ້ຊອດຄ່ອງກັບກົດໝາຍຈີນກ່ຽວກັບການວາງຈຳໜ່າຍ ແລະ ຫິ້ນເກມພາຍໃນປະເທດ. ຕໍ່ມາ ເວັບໄຊ້ເກມໄດ້ເປີດໃຫ້ບໍລິການພ້ອມກັນກັບຕົວຢ່າງແຮກໃນເດືອນມີນາທີ31, ປີ2023 ໂດຍເປີດໃຫ້ລົງທະບຽນລ່ວງໜ້າໃນມື້ດຽວກັນ. ຈາກນັ້ນໄດ້ມີການຈັດໂຄດເບຕ້າລະຫວ່າງເດືອນມິຖຸນາ - ເດືອນກໍລະກົດ, ແລະ ໃນເດືອນສິງຫາທີ3, ປີ2023, ຕົວເກມໄດ້ເປີດຕົວຢ່າງເປັນທາງການໃນຈີນ, ເຜີຍແຜ່ໂດຍ ໂຢສະຕາ.[13][14]

ໃນເດືອນຕຸລາປີ2023, ເນັກຊອນໄດ້ປະກາດຈະລົງເວີຊັນສາກົນໃນກາເລັກຊີ ສະຕໍສຳລັບອຸປະກອນມືຖືຊັມຊຸງ.[15] ລົງເມື່ອວັນທີ31, ເດືອນຕຸລາປີ2023.

ອີງຕາມການສຳພາດທີ່ໄຕຫວັນເມື່ອເດືອນທັນວາປີ2023, ຜູ້ກຳກັບ-ຄິມຢອງຮາ ໄດ້ບອກວ່າພວກເຂົາໄດ້ວາງແຜນພັດທະນາລ່ວງໜ້າໄວ້ສອງປີ ແລະ ຄາດວ່າຢ່າງນ້ອຍຈະມີການພັດທະນາຕໍ່ໄປອີກ15ປີພາຍໃຕ້ແນວທາງຂອງພວກເຂົາ. ນອກຈາກນີ້, ລາວຍັງບອກວ່າຕອນນີ້ພວກເຂົາໄດ້ເນັ້ນໃສ່ການແກ້ໄຂບັນຫາການແຄຣັດສ(ການເຮັດວຽກຂອງໂປຣແກຣມເກີດລົ້ມເຫຼວ)ທີ່ມັກເກີດຂຶ້ນໃນເກມ, ໂດຍມີສາເຫດມາຈາກໂມເດັມຂອງສິ່ງຕ່າງໆໃນເກມມີຄວາມຊັບຊ້ອນ ແລະ ມີຈຳນວນຫຼາຍ, ເຊິ່ງເຮັດໃຫ້ແຣມ(ໜ່ວຍເກັບຄວາມຈຳຫຼັກ)ຂອງມືຖືທີ່ມີໜ້ອຍ ມີພື້ນທີບໍ່ພໍ ນຳໄປສູ່ການແຄຣັດສ. ແລະ ຍັງບອກວ່າປັດຈຸບັນຍັງບໍ່ມີການວາງແຜນທີ່ຈະເຮັດເວີຊັນພີຊີ(ຄອມພິວເຕີ).[16]

ສື່ອື່ນໆ

ດັດແກ້

ແອນິເມຊັ້ນ

ດັດແກ້

ແອນິເມຊັ້ນສັ້ນ

ດັດແກ້

ແອນິເມຊັ້ນສັ້ນສອງຕອນໄດ້ຮັບການເຜີຍແຜ່ສຳລັບເປັນວີດີໂອໂປຣໂມດຂອງເກມ. ທັງສອງຕອນຜະລິດໂດຍໂຢສະຕາ ພິກເຈີສ ແລະ ລົງໃນຊ່ອງຢູທູບທາງການ.

ແອນິເມຊັ້ນສັ້ນຄົບຮອບ1.5ປີ ເປີດຕົວເມື່ອວັນທີ16, ກໍລະກົດປີ2022 ໂດຍເປັນແອນິເມຊັ້ນພິເສດຄວາມຍາວ9ນາທີສຳລັບກິດຈະກຳລະດູຮ້ອນ ແລະ ກິດຈະກຳຄວບຮອບເຄິ່ງຫຼັງ, ໂດຍມີນັກຮຽນຈາກອະບິດອສ, ເຮັກຄິຍະໂຄ, ທຣີນິຕີ້ ແລະ ເກເຮັນນ້າ ມາຮ່ວມພາລະກິດໃນການກຽມຕົວສຳລັບກິດຈະກຳລະດູຮ້ອນຂອງພວກເຂົາ.[17]

ວັນອັນສວຍງານຂອງນັກຝັນ (Beautiful Day Dreamer) ແອນິເມຊັ້ນສັ້ນອີກຕອນ, ເຊິ່ງເລົ່າເລື່ອງລາວຂອງພະແນກພັດທະນາເກມຈາກມີເລມຽມ. ເຜີຍແຜ່ເມື່ອວັນທີ22, ພະຈິກປີ2022 ໂດຍມີຄວາມຍາວປະມານ9ນາທີ.[18]

ແອນິເມຊັ້ນສັ້ນຄົບຮອບ2.5ປີ ກຳລັງຈະເຜີຍແຜ່ໃນວັນທີ23, ກໍລະກົດປີ2023, ແຕ່ກໍມີລາຍງານວ່າຖືກຍົກເລີກກ່ອນທີ່ຈະໄດ້ຮັບການຢືນຢັນໃນໄລຟ໌ສະຕຣີມເມື່ອວັນທີ24, ທັນວາປີ2023, ເຊິ່ງຢືນຢັນວ່າຖືກຍົກເລີກແທ້ ເນື່ອງຈາກບັນຫາທາງດ້ານຄຸນນະພາບ.[19][20]

