ວິກິພີເດຍ

ສະຖາບັນເອສຊີພີ

ສະຖາບັນເອສຊີພີ (ອັງກິດ: SCP Foundation)ແມ່ນໂຄງການຮ່ວມມືຂຽນນະວະນິຍາຍເທິງເວັບໄຊທ໌ປະເພດວິກິ. ພາຍໃນຈັກກະວານສົມມຸດທີ່ຮ່ວມມືກັນແຕ່ງຂຶ້ນເທິງເວັບໄຊທ໌, ສະຖາບັນເອສຊີພີ[note 3] ແມ່ນອົງກອນລັບທີ່ເຮັດໜ້າທີ່ຮັບຜິດຊອບໃນການຈັບ, ກັກກັນ ແລະ ສຶກສາປາກົດການປະຫຼາດ, ສິ່ງເໜືອທຳມະຊາດ ແລະ ປາກົດການເລິກລັບຕ່າງໆ (ເອີ້ນກັນວ່າ "ຄວາມອາປົກກະຕິ" ຫຼື "ພວກເອສຊີພີ"), ໃນເວລາດຽວກັນກໍໄດ້ຮັກສາການມີຢູ່ຂອງອົງກອນໃຫ້ເປັນຄວາມລັບຈາກຜູ້ຄົນພາຍນອກ ແລະ ຄົນໃນສັງຄົມ.

ສະຖາບັນເອສຊີພີ
ໂລໂກ້
ປະເພດໂຄງການຮ່ວມມືຂຽນນະວະນິຍາຍ
ພາສາທີ່ໃຊ້ໄດ້ອັງກິດ ແລະ ພາສາອື່ນໆອີກ15ພາສາ[note 1]
ຍູອາຣ໌ແອລໜ້າຫຼັກຂອງເວັບໄຊທ໌
ລົງທະບຽນບໍ່ຈຳເປັນຕ້ອງລົງທະບຽນ[note 2]
ເປີດໂຕທີ19, ມັງກອນປີ2008; 16ປີກ່ອນ(ດັ້ງເດີມ) ທີ19, ກໍລະກົດປີ2008 (ປັດຈຸບັນ)[2]
ສະຖານະປັດຈຸບັນໃຊ້ງານຢູ່
ລິຂະສິດເນື້ອຫາCC-BY-SA-3.0[3]

ໂຄງການຮ່ວມມືຂຽນນະວະນິຍາຍດຳເນີນຂຶ້ນເທິງເວັບໄຊທ໌ທີ່ຄ້າຍຄືກັບວິກິ ເອສຊີພີ ວິກິ, ແລະ ປະກອບດ້ວຍອົງປະກອບຂອງແນວເລື່ອງຕ່າງໆາງເຊັ່ນ: ສະຫຍອງຂວັນ, ນິຍາຍວິທະຍາສາດ ແລະ ເລື່ອງລາວແຟນຕາຊີທີ່ເກີດຂຶ້ນໃນເມືອງ. ຜົນງານສ່ວນໃຫຍ່ຫຼັກໆເທິງເອສຊີພີ ວິກິປະກອບດ້ວຍແຟ້ມເອກະສານ(ບົດຄວາມ)ຫຼາຍພັນໜ້າທີ່ໂຄງສ້າງມີຫຼາຍສ່ວນເຊັ່ນ: ລາຍງານທາງດ້ານວິທະຍາສາດທີ່ເປັນຄວາມລັບທີ່ບັນທຶກກ່ຽວກັບເອສຊີພີຕ່າງໆ ແລະ ມາດຕະການກັກກັນເອສຊີພີທີ່ກ່ຽວຂ້ອງ. ໃນເວັບໄຊທ໌ຍັງມີ "ເລື່ອງເລົ່າສະຖາບັນ", ເຊິ່ງແມ່ນເລື່ອງສັ້ນທີ່ເລົ່າກ່ຽວກັບຕົວລະຄອນ ແລະ ສ່ວນອື່ນໆຂອງເລື່ອງລາວໃນຈັກກະວານເອສຊີພີ. ເຫຼົ່າຜົນງານຂຽນເທິງເວັບວິກິດັ່ງກ່າວໄດ້ຮັບການຍ້ອງຍໍເຖິງຄວາມສາມາດໃນການຖ່າຍທອດຄວາມສະຫຍອງຂວັນຜ່ານສະຕາຍການຂຽນເກິ່ງວິທະຍາສາດ ແລະ ຂຽນໃນຮູບແບບວິຊາການໄປຈົນເຖິງມາດຕະຖານທີ່ມີລະດັບຄຸນນະພາບສູງ.

