ທະນາຄານສົ່ງເສີມກະສິກຳ
ດັດແກ້ທະນາຄານສົ່ງເສີມກະສິກຳ ສ້າງຕັ້ງຂື້ນຕາມດຳລັດຂອງນາຍົກລັດທະມົນຕີ ເລກທີ 92/ນຍ ລົງວັນທີ 19 ມິຖຸນາ 1993, ໃຊ້ຕົວອັກສອນຫຍໍ້ “ທສກ“ ເປັນທະນາຄານພັດທະນາຕາມຂະແໜງການເປັນອົງການນິຕິບຸກຄົນໂດຍມີຈຸດປະສົງເພື່ອ ສະໜອງສິນເຊື່ອ ເຂົ້າໃນການພັດທະນາຂະແໜງການກະສິກຳ - ປ່າໄມ້ເປັນຕົ້ນຕໍ, ດຳເນີນທຸລະກິດໂດຍບໍ່ສະແຫວງຫາຜົນກຳໄລເປັນຕົ້ນຕໍ, ສະໜອງສິນເຊື່ອດ້ວຍອັດຕາດອກເບ້ຍຕໍ່າໃຫ້ຊາວກະສິກອນທັງເປັນລາຍກຸ່ມ ແລະ ລາຍບຸກຄົນດ້ວຍແຫຼ່ງທຶນຂອງ ລັດທະບານ ແລະ ອົງການຕ່າງໆສະໜອງໃຫ້, ທສກ ເວລານັ້ນບໍ່ໄດ້ເຮັດໜ້າທີ່ລະດົມເງິນຟາກ, ດຳເນີນງານພາຍໃຕ້ລະບຽບຄຸ້ມຄອງທີ່ແຕກຕ່າງຈາກສະຖາບັນການເງິນອື່ນ. ມີທຶນຈົດທະບຽນເບື້ອງຕົ້ນທັງໝົດ 1,000,000,000 ກີບ ແບ່ງເປັນ 1,000,000 ຮຸ້ນ, ຮຸ້ນລະ 1,000 ກີບ ໂດຍແມ່ນກະຊວງການເງິນເປັນຜູ້ຖືຮຸ້ນ 80% ຂອງຈຳນວນຮຸ້ນທັງໝົດ. ວັນທີ 21 ມິຖຸນາ 1993 ຜູ້ວ່າການ ທະນາຄານແຫ່ງ ສປປລາວ ໄດ້ອອກຂໍ້ຕົກລົງເລກທີ 45/ທຫລ ວ່າດ້ວຍການແຍກກິດຈະການສິນເຊື່ອຊົນນະບົດອອກຈາກ ທະນາຄານນະຄອນຫຼວງ ແລະ ທະນາຄານເສດຖາທິລາດ, ໃນເວລາຕໍ່ມາຄະນະກະກຽມສ້າງຕັ້ງ ທະນາຄານສົ່ງເສີມກະສິກໍາ ໄດ້ແຍກຊັບສິນ, ພະນັກງານຈຳນວນໜຶ່ງອອກຈາກສອງທະນາຄານດັ່ງກ່າວເພື່ອຮັບປະກັນໃຫ້ ທະນາຄານສົ່ງເສີມກະສິກທີ່ໄດ້ອະນຸມັດສ້າງຕັ້ງຂື້ນສາມາດເຄື່ອນໄຫວຕາມພາລະບົດບາດຂອງ ຕົນ ແລະ ເປີດການບໍລິການໃຫ້ລູກຄ້າໃນນະຄອນຫຼວງວຽງຈັນ ແລະ ແຂວງຕ່າງໆ ທົ່ວປະເທດ.