ລ/ດ ຊື່ ວັນເຜີຍແຜ່
1 ແອນິເມຊັ້ນສັ້ນຄົບຮອບ1.5ປີ ທີ15, ກໍລະກົດປີ2022
2 ວັນອັນສວຍງານຂອງນັກຝັນ ທີ21, ພະຈິກປີ2022
3 ແອນິເມຊັ້ນສັ້ນຄົບຮອບ2.5ປີ ບໍ່ໄດ້ເຜີຍແຜ່

ບລູ ອາຣໄຄຟ ດິ ແອນິເມຊັ້ນ

ດັດແກ້

ຊຸດກາຕູນອະນິເມະໂທລະທັດທີ່ດັດແປງມາຈາກເກມບລູ ອາຣໄຄຟມີຊື່ວ່າ ບລູ ອາຣໄຄຟ ດິ ແອນິເມຊັ້ນ ໄດ້ຮັບການປະກາດເມື່ອວັນທີ22, ມັງກອນປີ2023.[21][22] ຊຸດແອນິເມຊັ້ນຜະລິດໂດຍໂຢສະຕາ ພິກເຈີສ໌ ແລະ ແຄນດີ້ບັອກຊ໌ ແລະ ກຳກັບໂດຍຢາມະກິຊິ ໄດໂກະ, ແລະ ໂອໂນກິ ຮິໂຣຊິຄ່ອຍດູແລເລື່ອງບົດພ້ອມດ້ວຍຢາມະກິຊິ, ມາກິ ຊຸນຈິຮັບໜ້າທີ່ເປັນຜູ້ຊ່ວຍຜູ້ກຳກັບ, ແລະ ຮາກິວາຣະ ຮິໂຣມິດສຶເປັນຜູ້ອອກແບບຕົວລະຄອນ ແລະ ຮັບໜ້າທີ່ເປັນຫົວໜ້າຜູ້ກຳກັບແອນິເມຊັ້ນ.[23] ອະນິເມະຈະດັດແປງມາຈາກເນື້ອເລື່ອງອົງທີໜຶ່ງ ຄະນະກຳມະການແຜນງານອະບິດອສ. ນັກພາກຕົວລະຄອນທັງໝົດແມ່ນຄືກັບໃນເກມ. ອອກອາກາດຕອນແຮກໃນວັນທີ8, ເມສາປີ2024ຜ່ານຊ່ອງທີວີ ໂຕກຽວໂດຍເປັນສ່ວນໜຶ່ງຂອງຊ່ວງລາຍການສາຍອະນິເມະຕອນກາງຄືນວັນອາທິດທີ່ບໍ່ທັນມີຊື່ ແລະ ຍັງມີສາຍເທິງເຄືອຂ່າຍອື່ນໆ.[24][25] ມີເດຍລິງຄ໌ໄດ້ຮັບລິຂະສິດຂອງຊຸດອະນິເມະສຳລັບການສາຍໃນຂົງເຂດອາຊີປາຊີຟິກ(ຍົກເວັ້ນອົດສະຕຣາລີ້ ແລະ ນູແວນເຊລັງ) ແລະ ໄດ້ນຳມາສະຕຣິມເທິງຊ່ອງຢູທູບຂອງອະນິ-ວັນ ອາຊີ.[26]

ຕາຕະລາງຕອນຂອງບລູ ອາຣໄຄຟ ດິ ແອນິເມຊັ້ນ
ລ/ດ ຊື່ ກຳກັບໂດຍ[note 1] ຂຽນບົດໂດຍ[note 1] ລຽງລຳດັບສາກໂດຍ[note 1] ມື້ອອກອາກາດ
1 "ໂຮງຮຽນມັດທະຍົມອະບິດອສ, ຄະນະກຳມະການແຜນງານອະບິດອສ" (ຍີ່ປຸ່ນ: アビドス高等学校廃校対策委員会) ຢາມະກິຊິ ໄດໂກະ ໂອໂນກິ ຮິໂຣຊິ,

ຢາມະກິຊິ ໄດໂກະ

ຢາມະກິຊິ ໄດໂກະ ທີ7 ເມສາປີ2024
2 "ຂ້ອຍບໍ່ຍອມຮັບເຈົ້າຫຼອກ!" (ຍີ່ປຸ່ນ: 私は認めない！) ມາກິ ຊຸນຈິ ໂອໂນກິ ຮິໂຣຊິ ມາກິ ຊຸນຈິ ທີ14 ເມສາປີ2024
3 "ໃຫ້ເປັນໜ້າທີ່ຂອງໜ່ວຍຮັບຈ້າງສາລະພັດ68ເອງເຈົ້າ" (ຍີ່ປຸ່ນ: 便利屋68にお任せください！) ໂຄບາຢາຊິ ຮິຊາໂນຣິ ໂອໂນກິ ຮິໂຣຊິ,

ຢາມະກິຊິ ໄດໂກະ

ຢາມະກິຊິ ໄດໂກະ,

ມາສຸດະ ໂທຊິຮິໂກະ

ທີ21 ເມສາປີ2024
4 "ກອງກຳລັງໜ້າກາກມິສຶກິ" (ຍີ່ປຸ່ນ: 覆面水着団☆) ໂຄມັດສຶ ຄາສຸມະ ໂອໂນກິ ຮິໂຣຊິ ອາຊຶມະ ຣຽວສຸເກະ ທີ28 ເມສາປີ2024
5 "ບໍ່ແມ່ນໝູ່ກັນໄດ໋!" (ຍີ່ປຸ່ນ: 友達なんかじゃない！) ຄຸນິຖມຖຕະ ອິຈິໂອະ ໂທໂມຢາມະ ຄຸນິ ອຸເມັດສຶ ໂທໂມມິ ທີ5 ພຶດສະພາປີ2024
6 "ຄະນະກຳມະການລະບຽບວິໄນເກເຮັນນ້າ" (ຍີ່ປຸ່ນ: ゲヘナ風紀委員会) ຊຽວ ຈູ ໂທໂມຢາມະ ຄຸນິ ຊຽວ ຈູ ທີ12 ພຶດສະພາປີ2024

ສື່ພິມ

ດັດແກ້

ຕົວເກມໄດ້ເປີດຕົວສື່ພິມຢ່າງເປັນທາງການເຊັ່ນຊຸດກາຕູນສັ້ນ, ຊຸດມັງງະພາກແຍກ ແລະ ປຶ້ມອາທ໌ເວີກທາງການ.