ຈັກກະວານຂອງເອສຊີພີໄດ້ສ້າງແຮງບັນດານໃຈໃຫ້ກັບເຫຼົ່າແຟນຄລັບຢ່າງຫຼວງຫຼາຍໃນການສ້າງຜົນງານຕ່າງໆທີ່ດັດແປງມາຈາກເລື່ອງລາວຕ່າງໆໃນສະຖາບັນເອສຊີພີ, ບໍ່ວ່າຈະເປັນໜັງສື, ກາຕູນ, ເພງ, ວີດີໂອເກມ, ໜັງຄົນສະແດງສັ້ນ ແລະ ອື່ນໆ.

ພາບລວມຂອງຈັກກະວານເອສຊີພີ

ດັດແກ້

ການຈັດເລື່ອງແມ່ນມີສູນກາງສຸມໃສ່ການວິໄຈຄົ້ນຄວ້າ ແລະ ກິດຈະກຳການເຄື່ອນໄຫວຕ່າງໆຂອງສະຖາບັນເອສຊີພີ - ອົງກອນລັບລະຫວ່າງປະເທດທີ່ປະກອບຂຶ້ນດ້ວຍສະຖາບັນການວິໄຈວິທະຍາສາດທີ່ປະກອບດ້ວຍກອງທະຫານເກິ່ງໜ່ວຍສືບລັບເຊິ່ງຊ່ວຍສະໜັບສະໜຸນເປົ້າໝາຍຂອງທາງສະຖາບັນ. ເຖິງແມ່ນວ່າຕົວອົງກອນນັ້ນຈະມີສະຖານະທີ່ເປັນຄວາມລັບຢ່າງຍິ່ງ, ແຕ່ທາງສະຖາບັນກໍໄດ້ຮັບຄວາມໄວ້ວາງໃຈຈາກລັດຖະບານນານາປະເທດໃຫ້ຈັບກຸມ ແລະ ກັກກັນປາກົດການປະຫຼາດເລິກລັັບທີ່ບໍ່ສາມາດອະທິບາຍໄດ້ໃນທາງວິທະຍາສາດເຊິ່ງໄດ້ຫັກກົກຂອງທຳມະຊາດ(ເອີ້ນວ່າ "ຄວາມອາປົກກະຕິ", "ວັດຖຸເອສຊີພີ", ຫຼື "ພວກເອສຊີພີ"). ເຫຼົ່າເອສຊີພີລວມມີຫຼາຍໆຢ່າງທັງທີ່ເປັນສິ່ງມີຊີວິດ ຫຼື ບໍ່ມີຊີວິດ, ອຸປະກອນ ຫຼື ວັດຖຸສິ່ງຂອງ, ທີ່ຢູ່ ຫຼື ສະຖານທີ່, ສິ່ງທີ່ເປັນນາມມະທຳ, ແລະ ສິ່ງທີ່ສາມາດສະແດງພະລັງອຳນາດເໜືອທຳມະຊາດ ຫຼື ຄຸນສົມບັດທີ່ຜິດປົກກະຕິອື່ນໆ. ຫາກບໍ່ໄດ້ຮັບການຄວບຄຸມ, ຄວາມອາປົກກະຕິທີ່ເປັນອັນຕະລາຍຈຳນວນຫຼາຍອາດກາຍເປັນໄພຮ້າຍແຮງຕໍ່ມວນມະນຸດ ຫຼື ສິ່ງມີຊີວິດທັງໝົດເທິງໂລກ. ຂໍ້ມູນທັງໝົດກ່ຽວກັບການມີຢູ່ຂອງສະຖາບັນ ແລະ ເຫຼົ່າເອສຊີພີຈະຖືກເກັບຮັກສາບໍ່ໃຫ້ເປີດເຜີຍຕໍ່ສາທາລະນະຢ່າງເຄັ່ງຄັດ, ເພື່ອປ້ອງກັນບໍ່ໃຫ້ເກີດສະພາວະຢ້ານກົວເປັນວົງກວ້າງຄັ້ງໃຫຍ່ ຫຼື ອາການພາວະຮິສເຕີເຣຍຖ້າຂໍ້ມູນຫຼຸດຮົ່ວອອກໄປ, ແລະ ເພື່ອປ່ອຍອະລິຍະທຳມະນຸດດຳເນີນໄປດ້ວຍຄວາມປົກກະຕິອັນ"ຈອມປອມ".[5]

