ເມືອງອາດສະພອນ

ທີ່ຕັ້ງ

ເມືອງອາດສະພອນ (ອັງກິດ: Assaphone District) ເປັນເມືອງເກົ່າແກ່ທີ່ເຄີຍມີຊື່ເມືອງອາດສະພອນໃນສະໄໝພຣະຣາຊະນາຈັກລາວ ທີ່ປົກຄອງໂດຍຝຣັ່ງເສດ (ອ້າງໃນປະຫວັດແຂວງສະຫວັນນະເຂດກ່ອນ 1906), ແລະ ຍຸບໄປໄລຍະໜຶ່ງ. ຕົກມາຮອດໃນໄລຍະປ່ຽນແປງການປົກຄອງເປັນ ປະເທດສາທາລະນະລັດ ປະຊາຊທິໄຕ ປະຊາຊົນລາວ ເມືອງອາດສະພອນໄດ້ຮັບການສ້າງຕັ້ງຄືນໄໝ່ໃນປີ 1993 ໂດຍແຍກອອກຈາກເມືອງອາດສະພັງທອງ (ດົງເຫັນ). ອາດສະພອນ ເປັນເມືອງທີ່ມີພູມສັນຖານເຄິ່ງທົ່ງພຽງ ແລະ ພູພຽງ ຕັ້ງຢູ່ທາງທິດຕາເວັນອອກຂອງແຂວງສະຫວັນນະເຂດ ຫ່າງຈາກເທດສະບານແຂວງ 95 ຫຼັກ (ກິໂລແມັດ). ເມືອງອາດສະພອນ ມີສອງເສັ້ນທາງເຂົ້າ-ອອກໄດ້ ຄື 1) ຈາກເສັ້ນທາງເລກ 9 ລ້ຽວຊ້າຍຢູ່ສາມແຍກກ່ອນຈະເຂົ້າເທດສະບານເມືອງອາດສະພັງທອງ ໄລຍະທາງແຕ່ເສັ້ນທາງເລກ 9 ຫາເທດສະບານເມືອງອາດສະພອນ 25 ຫຼັກ ແລະ 2) ຈາກເສັ້ນທາງເລກ 13 ໃຕ້ ກ່ອນຈະຮອດເທດສະບານເມືອງອຸທຸມພອນ (ເຊໂນ) ລ້ຽວເຂົ້າເສັ້ນທາງເລກ 10 ໄລຍະທາງ 58 ຫຼັກ. ເມືອງອາດສະພອນ ມີຊາຍແດນຕິດກັບ 5 ເມືອງຂອງແຂວງສະຫວັນນະເຂດ ຄື ທິດຕາເວັນອອກ ຕິດກັບເມືອງວິຣະບູຣີ ແລະ ເມືອງພະລານໄຊ, ທິດເໜືອ ຕິດກັບເມືອງໄຊບົວທອງ ແຂວງຄຳມ່ວນ, ທິດຕາເວັນຕົກ ຕິດກັບເມືອງອຸທຸມພອນ ແລະ ເມືອງໄຊບູລີ, ທິດໃຕ້ຕິດກັບເມືອງອາດສະພັງທອງ.

ເມືອງອາດສະພອນ ມີ 66 ບ້ານ ແລະ 5 ຈຸດສຸມ ຄື 1) ໂນນມີໄຊ, 2) ແກ້ງມົ້ມ-ແກ້ງຈອນ, 3) ໂພນງາມ, 4) ນາເລົາ, 5) ນາປອດ

ຄຳຂວັນເມືອງອາດສະພອນ : ດິນແດນພູຊ້າງ ມີຮ່າງໃດໂນເສົາ ເຫຼົ້າໄຫແກ້ງແດງ ສຽງແຄນດອນກອງ ກະປູແດງສອງຫ້ອງ ຄ້ອງໃຫຍ່ດົງທະດາ ປິ້ງປາວັງໄຮ ຕົ້ນໄກ່ນາມົນ ລຳວົງສາວຜູ້ໄທ

่ບັນດາບ້ານ

ມີທັງໝົດ 52 ບ້ານ (ອັບເດດໂດຍ TL Donpadaek ວັນທີ 24/8/24)