ປຶ້ມງານສີລະປະ/ປຶ້ມອາທ໌ເວີກສທາງການ

ດັດແກ້

ຊຸດໜັງສືລວບລວມງານພາບສີລະປະຂອງເກມທີ່ມີຊື່ວ່າປຶ້ມງານສີລະປະທາງການຂອງບລູ ອາຣໄຄຟ ໄດ້ຮັບການຕີພິມໂດຍອິຈິຈິນຊະພາຍໃຕ້ທະບຽນຂອງດິເອັນເອ ມີເດຍ ຄອມມິກສໂດຍອອກເຫຼັ້ມແຮກເມື່ອວັນທີ5, ຕຸລາປີ2022. ເຫຼັ້ມແຮກປະກອບດ້ວຍແນວຄິດການອອກແບບຫຼາກຫຼາຍພາບຫຼາຍແບບ, ນີ້ລວມເຖິງທັງການອອກແບບຕົວລະຄອນ, ອຸປະກອນພາຍໃນເກມໄປຈົນເຖິງງານສີລະປະກິດຈະກຳປີແຮກຂອງເກມ, ເຊິ່ງລວມເຖິງງານສີລະປະຂອງເຫຼົ່າແຂກຮັບເຊີນ ແລະ ການສຳພັດເຈົ້າໜ້າທີ່.[27] ເຫຼັ້ມທີສອງເຊິ່ງຄວບລວມເອົາງານພາບຂອງປີທີສອງຂອງເກມວາງຂາຍເມື່ອວັນທີ19, ທັນວາປີ2023.

ປຶ້ມເຫຼັ້ມນີ້ຍັງໄດ້ຮັບການຕີພິມເປັນພາສາຈີນດັ້ງເດີມ ແລະ ພາສາເກົາຫຼີໂດຍເນັກຊອນ.[28]

ແອັດໂທໂລຈີ ຄອມມິກ/ຊຸດກາຕູນສັ້ນ ບລູ ອາຣໄຄຟ

ດັດແກ້

ບລູ ອາຣໄຄຟ ມີຊຸດກາຕູນສັ້ນ ເຊິ່ງປະກອບດ້ວຍກາຕູນເລື່ອງສັ້ນຕ່າງໆຈາກສິລະປິນຫຼາຍໆຄົນ, ໄດ້ປະກາດຜະລິດໃນວັນທີ 24 ເດີອນກໍລະກົດປີ 2021 ແລະ ເຫຼັ້ມແຮກວາງຈຳໜ່າຍເມື່ອວັນທີ26 ເດືອນກໍລະກົດປີ2021ໂດຍອິຈິຈິນຊະ. ປັດຈຸບັນມີທັງໝົດສາມເຫຼັ້ມ ເມື່ອວັນທີ25 ເດືອນກໍລະກົດປີ2023. ຕີພິມໂດຍ ອິສິຈິນຊ່າ.[29][30] [31]

ຊຸດກາຕູນສັ້ນອີກເລື່ອງແມ່ນບລູ ອາຣໄຄຟ ເດັນເກກີ ແອັດໂທໂລຈີ ຄອມມິກ ເຜີຍແຜ່ໂດຍຄາໂດຄາວະພາຍໃຕ້ທະບຽນຂອງເດັນເກກິ ຄອມມິກ EXເມື່ອວັນທີ3, ກຸມພາປີ2023.[32]

ກິດຈະວັດປະຈຳວັນຂອງແກັງຮັບຈ້າງສາລະພັດ68

ດັດແກ້

ບລູ ອາຣໄຄຟ: ກິດຈະວັດປະຈຳວັນຂອງແກັງຮັບຈ້າງສາລະພັດ68 (ブルーアーカイブ 便利屋68業務日誌, Blue Archive: Problem Solver 68 Business Diary)ແມ່ນມັງງະພາກແຍກຂອງເກມ, ເລົ່າກ່ຽວກັບຊີວິດປະຈຳວັນຂອງເຫຼົ່າສະມາຊິກແກັງຮັບຈ້າງສາລະພັດ68. ມັງງະເລື່ອງນີ້ວາງຈຳໜ່າຍທຸກເດືອນໂດຍ ບຸຊິໂຣດ ໃນເວັບໄຊ ຄອມມິກບຸຊິໂຣດເວັບຕັ້ງແຕ່ວັນທີ14 ເດືອນຕຸລາປີ2022, ແຕ້ມໂດຍໂນງິວະ ຄາເອເດະ. ເຫຼັ້ມແຮກວາງຈຳໜ່າຍເມື່ອວັນທີ8 ເດືອນມິຖຸນາປີ2023.[33]

ພະແນກພັດທະນາເກມກັບການປະຈົນໄພອັນຍິ່ງໃຫຍ່!

ດັດແກ້

ບລູ ອາຣໄຄຟ: ພະແນກພັດທະນາເກມກັບການປະຈົນໄພອັນຍິ່ງໃຫຍ່! (ブルーアーカイブ ゲーム開発部だいぼうけん!, Blue Archive: The Great Adventure of Game Development Department!)ແມ່ນມັງງະພາກແຍກອີກເລື່ອງ, ໄດ້ປະກາດຜະລິດໃນໄລຟ໌ສະຕຣິມເມື່ອວັນທີ20 ເດືອນຕຸລາປີ2023, ເລົ່າກ່ຽວກັບຊົມຮົມພະແນກພັດທະນາເກມ. ແຕ້ມດ້ວຍອາຊາໂຕະ ມິສຸ ແລະ ລົງໃນເວັບໄຊອ່ານມັງງະ ກັນກັນອອນລາຍຂອງສະແຄວ່ຣອ໌ ອີນິກຊ໌ເມື່ອວັນທີ31, ທັນວາປີ2023.[34][35][36]