ເມື່ອໃດທີ່ມີການຄົ້ນພົບຄວາມອາປົກກະຕິ ຫຼື ຄວາມຜິດປົກກະຕິຂອງພວກເອສຊີພີ, ເຈົ້າໜ້າທີ່ນອກເຄື່ອງແບບຂອງທາງສະຖາບັນ(ຫຼືເອີ້ນວ່າ ໜ່ວຍປະຕິບັດການເຄື່ອນທີ່ ຫຼື ເອມທີເອຟ(MTF))ຈະຖືກສົ່ງໄປຄວບຄຸມ, ຈັບກຸມ ແລະ ຈັບຕົວສົ່ງມາຍັງທີ່ສູນວິໄຈກັກເກັບທີ່ໃກ້ທີ່ສຸດ, ຫຼື ຈັບກັກກັນຢູ່ໝ້ອງນັ້ນຫາກການຂົນສົ່ງມາເປັນໄປບໍ່ໄດ້. ຫາກຄວາມອາປົກກະຕິດັ່ງກ່າວໄດ້ແຜ່ຂະຫຍາຍລ່ວງລໍ້າໄປກວ້າງ ຫຼື ບານປາຍເກີນໄປ, ເຂົ້າໃຈບໍ່ໄດ້ ຫຼື ບໍ່ສາມາດເຂົ້າເຖິງຕົວໄດ້, ການກັກກັນຈະເປັນໄປພ້ອມກັບການປິດບັງຂໍ້ມູນທັງໝົດກ່ຽວກັບເອສຊີພີຈາກສາທາລະນະຊົນ. ຫຼື ເວົ້າສັ້ນໆວ່າປົດປາກບໍ່ວ່າຈະດ້ວຍການເຊັນເຊີ້ສື່, ແລະ ໃຫ້ພະຍານທຸກຄົນກິນຢາລົບຄວາມຊົງຈຳກ່ຽວກັບສິ່ງອາປົກກະຕິທີ່ເກີດຂຶ້ນອອກໄປ.[5]