1. ບ້ານນາກຸດຈານ
2. ບ້ານດົງທະດາ
3. ບ້ານດົງຫວາຍດິນ
4. ບ້ານນາໜອງເດີ່ນ
5. ບ້ານໂພນສະຫວ່າງ
6. ບ້ານໜອງເດີ່ນ
7. ບ້ານໜອງເປັດ
8. ບ້ານນາກະບົງ
9. ບ້ານນາເຫຼົ່າ
10. ບ້ານນາຂາມ
11. ບ້ານບຸ່ງ
12. ບ້ານດົງຂັ້ນຄຳ
13. ບ້ານວຽງໃຫຍ່
14. ບ້ານວຽງນ້ອຍ
15. ບ້ານຈອມຮາດ
16. ບ້ານບຶງພະເນາະ
17. ບ້ານດົງນາງາມ
18. ບ້ານວັງໄຮ
19. ບ້ານນາມົນ
20. ບ້ານຜັກຂະຫຍ່າ
21. ບ້ານໜອງເດີ່ນ
22. ບ້ານກຸດຫີນ
23. ບ້ານນາປອດ
24. ບ້ານບອນ
25. ບ້ານຕົ້ນເຜິ້ງ
26. ບ້ານນາຍອມ
27. ບ້ານກຸດແຄນ
28. ບ້ານສອງຫ້ອງ
29. ບ້ານກຸດຊູງ
30. ບ້ານສົ້ມໂຮງ
31. ບ້ານຫາດຊາຍມູນ
32. ບ້ານນາເດື່ອ
33. ບ້ານນາເຂົ້າໝື່ນ
34. ບ້ານຫີນສິ່ວ
35. ບ້ານນາໝາກເກືອ
36. ບ້ານນາແສນນານ
37. ບ້ານໂພນຕູມ
38. ບ້ານກຸດເທບ
39. ບ້ານໂພໄຊ
40. ບ້ານໂພນນາດີ
41. ບ້ານບຶງ
42. ບ້ານໂພນງາມ
43. ບ້ານຜັກກະດາ
44. ບ້ານນາກະທິງ
45. ບ້ານໂພນແພງ
46. ບ້ານກາງໃຫຍ່
47. ບ້ານກົກແດງ
48. ບ້ານດອນກອງ
49. ບ້ານດອນກະພຸງ
50. ບ້ານຕາດຂາແດງ
51. ບ້ານນາແກ
52. ບ້ານໂນນມີໄຊ

ເນື້ອທີ່ ແລະ ປະຊາກອນ

ເນື້ອທີທັງໝົດ 1.496,6 ກິໂລຕາແມັດ ປະຊາກອນທັງໝົດ 63.321 ຄົນ, ຍິງ 31.772 ຄົນ ສະເລ່ຍຄວາມໜາແໜ້ນ 0.02363 ກິໂລຕາແມັດ/ຄົນ.

• ປະຊາກອນ ອາຍຸ 0-2 ປີ 3.175 ຄົນ, ຍິງ 1.604 ຄົນ
• ປະຊາກອນ ອາຍຸ 3-4 ປີ 2.459 ຄົນ, ຍິງ 1.252 ຄົນ
• ປະຊາກອນ ອາຍຸ 6-10 ປີ 6.500 ຄົນ, ຍິງ 3.242 ຄົນ
• ປະຊາກອນ ອາຍຸ 11-14 ປີ 5.270 ຄົນ, ຍິງ 2.624 ຄົນ
• ປະຊາກອນ ອາຍຸ 15-17 ປີ 3.3940 ຄົນ, ຍິງ 1.990 ຄົນ
• ປະຊາກອນ ອາຍຸ 15-24 ປີ 1.3881 ຄົນ, ຍິງ 6.924 ຄົນ
• ປະຊາກອນ ອາຍຸ 25-40 ປີ ຂຶ້ນໄປ 14,07 ຄົນ, ຍິງ 7.235 ຄົນ

75 ສ່ວນຮ້ອຍ ຂອງປະຊາກອນເມືອງອາດສະພອນ ເປັນຊົນເຜົ່າຜູ້ໄທ ແລະ 20 ສ່ວນຮ້ອຍແມ່ນຊົນເຜົ່າບຣູ (ມະກອງ)ແລະ 5 ສ່ວນຮ້ອຍ ເປັນລາວລຸ່ມ.