ເພງ

ດັດແກ້

ເພງປະກອບ

ດັດແກ້

ມີເພງບາງເພງທີ່ໄດ້ມີການໃຊ້ຕະຫຼອດທັງເກມ. "ຮຸ່ງອາລຸນອັນສົດໃສ (Clear Morning)", ໂດຍໂອກຸຣະ ຢູຍ ຖືກໃຊ້ເປັນເພງຕີມຫຼັກສຳລັບເກມເວີຊັນຍີ່ປຸ່ນ, ໂດຍຊິງເກິນເຜີຍແຜ່ເມື່ອວັນທີ31, ມີນາປີ2021. "ເປົ້າໝາຍຄືຄວາມຮັກ (Target for love)", ໂດຍລີ ຈິນອ່າ ຖືກໃຊ້ສຳລັບເວີຊັນສາກົນ. ສ່ວນປະເທດຈີນແມ່ນ "ແຜ່ນຜ້າຟ້າ (Blue Canvas)", ໂດຍClariS, ຖືກໃຊ້ສຳລັບເວີຊັນຈີນ.

ເພງຕີມອື່ນໆທີ່ໃຊ້ໃນເກມ "ວັນລະດູຮ້ອນຄາກາຍະກິ (Kagayaki Summer Days)" ແລະ "ພາລະກິດຂອງພວກເຮົາ (Our Quest)", ເຊິ່ງໃຊ້ໃນແອນິເມຊັ້ນສັ້ນ ແລະ ຮ້ອງໂດຍນັກພາກຫຼາຍຄົນຂອງເກມ, "ຄວາມຊົງຈຳແຫ່ງຄວາມເມດຕາ (Memories of Kindness)", ໃຊ້ເປັນເພງຕີມຂອງອົງສຸດທ້າຍ ຮ້ອງໂດຍຄາໂນະໃນເວີຊັນຍີ່ປຸ່ນ ແລະ ຢອນຮາສຳລັບເພງສະບັບພາສາເກົາຫຼີ ແລະ ອັງກິດ, ແລະ "ຂອບໃຈ (Thanks to)", ເຊິ່ງເປັນເພງພິເສດສຳລັບງານກິດຈະກຳຄົບຮອບ1.5ປີໃນເກົາຫຼີໂດຍ ຢອນຮາໃນພາສາອັງກິດ ແລະ ພາສາເກົາຫຼີ.

ດົນຕີປະກອບຕົ້ນສະບັບ

ດັດແກ້

ເພງດົນຕີປະກອບສ່ວນຫຼາຍແມ່ນປະພັນຂຶ້ນໂດຍມິສຶກິໂຢະ(Mitsukiyo), ຄະຣຸດ(Karut), ແລະ ນໍ(Nor). ແຕ່ກໍມີນັກດົນຕີຄົນອື່ນໆມາມີສ່ວນລວມນຳເປັນໄລຍະໆເຊັ່ນ ໄອໂອບານສຳລັບການຮ່ວມມືກັນກັບຊຸດກາຕູນເຣລກັນ ແຟ້ມລັບຄະດີວິທະຍາສາດ.

ເພງຕົ້ນສະບັບເຫຼົ່ານີ້ຖືກລວມກັນເປັນຊຸດໃນຊຸດເພງທີ່ມີຊື່ວ່າບລູ ອາຣໄຄຟ ອໍຣິຈີນໍ ຊາວແທຣັກ(Blue Archive Original Soundtrack), ຊຸດແຮກໄດ້ເຜີຍແຜ່ເມື່ອວັນທີ24, ມີນາປີ2022. ຊຸດຫຼ້າສຸດແມ່ນຊຸດທີຫ້າ, ເຜີຍແຜ່ເມື່ອວັນທີ21, ມັງກອນປີ2024.

ຜົນຕອບຮັບ ແລະ ຜົນກະທົບຕໍ່ສັງຄົມ

ດັດແກ້

ຄວາມນິຍົມ

ດັດແກ້

ເຖິງແມ່ນວ່າໃນຕອນແຮກຈະຖືກວິຈານຢ່າງໜັກເນື່ອງຈາກການຂາດຫາຍຂອງເນື້ອຫາເກມເວີຊັນສາກົນ, ແຕ່ໃນໄລຍະຕໍ່ມາກໍໄດ້ຮັບຄວາມນິຍົມເພີ່ມຂຶ້ນຢ່າງວ່ອງໄວຫຼັງຈາກການປັບປຸງ, ປັດຈຸບັນມີຖານແຟນໆຈຳນວນຫຼາຍໂດຍສະເພາະໃນເຂດອາຊີປາຊີຟິກ(ອາຊີອາຄະເນ, ຍີ່ປຸ່ນ ແລະ ເກົາຫຼີ).

ຕົວເກມໄດ້ຮັບຄວາມນິຍົມຢ່າງຫຼາຍເມື່ອໄວໆນີ້ໃນງານຄອມມິເກະ ດ້ວຍອີງຕາມຂໍ້ມູນຂອງC102 (ງານຄອມມິເກະຄັ້ງທີ102)ປະຈຳລະດູຮ້ອນປີ2023 ສະແດງໃຫ້ເຫັນວ່າເກມມີຈຳນວນຊຸ້ມທີ່ເຂົ້າລວມໃນສ່ວນເກມເຄືອຂ່າຍສັງຄົມທົ່ວໂລກສູງສຸດ, ໂດຍມີ894ຊຸ້ມທີ່ຂາຍເຄື່ອງ ແລະ ປື້ມໂດຈິນກ່ຽວກັບເກມ.[37] ເຊິ່ງເພີ່ມຂຶ້ນຢ່າງວ່ອງໄວຈາກ446ຊຸ້ມຂາຍທີ່ເຂົ້າລວມໃນC101ປະຈຳລະດູໜາວປີ2022.[38] ຕົວເກມຈຶ່ງໄດ້ຈັດບູດໃຫຍ່ທາງການຂຶ້ນໃນງານຄອມມິເກະຄັ້ງທີ103 ປະຈຳລະດູໜາວປີ2023 ຫຼັງຈາກຈັດຊຸ້ມເກມໃນສ່ວນເກມເຄືອຂ່າຍສັງຄົມທົ່ວໂລກກ່ອນໜ້ານີ້.[39] ໂດຍພົບວ່າມີຜູ້ພັດທະນາຂອງເກມທີ່ໂດດເດັ່ນໄດ້ເຂົ້າລວມເຊັ່ນ ຫົວໜ້າຜູ້ພັດທະນາ ຄິມຢອງຮາ ແລະ ຜູ້ປະພັນເພງ ມິສຶກິໂຢະ ໄດ້ມາເບິ່ງຊົມບູດໃນງານ ແລະ ພົບປະກັບເຫຼົ່າແຟນໆ ແລະ ສິລະປິນເພື່ອເປັນການສະໜັບສະໜູນ. ຈາກການສຳຫຼວດເມື່ອວັນທີ16, ທັນວາປີ2023ທີ່ຈັດເຮັດໂດຍນິກເຄັອ໌ ເອັນເຕີເທນເມັນ, ຖານແຟນເກມຂອງບລູ ອາຣໄຄຟໃນຍີ່ປຸ່ນມີອາຍຸສະເລ່ຍ24ປີ, ແລະ ມີອັດຕາສ່ວນຊາຍ-ຍິງທີ່ບ່ຽງຫາຊາຍທີ່80:20.[40]