ທີ່ສູນວິໄຈຂອງສະຖາບັນ, ເຫຼົ່າເອສຊີພີຈະຖືກສຶກສາໂດຍນັກວິທະຍາສາດເພື່ອຮຽນຮູ້ ແລະ ພັດທະນາວິທີການກັກເກັບຄວບຄຸມພວກມັນ. ສະຖາບັນຍັງໄດ້ມີການທົດລອງໂດຍໃຊ້ມະນຸດທີ່ໃຊ້ແລ້ວຖິ້ມ(ສ່ວນຫຼາຍແມ່ນນັກໂທດປະຫານ)ທີ່ເອີ້ນວ່າບຸກຄະລາກອນຊັ້ນ-ດີ(D-class), ແລະ ບັງຄັບໃຫ້ພວກເຂົາມີສ່ວນລວມກັບການທົດລອງຢ່າງໃກ້ຊິດກັບເອສຊີພີທີ່ອາດເປັນອັນຕະລາຍ ເພື່ອຫຼີກເວັ້ນຄວາມສ່ຽງຕໍ່ຄວາມປອດໄພຂອງພະນັກງານຂອງທາງສະຖາບັນ. ສະຖາບັນໄດ້ເກັບຮັກສາເອກະສານທີ່ກ່ຽວກັບເຫຼົ່າເອສຊີທັງໝົດທີ່ພວກເຂົາເຈົ້າຮູ້, ເຊິ່ງສາມາດນຳໄປລວມ ຫຼື ເຊື່ອງໂຍງກັບລາຍງານ ແລະ ແຟ້ມເອກະສານອື່ນໆທີ່ຂ້ອງກ່ຽວໄດ້. ເອກະສານເຫຼົ້ານີ້ຈະອະທິບາຍກ່ຽວກັບເອສຊີພີ ແລະ ຄຳແນະນຳໃນການກັກກັນທີ່ຖືກຕ້ອງປອດໄພ, ເຊັ່ນດຽວກັນກັບບົດລາຍງານເຫດການເພີ່ມເຕີມ ຫຼື ບົດບັນທຶກການທົດລອງ.[5]

ນອກເໜືອຈາກຕົວສະຖາບັນແລ້ວ, ຍັງມີອົງກອນຄູ່ແຂ່ງອື່ນໆອີກ(ເອີ້ນວ່າ ກຸ່ມທີ່ໜ້າສົນໃຈ ຫຼື ຈີໂອໄອ(GOI))ທີ່ໄດ້ເຂົ້າມາກ່ຽວຂ້ອງກັບໂລກອັນປະຫຼາດເລິກລັບນີ້ເຊັ່ນກັນ. ຕົວຢ່າງອົງກອນທີ່ໂດດເດັ່ນມີເຊັ່ນ: ກຸ່ມກະບົດແຫ່ງຄວາມໂກລາຫົນ(Chaos Insurgency), ກຸ່ມກໍ່ການຮ້າຍຂອງອະດີດຜູ້ແປພັກຈາກສະຖາບັນທີ່ຈັບ ແລະ ຄວບຄຸມເອສຊີພີແລ້ວເຮັດເປັນອາວຸດ; ກຸ່ມສຳພັນທະມິດໄສຍະສາດສາກົນ(Global Occult Coalition/GOC), ໜ່ວຍງານເກິ່ງທະຫານລັບຂອງອົງການສະຫະປະຊາຊາດທີ່ຊ່ຽວຊານໃນການກຳຈັດໄພຄຸກຄາມເໜືອທຳມະຊາດແທນທີ່ຈະກັກກັນພວກມັນໄວ້; ແລະ ກຸ່ມມືອະສໍລະພິດ, ກຸ່ມຕິດອາວຸດທີ່ສະໜັບສະໜຸນສິດທິຂອງເຫຼົ່າສິ່ງທີ່ມີຊີວິດອາປົກກະຕິ, ເຊິ່ງຕໍ່ຕ້ານຕໍ່ອຸດົມການຂອງທັງສະຖາບັນ ແລະ ກຸ່ມສຳພັນທະມິດໃນການປາບປາມກິດຈະກຳເໜືອທຳມະຊາດທົ່ວໂລກ. ສ່ວນກຸ່ມອື່ນໆສ່ວນຫຼາຍແມ່ນພະຍາຍາມຫາຜົນປະໂຫຍດຈາກສິ່ງອາປົກກະຕິເຫຼົ່ານັ້ນໂດຍການຜະລິດ ຫຼື ຂາຍເພື່ອຫາກຳໄລ; ຫຼື ໃຊ້ສິ່ງເຫຼົ່ານັ້ນເພື່ອເປົ້າໝາຍທາງສາສະໜາ, ການເມືອງ ຫຼື ອຸດົມການຂອງຕົນເອງ.[5]