ໃນວັນທີ 18/08/1993 ທະນາຄານສົ່ງເສີມກະສິກຳໄດ້ເປີດພິທີຂື້ນຢ່າງເປັນທາງການໂດຍມີສຳນັກງານໃຫ່ຍຢູ່ທີ່ນະຄອນຫຼວງວຽງຈັນ, ມີໂຄງສ້າງການຈັດຕັ້ງຄື: ສະພາບໍລິຫານ 6 ທ່ານ ເຊີ່ງປະກອບດ້ວຍຮອງຜູ້ວ່າການທະນາຄານແຫ່ງ ສປປລາວ ເປັນປະທານ, ຜູ້ອຳນວຍການເປັນຮອງປະທານ, ກະຊວງການເງິນ, ກະຊວງກະສິກຳ, ກະຊວງການຄ້າ ແລະ ກົມສິນເຊື່ອທະນາຄານແຫ່ງ ສປປລາວ ເປັນສະມາຊິກ; ມີຄະນະອຳນວຍການ 2 ທ່ານ, ມີພາກສ່ວນທີ່ຕົ້ນຕໍຢູ່ສຳນັກງານໃຫຍ່ຄື: ຫອ້ງການ,ຈັດຕັ້ງ, ບັນຊີ ແລະ ສິນເຊື່ອ, ມີພະນັກງານປະກອບເບື້ອງຕົ້ນ 52 ຄົນ ຍິງ 17 ຄົນ.
ນັບແຕ່ເດືອນ ມີນາ 2000-2006 ທະນາຄານກໍ່ໄດ້ດຳເນີນການເຄື່ອນໄຫວພາຍໃຕ້ດຳລັດວ່າດ້ວຍທະນາຄານທຸລະກິດການໃຫ້ສິນເຊື່ອແມ່ນເລັ່ງ ໃສ່ການປະຕິບັດແຜນງານ ແລະ ໂຄງການຂອງລັດຖະບານດ້ວຍ ອັດຕາດອກເບ້ຍຕໍ່າ ທສກ ໄດ້ສຸມໃສ່ໃນການລະດົມແຫຼ່ງທຶນເຂົ້າສູ່ລະບົບເປັນຕົ້ນຕໍ, ເພີ່ມໜ້າທີ່ ການບໍລິການ ແລະ ຊຳລະສະສາງຫຼາຍຂື້ນ, ໄດ້ມີລູກຄ້າເງິນຝາກທຸກປະເພດຫຼາຍຂື້ນຄຽງຄູ່ກັບການຂະຫຍາຍຕົວທາງດ້ານຕາໜ່າງການບໍລິການຢູ່ໃນທົ່ວປະເທດ, ທະນາຄານໄດ້ມີນະໂຍບາຍ ແລະ ປະຕິບັດຕາມຂໍ້ກຳນົດ, ລະບຽບການຄວາມໜັ້ນຄົງ ທີ່ທະນາຄານແຫ່ງ ສປປລາວໄດ້ວາງອອກເຊັ່ນ: ການສ້າງຄັງແຮ, ຫັກຄ່າເຊື່ອມ, ການດຳເນີນທຸລະກິດທີ່ບໍ່ສະແຫວງຫາຜົນກຳໄລເປັນຕົ້ນຕໍ ແລະ ມີສ່ວນຕ່າງທີ່ບໍ່ເໜາະສົມເຮັດໃຫ້ທະນາຄານພົບຄວາມຫຍຸ້ງຍາກທາງດ້ານການເງິນ, ຄວາມພຽງພໍຂອງທຶນຢູ່ໃນລະດັບຕໍ່າ ປີ 2007 ເປັນຕົ້ນມາ ທສກ ໄດ້ຮັບຮອງເອົາວິໃສທັດໃໝ່ຂອງຕົນຄື: ເປັນຜູ້ນຳໜ້າໃນການສະ ໜອງການບໍລິການ ການເງິນໃນຊົນນະບົດ, ດຳເນີນທຸລະກິດຕາມກົນໄກຕະຫຼາດກຸ້ມຕົນເອງທາງດ້ານການເງິນແບບຍືນຍົງເພື່ອປະກອບສ່ວນ ໄລຍະຍາວເຂົ້າໃນການຫຼຸດຜ່ອນຄວາມທຸກຍາກ ແລະ ການຈະເລີນເຕີບໂຕທາງດ້ານເສດຖະກິດ ແລະ ຄວາມວັດທະນາຖາວອນຂອງ ສປປ ລາວ. ທະນາຄານສົ່ງເສີມກະສິກຳໄດ້ມີການປັບປຸງຮອບດ້ານເຊັ່ນ: ທາງດ້ານນະໂຍບາຍລະບຽບການ, ກົນໄກການຄຸ້ມຄອງບໍລິຫານ, ລົງທຶນໃສ່ໃນການພັດທະນາ ບຸກຄະລາກອນ ແລະ ຄຸ້ມຄອງຊັບພະຍາກອນມະນຸດ ດ້ານການບັນຊີບໍລິຫານຄວາມສ່ຽງ ຍາດແຍ່ງການຊວ່ຍເຫຼືອ ແລະ ຮ່ວມມືກັບຕ່າງປະເທດ ທາງດ້ານເຕັກນິກວິຊາການ, ສຸມໃສ່ການພັດທະນາລະບົບຫັນເປັນ ທັນສະໄໝໂດຍສະເພາະຍົກລະດັບລະບົບເຕັກໂນໂລຢີ ຂໍ້ມູນຂ່າວສານ, ການບໍລິການທີ່ມີຫາກຫຼາຍຜະລິດຕະພັນເພື່ອບໍລິການລູກຄ້າ, ກໍ່ສ້າງພື້ນຖານປະກອບວັດຖຸເຕັກນິກເພື່ອຮອງຮັບໃຫ້ແກ່ການດຳເນີນທຸລະກິດໃນອະນາຄົດ ທ້າຍປີ 2012 ຖານະການເງິນຂອງ ທສກ ທີ່ຜ່ານການກວດສອບຕາມມາດຕະຖານສາກົນ (IFRS) ໄດ້ມີຍອດສັບສິນທັງໝົດ 4,192ຕື້ ກີບ ເພີ່ມຂື້ນຈາກປີ 2007 ເທົ່າກັບ 6,3 ເທົ່າ ຫຼື ເພີ່ມຂື້ນສະເລ່ຍ 43% ນັບແຕ່ປີ 1993 ເປັນຕົ້ນມາ, ມີທຶນຈົດທະບຽນຈາກ 800 ລ້ານກີບ ໃນມື້ສ້າງຕັ້ງມາເປັນ 168,6 ຕື້ກີບ; ເຊິ່ງໄດ້ມາຈາກການປະກອບທຶນຂອງລັດຖະບານ ແລະ ການສ້າງກຳໄລໄດ້ໃນແຕ່ລະປີ. ຄວາມພຽງພໍຂອງທຶນກໍ່ເພີ່ມຂື້ນໃຫ້ຢູ່ໃນລະດັບທີ່ກົດໝາຍກຳນົດ. ມາຮອດປະຈຸບັນທະນາຄານສົ່ງເສີມກະສິກຳຈັດເປັນອັນດັບນຳໜ້າດ້ານການບໍລິການດ້ານກະສິກຳ ແລະ ພັດທະນາຊົນນະບົດ, ມີການຂະຫຍາຍຕາໜ່າງການບໍລິການໃຫ້ໄປເຖິງລູກຄ້າໂດຍສະເພາະບັນດາຕົວເມືອງຕ່າງໆທີ່ເປັນຈຸດສຸມຂອງລັດຖະບານ ແລະ ທ້ອງຖິ່ນໃນການພັດທະນາເສດຖະກິດສັງຄົມ ແລະ ໄດ້ຕອບສະໜອງການບໍລິການແກ່ລູກຄ້າເພີ່ມຂື້ນໃນແຕ່ລະປີ, ເຮັດໃຫ້ລູກຄ້າ ແລະ ປະຊາຊົນໄດ້ເຂົ້າເຖິງການບໍລິການຂອງ ທສກ ນັບມື້ນັບຫຼາຍຂື້ນ. ຜະລິດຕະພັນການບໍລິການເປັນຂອງ ທສກ ໄດ້ມີຫຼາກຫຼາຍ ແລະ ສາມາດແຂ່ງຂັນໄດ້; ການຊຳລະສະສາງ ແລະ ການບໍລິການທັງພາຍໃນ ແລະ ຕ່າງປະເທດໄດ້ມີການພັດທະນາ ແລະ ຍົກລະດັບຂຶ້ນເປັນກ້າວໆ.
ປະຈຸບັນ ທະນາະຄານສົ່ງເສີມ ກະສິກຳມີ 1 ສຳນັກງານໃຫ່ຍ, 17 ສາຂາ ແລະ 98 ໜ່ວຍບໍລິການ ທົ່ວປະເທດ. Khamphouy keointang (talk) ໐໒:໑໗, ໑໙ ພະຈິກ ໒໐໑໘ (UTC)