ເກມນີ້ຍັງໄດ້ດຶງດູດ(ຄອບງຳ)ເຫຼົ່າສິລະປິນມັງງະ ແລະ ນັກເຮັດແອນິເມຊັນຊື່ດັງຫຼາຍໆຄົນໃຫ້ມາເປັນແຟນ(ເສບຕິດ)ເກມ ແລະ ຍັງໄດ້ເຮັດຜົນງານແຟນອາທ໌ຂອງເກມນຳ. ໜຶ່ງໃນນັ້ນແມ່ນຜູ້ແຕ່ງເລື່ອງ ໂປະຊິ ເດິ ຣັອກ!, ຮາມາຈິ ອາກິ ທີ່ໄດ້ເຂົ້າລວມໃນງານຄອມມິເກະຄັ້ງທີ101 ແລະ ໄດ້ຈັດຊຸ້ມຂາຍໂດຈິນເກມບລູ ອາຣໄຄຟຂອງລາວເອງ. ໂດຍໂປະຊິ ເດິ ຣັອກ! ໄດ້ຮັບຄວາມນິຍົມຢ່າງລົ້ນຫຼາມ ຫຼັງຈາກການແປງເປັນອະນິເມະທີ່ອອກອາກາດຈົບເມື່ອອາທິດກ່ອນງານຈະຈັດ, ເຮັດໃຫ້ຊຸ້ມຂາຍຂອງລາວມີຜູ້ຄົນມາເບິ່ງເປັນຈຳນວນຫຼາຍ ເຊິ່ງຫຼາຍເຖິງ300ກວ່າຄົນ. ດ້ວຍເຫດນີ້ຜູ້ຈັດງານຕ້ອງຍ້າຍຊຸ້ມຂອງລາວອອກໄປນອກຫໍງານສູນກາງໃຫຍ່ ເພື່ອປ້ອງກັນບໍ່ໃຫ້ແອອັດເກີນໄປ, ແລະ ຊຸ້ມຂາຍຂອງລາວກໍຂາຍປຶ້ມໝົດຢ່າງວ່ອງໄວໃນຊ່ວງຕອນສວາຍ.[41] ລາວຍັງໄດ້ມີສ່ວນລວມໃນງານຄອມມິເກະກັບໂດຈິນບລູ ອາໄຄ້ໃນຄັ້ງຖັດໆມາ ແລະ ຍັງໄດ້ມີສ່ວນລວມໃນການໂປຣໂມດເກມຢ່າງເປັນທາງການນຳ.

ລາງວັນ

ດັດແກ້

ບລູ ອາຣໄຄຟໄດ້ຮັບລາງວັນຈາກບໍລິສັດວິໄຈການຕະຫຼາດເຊັນເຊີ ທາວເວີສຳລັບການເລົ່າເລື່ອງທີ່ດີທີ່ສຸດ, ເອົາຊະນະການຂັດເລືອກກັບເກມອື່ນໆເຊັ່ນ: ເຟດ/ແກຣນ ອໍເດີ, ກັອດເດສ ອອຟ ວິກຕໍຣີ້: ນິກເກະ ແລະ ຮອນໄຄ: ສະຕາ ເຣລ.[42]

ລາຍໄດ້

ດັດແກ້

ລາຍໄດ້ລວມຕັ້ງແຕ່ເປີດຕົວຈົນເຖິງເດືອນຕຸລາປີ2023 ທະລຸູ400ລ້ານໂດລາສະຫະລັດຈາກທຸກເວີີຊັນ. ເກມເວີຊັນຍີ່ປຸ່ນມີສ່ວນແບ່ງຫຼາຍເຖິງ75%ຂອງລາຍໄດ້ທັງໝົດ.[43] ໃນເດືອນສິງຫາປີ2023, ຕົວເກມເຮັດລາຍໄດ້ໆ19ລ້ານໂດລາສະຫະລັດໃນເວີຊັນຍີ່ປຸ່ນ, ແລະ 4ລ້ານໂດລາສະຫະລັດໃນເວີຊັນທົ່ວໂລກ, ລາຍໄດ້ລວມແມ່ນຢູ່ທີ່24ລ້ານໂດລາສະຫະລັດ.[44]

ຈາກຂໍ້ມູນຂອງເນັກຊອນ, ບລູ ອາຣໄຄຟ ເປັນເກມທີ່ເຮັດລາຍໄດ້ຫຼາຍທີ່ສຸດໃນລາຍງານທາງການເງີນປະຈຳໄຕມາດ, ໂດຍເປັນໜຶ່ງໃນເກມທີ່ເຮັດລາຍໄດ້ໄດ້ໂດດເດັ່ນທີ່ສຸດໃນຍີ່ປຸ່ນໃນລາຍງານທາງການເງີນປະຈຳໄຕມາດທີສອງຂອງປີ2023.