ຕົວຢ່າງເຫຼົ່າເອສຊີພີ

ດັດແກ້
 
SCP-087, ພ້ອມກັບSCP-087-1ຢູ່ໃນພາບຫຼັງ
  • SCP-055 ແມ່ນຄວາມອາປົກກະຕິເລິກລັບທີ່ສາມາດລົບຄວາມຊົງຈຳໄດ້, ເຊິ່ງເຮັດໃຫ້ໃຜກໍຕາມທີ່ພະຍາຍາມກວດສອບ ຫຼື ສຶກສາກ່ຽວກັບມັນລືມເຖິງການມີຢູ່ຂອງມັນ, ດັ່ງນັ້ນຈຶ່ງບໍ່ອາດຮູ້ໄດ້ເຖິງທຳມະຊາດທີ່ແທ້ຈິງຂອງມັນ, ແລະ ລັກສະນະຂອງມັນກໍອະທິບາຍບໍ່ໄດ້ເວັ້ນເສຍຈະເອີ້ນດ້ວຍຄຳສັ້ນໆວ່າ ອີຫຍັງທີ່ມັນບໍ່ແມ່ນ.[6]
  • SCP-087 ແມ່ນຊັ້ນຂັ້ນໄດທີ່ເບິ່ງຄືກັບວ່າຈະບໍ່ມີທີ່ສິ້ນສຸດ ແລະ ຄ່ອຍໆດູດກືນແສງໃດໆກໍຕາມພາຍໃນອານາເຂດຂອງມັນ, ໂດຍມີໃບໜ້າທີ່ລອຍໄປມາເຊິ່ງບໍ່ມີທັງປາກ, ຕາ ຫຼື ຫູດັງ, ເຊິ່ງໄລ່ຕາມໃຜກໍຕາມທີ່ຍ່າງລົງຂັ້ນໄດມາ.[7]
  • SCP-096 ແມ່ນສິ່ງມີຊີວິດຄ້າຍມະນຸດເພດຊາຍຮູບຮ່າງສູງຈ່ອຍທີ່ຈະຕາມລ່າ ແລະ ຂ້າໃຜກໍຕາມທີ່ເຫັນໜ້າມັນ ຫຼື ພຽງແຕ່ເຫັນມັນຜ່ານຮູບພາບ ຫຼື ວີດີໂອຂອງມັນ.[8]
  • SCP-173 ແມ່ນຮູບປັ້ນຄ້າຍມະນຸດທີ່ປະກອບດ້ວຍເສັ້ນເຫຼັກ, ເບຕົ້ງ ແລະ ສີສະເປ. ມັນຈະບໍ່ສາມາດເຄື່ອນໄຫວໄດ້ຄືກັບຮູບປັ້ນທົ່ວໄປເມື່ອເບິ່ງມັນໂດຍກົງ, ແຕ່ມັນຈະເຂົ້າໂຈມຕີຄົນດ້ວຍການຫັກຄໍເມື່ອບໍ່ມີໃຜເບິ່ງເຫັນມັນ. ການເຄື່ອນໄຫວເຂົ້າໂຈມຕີຂອງມັນໄວຫຼາຍ, ໄວໃນລະດັບທີ່ສາມາດເຄື່ອນທີ່ໄປໄດ້ຫຼາຍແມັດພາຍໃນການກະພິບຕາພຽງເທື່ອດຽວ.​ ໃນໂລກຄວາມເປັນຈິງ, SCP-173ເປັນໜຶ່ງໃນເອສຊີພີທີ່ໂດດເດັ່ນທີ່ສຸດອັນຍ້ອນວ່າມັນແມ່ນນະວະນິຍາຍເລື່ອງແຮກຂອງເອສຊີພີທີ່ໄດ້ຖືກຂຽນຂຶ້ນມາ.[6][7]
  • SCP-294 ແມ່ນຕູ້ກົດນໍ້າອັດຕະໂນມັດທີ່ສາມາດກົດຮ່າຍເອົາທຸກສິ່ງທຸກຢ່າງໃນຮູບຂອງໆແຫຼວໄດ້ - ໃນບາງຄັ້ງກໍລວມເຖິງສິ່ງທີ່ເປັນນາມປະທຳ. ບໍ່ວ່າຄຸນສົມບັດຂອງສານທີ່ເລືອກຈະເປັນຫຍັງກໍຕາມ, ແຕ່ຈອຍໂຟມຂອງເຄື່ອງນັ້ນກໍເບິ່ງຄືກັບວ່າຈະບໍ່ໄດ້ຮັບຄວາມເສຍຫາຍໃດໆຈາກສານທີ່ມັນບັນຈຸ.[6][7]
  • SCP-426 ແມ່ນເຄື່ອງປິ້ງເຂົ້າຈີທີ່ສາມາດເອີ້ນໄດ້ສະເພາະດ້ວຍຄຳແທນນາມບຸກຄົນທີ່ໜຶ່ງ.[7]
  • SCP-999 ແມ່ນສິ່ງມີຊີວິດຄ້າຍເມືອກໜຽວ ຫຼື ສະລາມນ້ອຍໜ້າຮັກທີ່ມີກິ່ນຄ້າຍຄືກັບສິ່ງທີ່ເຮັດໃຫ້ຮູ້ສຶກສະບາຍທີ່ສຸດຕໍ່ຜູ້ທີ່ສຳຜັດມັນ. ມັນມີບຸກຄະລິກທີ່ເປັນມິດຫຼາຍ ແລະ ເປັນທີ່ຮູ້ກັນວ່າມັນສາມາດກະຕຸ້ນອາລົມເຊິງບວກໄດ້ເມື່ອມະນຸດ ຫຼື ສິ່ງມີຊີວິດອື່ນໆສຳຜັດ, ແລະ ດ້ວຍເຫດນີ້ທາງສະຖາບັນເອສຊີພີຈຶ່ງໃຊ້ມັນເປັນເຄື່ອງມື.[9]
  • SCP-1609 ແມ່ນກອງຂີ້ເລື່ອຍໄມ້ທີ່ຈະເທເລພອດ(ວາບ)ເຂົ້າມາໃນປອດຂອງບຸກຄົນທີ່ສະແດງພຶດຕິກຳຮຸນແຮງຕໍ່ມັນ. ແຕ່ໃນເມື່ອກ່ອນມັນເຄີຍເປັນຕັ່ງທີ່ມີຄວາມເມດຕາທີ່ຈະເຄື່ອນທີ່ໄປຫາຜູ້ຄົນທີ່ຕ້ອງການນັ່ງພັກຜ່ອນ, ແຕ່ມັນກໍກາຍເປັນສັດຕູຕໍ່ມະນຸດຫຼັງຈາກຖືກທາງສຳພັນທະມິດໄສຍະສາດສາກົນທຳລາຍດ້ວຍເຄື່ອງບົດໄມ້.[6]
  • SCP-3008 ແມ່ນຮ້ານອີເກຍທີ່ພາຍໃນມີລັກສະນະເປັນມິຕິຟ່ອງສະບູ່ທີ່ເປັນເຂົາວົງກົດອັນບໍ່ມີທີ່ສິ້ນສຸດ. ລູກຄ້າຜູ້ຫຼົງເຂົ້າມາຍັງຮ້ານອັນບໍ່ສິ້ນສຸດຈະຕ້ອງສ້າງປ້ອມປາການແບບພື້ນຖານຈາກເຄື່ອງໃນນັ້ນເພື່ອປ້ອງກັນຕົນເອງຈາກສິ່ງມີຊີວິດໃນຮ້ານ: ສິ່ງມີຊີວິດຄ້າຍມະນຸດເພດຊາຍຮູບຮ່າງສູງໃຫຍ່ໄຮ້ໃບໜ້າທີ່ໃສ່ເສື້ອພະນັກງານອີເກຍ,​ ເຊິ່ງເປັນອັນຕະລາຍຢ່າງຍິ່ງຕໍ່ມະນຸດເມື່ອໄຟຂອງຮ້ານປົດລົງ.[10]