ການກຳກັບຄວບຄຸບ

ດັດແກ້

ການເຊັນເຊີ້ເນື້ອຫາເວີຊັນສາກົນ

ດັດແກ້

ເວີຊັນສາກົນ ຫຼື ທົ່ວໂລກ ໄດ້ຮັບການວິພາກວິຈານຢ່າງໜັກໜ່ວງໃນເລື່ອງການເຊັນເຊີ້ເນື້ອຫາບາງສ່ວນເມື່ອນຳມາປຽບທຽບກັບເວີຊັນຍີ່ປຸ່ນ, ເຖິງແມ່ນວ່າທາງ ເນັກຊອນຈະສັນຍາວ່າຈະເກັບເນື້ອຫາດັ້ງເດີມເອົາໄວ້ກໍຕາມ. ກາບຟິກຂອງເກມບາງສ່ວນມີການປ່ຽນແປງ ຫຼື ສູມເຂົ້າ, ແລະ ບົດສົນທະນາບາງຕອນທີ່ຕົ້ນສະບັບ(ຍີ່ປຸ່ນ)ມີເນື້ອຫາສຸ່ມສ່ຽງ ກໍມີການແປງໃຫ້ເບົາລົງ ຫຼັງຈາກການແປ. ສິ່ງນີ້ນຳໄປສູ່ການຖິ້ມ ລະເບີດລີວິວໂດຍຜູ້ຫິ້ນທັງໃນ Google Play ແລະ App Store. ຈັ່ງໃດກໍຕາມ, ມີການກ່າວກັນວ່າເວີຊັນເກົາຫຼີບໍ່ໄດ້ຮັບຜົນຈາກການປ່ຽນແປງເຫຼົ່ານີ້, ທັງທີ່ເວີຊັນເກົາຫຼີເອງກໍລວມຢູ່ໃນເວີຊັນສາກົນເຊັ່ນກັນ.

ດ້ວຍເຫດນີ້, ຫົວໜ້າຝ່າຍຜູ້ພັດທະນາ ຄິມຢ່ອງຮາ ຈຶ່ງຕອບກັບໂດຍກ່າວວ່າ ພວກເຂົາຈຳເປັນຕ້ອງປະຕິບັດຕາມ "ຂໍ້ກຳນົດພາຍນອກ" ເພື່ອໃຫ້ສາມາດວາງຈຳໜ່າຍເກມຂອງພວກເຂົາ ໃນພູມມິພາອື່ນໆ ແລະ ຂໍໂທດເຫຼົ່າຜູ້ຫິ້ນສຳລັບການທີ່ບໍ່ສາມາດຮັກສາສັນຍາຂອງພວກເຂົາໄດ້.[45]

ການເຊັນເຊີ້ຖີກຍົກເລິກໃນເດືອນພະຈິກປີ2022, ເນັກຊອນໄດ້ເປີດຕົວເວີຊັນ "ເຣດ-ທີ້(ໄວຮຸ່ນ)" ສຳລັບເວີຊັນສາກົນແຍກຕ່າງຫາກ (ໝາຍເປັນ ບລູ ອາຣໄຄຟ(15+) ໃນ Google Play ແລະ ບລູ ອາຣໄຄຟ(12+) ໃນ App Store) ນອກນີ້ຍັງຍົກລະດັບເຣດຕິ່ງຂອງເວີຊັນຕົ້ນສະບັບເປັນ 17+(ຫຼື 18+ ໃນເກົາຫຼີ), ສາເຫດຫຼັກມາຈາກການທີ່ ຄະນະກຳມະການຈັດເຣດຕິ່ງແຫ່ງ ສ.ເກົາຫຼີ ໄດ້ເພີ່ມເຣດຕິ່ງຂອງເວີຊັນຕົ້ນສະບັບ, ເຊິ່ງນຳໄປສູ່ການປະທ້ວງຢ່າງໜັກໜ່ວງຈາກເຫຼົ່າແຟນເກມຂອງຜູ້ຫຼິ້ນຊາວເກົາຫຼີ, ທີ່ໃນທ້າຍທີ່ສຸດຈະໄດ້ນຳເລື່ອງນີ້ສູ່ການເປີດໂປງທາດແທ້ຂອງເຫດການຄັ້ງນີ້ວ່າແມ່ນການສໍ້ໂກງ.[46]

ການຄວບຄຸມຂອງຄະນະກຳມະການຈັດເຣດຕິ່ງເກົາຫຼີ

ດັດແກ້

ໃນການຕັດສິນໃຈທີ່ໄດ້ນຳໄປສູ່ຂໍ້ຂັດແຍ້ງ, ຄະນະກຳມະການຈັດເຣດຕິ່ງ ແລະ ດູແລເກມແຫ່ງສາທາລະນະລັດເກົາຫຼີ(ເກົາຫຼີໃຕ້) ຫຼື ຈີອາຣເອຊີ(GRAC)ໄດ້ມີການເພີ່ມເຣດຂອງເກມບລູ ອາຣໄຄ້ຟ ແລະ ເຟດ/ແກຣນ ອໍເດີຈາກ15+ເປັນ18+ຢ່າງບໍ່ມີລາຍລະອຽດໃນເດືອນຕຸລາປີ2022. ໂດຍເຫຼົ່າແຟນເກມທັງຫຼາຍບໍ່ວ່າຈະໃນເກົາຫຼີແຕ່ແຟນເກມທົ່ວໂລກເອງກໍບໍ່ເຫັນນຳກັບການກະທຳຂອງຄະນະກຳມະການ, ຈຶ່ງມີແຟນເກມຈຳນວນໜຶ່ງໄດ້ພາກັນລົງນາມຍື່ນຄຳຮ້ອງໂດຍ5,400ຄົນເພື່ອຂໍໃຫ້ມີການກວດສອບຄະນະກຳມະການ.[47] ການຮຽກຮ້ອງໄດ້ຖືກຍື່ນຂຶ້ນສານໂດຍສະມາຊິກສະພາແຫ່ງຊາດ ລີຊັງຮອນຈາກພັກປະຊາທິປະໄຕເກົາຫຼີ.[48] ຜົນຂອງການກວດສອບໄດ້ມີການເຜີຍແຜ່ໃນເດືອນມິຖຸນາປີ2023ໂດຍກະຊວງວັດທະນະທຳ, ກີລາ ແລະ ການທ່ອງທ່ຽວ, ເຊິ່ງພົບວ່າຄະນະກຳມະການມີການໃຊ້ເງິນພາສີຈຳນວນ700ລ້ານວອນ(5ແສນໂດລາສະຫະລັດ)ໃນທາງທີ່ຜິດ, ໂດຍນຳມາຈາກທຶນສຳລັບໂຄງການພາຍໃນ. ທາງກະຊວງກ່າວວ່າພວກເຂົາໄດ້ມີການປ່ຽນຄະນະກຳມະການຊຸດໃໝ່, ໂດຍປ່ຽນຫົວໜ້າ ແລະ ດຳເນີນຄະດີກັບຜູ້ທີ່ກ່ຽວຂ້ອງທັງໝົດ.[49][48]

ອ້າງອີງ

ດັດແກ້
  1. ↑ 1.0 1.1 Loo, Egan (16 July 2022). "Yostar Pictures Animates Blue Archive Game's 1.5th Anniversary Short". Anime News Network. Archived from the original on 16 July 2022. Retrieved 28 August 2022.
  2. ↑ Botadkar, Tanish (November 9, 2021). "Blue Archive, the highly anticipated anime RPG with over one million pre-registrations, has launched on Android and iOS". Pocket Gamer. Archived from the original on November 9, 2021. Retrieved December 17, 2021.
  3. ↑ Derrick, Connor (April 27, 2022). "Blue Archive celebrating half year anniversary with an abundance of free gifts". Pocket Gamer. Archived from the original on April 27, 2022. Retrieved September 16, 2022.
  4. ↑ Lada, Jenni (November 24, 2021). "Blue Archive Characters are Packed with Personality". Siliconera. Archived from the original on November 24, 2021. Retrieved September 16, 2022.
  5. ↑ "Project MX - New waifu mobile game for Japan and South Korea announced by NAT Games". MMO Culture (in ອັງກິດ (ອາເມລິກັນ)). 2020-02-18. Archived from the original on January 20, 2021. Retrieved 2023-12-20.
  6. ↑ "Yostar新作『ブルーアーカイブ』のリリース時期が来年初頭に変更". Dengeki (in ຍີ່ປຸ່ນ). December 12, 2020. Archived from the original on December 11, 2020. Retrieved December 3, 2021.
  7. ↑ SATO (January 27, 2021). "Blue Archive Release Date Set for February 2021 in Japan". Siliconera. Archived from the original on January 27, 2021. Retrieved November 28, 2021.
  8. ↑ Hashimoto, Kazuma (August 18, 2021). "Blue Archive Official English Version Announced". Siliconera. Archived from the original on August 18, 2021. Retrieved December 3, 2021.
  9. ↑ "Blue Archive, the highly anticipated anime RPG with over one million pre-registrations, has launched on Android and iOS". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  10. ↑ Lada, Jenni (November 2, 2021). "Blue Archive Global Release is Next Week". Siliconera. Retrieved December 3, 2021.
  11. ↑ "Yostar Pictures Animates Blue Archive Game's 1.5th Anniversary Short". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  12. ↑ "Early Notice About the Addition of the Teen Version and Raising the Age Rating of the Existing App". m.nexon.com (in ອັງກິດ). Retrieved 2023-08-29.
  13. ↑ "이제는 중국으로, '블루 아카이브' 中 CBT". 인벤 (in ເກົາຫລີ). 2023-06-16. Retrieved 2023-08-29.
  14. ↑ "《蔚蓝档案》手游官方网站-与你的日常，就是奇迹". bluearchive-cn.com (in ຈີນ). Retrieved 2023-08-29.
  15. ↑ 커뮤니티, 넥슨. "[Update] Blue Archive Galaxy Store Pre-Registration Event!". forum.nexon.com (in ເກົາຫລີ). Retrieved 2023-10-28.
  16. ↑ "《蔚藍檔案》研發團隊來台分享營運心路歷程 透露今年營收大幅成長關鍵因素". 巴哈姆特電玩資訊站. Retrieved 2023-12-20.
  17. ↑ 【ブルアカ】1.5周年記念ショートアニメーション (in ອັງກິດ), retrieved 2024-01-08
  18. ↑ 【ブルアカ】ショートアニメーション「beautiful day dreamer」 (in ອັງກິດ), retrieved 2024-01-08
  19. ↑ "「ブルアカ」，水着姿の限定生徒ウイ，ヒナタ，ハナコが7月24日より順次登場。アニメの続報や新作グッズなども発表された生放送をレポート". 4Gamer.net (in ຍີ່ປຸ່ນ). 2023-07-23. Archived from the original on 2023-12-25. Retrieved 2023-12-25.
  20. ↑ "「ブルアカ」、2.5周年ショートアニメーションの制作中止が決定". GAME Watch. 2023-12-24. Archived from the original on 2023-12-24. Retrieved 2023-12-25.
  21. ↑ Loo, Egan (January 22, 2023). "Blue Archive Smartphone RPG Gets TV Anime". Anime News Network. Archived from the original on January 22, 2023. Retrieved January 22, 2023.
  22. ↑ "【ブルアカ】テレビアニメ『ブルーアーカイブ The Animation』が制作決定。ナビゲーターでおなじみのアロナが描かれたティザービジュアルも解禁". Famitsu (in ຍີ່ປຸ່ນ). 2023-01-22. Archived from the original on January 22, 2023. Retrieved 2023-01-23.
  23. ↑ Pineda, Rafael Antonio (July 24, 2023). "Blue Archive Anime Reveals Director, Studio, 1st 2 Cast Members". Anime News Network. Archived from the original on July 24, 2023. Retrieved July 24, 2023.
  24. ↑ Cayanan, Joanna (March 11, 2024). "TV Tokyo Launches New Sunday Night Anime Programming Block Starting With Blue Archive The Animation on April 7". Anime News Network. Archived from the original on March 11, 2024. Retrieved March 11, 2024.
  25. ↑ Hodgkins, Crystalyn (January 20, 2024). "Blue Archive Anime's Promo Video Reveals More Cast, April Debut". Anime News Network. Archived from the original on January 20, 2024. Retrieved January 20, 2024.
  26. ↑ Antonio Pineda, Rafael (April 2, 2024). "Blue Archive Anime's Promo Video Reveals More Cast, April Debut". Anime News Network. Archived from the original on April 2, 2024. Retrieved April 2, 2024.
  27. ↑ "ブルーアーカイブ オフィシャルアートワークス".
  28. ↑ "蔚藍檔案 - ▎出版預告! 老師，聽說蔚藍檔案官方美術集確定會出版中文版本了! #BlueArchive #蔚藍檔案 | Facebook". www.facebook.com (in ອັງກິດ). Retrieved 2024-02-07.
  29. ↑ ブルーアーカイブ コミックアンソロジー VOL.1 (in ຍີ່ປຸ່ນ). Ichijinsha. Archived from the original on August 4, 2021. Retrieved August 4, 2021.
  30. ↑ ブルーアーカイブ コミックアンソロジー VOL.2 (in ຍີ່ປຸ່ນ). Ichijinsha. Archived from the original on January 28, 2022. Retrieved January 28, 2022.
  31. ↑ ブルーアーカイブ コミックアンソロジー VOL.3 (in ຍີ່ປຸ່ນ). Ichijinsha. Archived from the original on January 20, 2024. Retrieved July 25, 2023.
  32. ↑ ブルーアーカイブ 電撃コミックアンソロジー (in ຍີ່ປຸ່ນ). Kadokawa. Archived from the original on December 23, 2022. Retrieved December 23, 2022.
  33. ↑ "ブルーアーカイブ 便利屋68業務日誌". コミックブシロードWEB (in ຍີ່ປຸ່ນ). 2023-04-10. Retrieved 2023-11-18.
  34. ↑ Tai, Anita (January 2, 2024). "Aharen-san wa Hakarenai's Asato Mizu Launches Blue Archive Manga". Anime News Network. Archived from the original on January 2, 2024. Retrieved January 4, 2024.
  35. ↑ "やや"太もも"を強調するアングル!? 「ブルアカ」の新たなコミカライズよりユウカのイラスト公開", Impress, 2023-12-24 (in ja)
  36. ↑ "「ブルーアーカイブ」を水あさとがコミカライズ、ピンチのゲーム開発部にあの人が協力" (in ຍີ່ປຸ່ນ). Natalie. 2023-12-31. Archived from the original on 2024-01-09. Retrieved 2024-01-09.
  37. ↑ "【コミケC102】最大手サークル数の覇権ゲームが決まる！ブルアカ894ウマ娘804アイマス688Fate656東方648艦これ602". 本田未央ちゃん応援まとめ速報 (in ຍີ່ປຸ່ນ). 2023-06-10. Retrieved 2023-11-03.
  38. ↑ "C101サークル数 ウマ娘728 ホロライブ620 艦これ654 東方596 デレマス474". 本田未央ちゃん応援まとめ速報 (in ຍີ່ປຸ່ນ). 2022-12-30. Retrieved 2023-11-03.
  39. ↑ "$B%3%_%C%/%^!". $B%3%_%C%/%^! (in ຍີ່ປຸ່ນ). Retrieved 2023-11-03.
  40. ↑ Ayase Hirashima; Eri Hatano (February 2, 2024). "今、本当に推されている「人」「作品」が分かる 最旬"推し"新潮流". Nikkei Cross Trend (in ຍີ່ປຸ່ນ). Archived from the original on February 22, 2024.
  41. ↑ "Bocchi the Rock! Manga Creator's Loner Experience at Comiket". Anime News Network (in ອັງກິດ). 2023-11-03. Retrieved 2023-11-03.
  42. ↑ Loo, Nan (February 28, 2024). "Sensor Tower APAC Awards 2023 Winners". Sensor Tower (in ອັງກິດ (ອາເມລິກັນ)). Archived from the original on February 28, 2024.
  43. ↑ "ブルーアーカイブが2023年に大幅成長、前年同期比2倍以上の収益とダウンロード数を世界市場で記録". Sensortower (in ຍີ່ປຸ່ນ). Archived from the original on December 7, 2023. Retrieved 2024-01-03.
  44. ↑ "GACHAREVENUE". www.gacharevenue.com. Archived from the original on October 10, 2023. Retrieved 2023-09-24.
  45. ↑ "https://twitter.com/EN_BlueArchive/status/1471366983534858242?s=20". X (formerly Twitter) (in ອັງກິດ). Retrieved 2023-09-24. {{cite web}}: External link in |title= (help)
  46. ↑ "Blue Archive Will Split into Separately Age-Rated versions". Siliconera (in ອັງກິດ (ອາເມລິກັນ)). 2022-10-08. Retrieved 2023-09-24.
  47. ↑ Morris, Iwan (5 July 2023). "South Korean game regulatory agency investigated for corruption". PocketGamer.biz. Archived from the original on 5 January 2024.
  48. ↑ 48.0 48.1 진명갑 (2022-10-13). "[국감22] 수년째 15세 이용 게임 돌연 청불 등급". EBN (in ເກົາຫລີ). Archived from the original on October 13, 2022. Retrieved 2023-09-24.
  49. ↑ "Anime game fans got so angry about a nudity-related age rating they brought down South Korea's 'festering and rotting' game rating agency for corruption", PC Gamer, 2023-07-06 (in en)

ລິ້ງພາຍນອກ

ດັດແກ້

ຂໍ້ຄວາມ

ດັດແກ້


Cite error: <ref> tags exist for a group named "note", but no corresponding <references group="note"/> tag was found

ດຶງຂໍ້ມູນຈາກ "https://lo.wikipedia.org/w/index.php?title=ບລູ_ອາຣໄຄຟ&oldid=108297"