ຮູບແບບການຂຽນ

ດັດແກ້

ເທິງເອສຊີພີວິກິ, ຜົນງານສ່ວນຫຼາຍຈະເປັນບົດຄວາມດ່ຽວທີ່ຈະລົງລາຍລະອຽດກ່ຽວກັບ"ມາດຕະການການກັກກັນພິເສດ"ສຳລັບເອສຊີພີທີ່ກ່ຽວຂ້ອງ.[6] ໃນບົດຄວາມໂດຍທົ່ວໂລກ, ເອສຊີພີຈະຖືກກຳນົດດ້ວຍໝາຍເລກປະຈຳຕົວທີ່ບໍ່ຊໍ້າກັນ(ເຊັ່ນ"SCP-173")[11] ແລະ ມີ"ລະດັບການກັກກັນ"(ເຊັ່ນ"ຢູຄຣິດ")[note 4]ທີ່ອີງຕາມຄວາມຍາກໃນການຄວບຄຸມ.[12][13][14] ຈາກນັ້ນກໍຈະຕໍ່ໂດຍເອກະສານທີ່ໄດ້ສະຫຼຸບກ່ຽວກັບຂັ້ນຕອນໃນການກັກກັນທີ່ເໝາະສົມປອດໄພ ແລະ ຄຳອະທິບາຍຂອງເອສຊີພີທີ່ກ່ຽວຂ້ອງ.[6] ອາດຈະມີການແນບຫຼັກຖານເພີ່ມເຕີມ(ຢ່າງເຊັ່ນ: ຮູບພາບ, ຂໍ້ມູນວິໄຈ, ການສຳພາດ, ປະຫວັດ ຫຼື ການອັບເດດສະຖານະ...)ນຳອີກ. ໃນເອກະສານ, ລາຍງານນັ້ນຂຽນດ້ວຍສັບທາງການ ແລະ ວິທະຍາສາດ ແລະ ມັກຈະເຊັນເຊີຄຳດ້ວຍແຖບສີດຳ(ເຊັ່ນ █████) ແລະ ເຄື່ອງໝາຍ[ຂໍ້ມູນຖືກລົບ] ເພື່ອໃຫ້ເກີດຄວາມຮູ້ສຶກລວມກັບຕົວຈັກກະວານເຖິງຂໍ້ມູນທີ່ລະອຽດອ່ອນທີ່ບໍ່ອາດເປີດເຜີຍຕໍ່ເຈົ້າໜ້າທີ່ຂອງສະຖາບັນທີ່ດ້ອຍປະສົບການ.[15] ໃນເດືອນສິງຫາປີ2023, ມິບົດຄວາມກ່ຽວກັບເອສຊີພີຫຼາຍກວ່າ7ພັນບົດ;[16][note 5] ບົດຄວາມໃໝ່ໆຖືກຂຽນຂຶ້ນ ແລະ ເຜີຍແຜ່ຫຼາຍຄັ້ງໂດຍຜູ້ຮ່ວມຂຽນ.[6]

ເອສຊີພີວິກິຍັງມີເລື່ອງສັ້ນອີກຫຼາຍກວ່າ4200ເລື່ອງທີ່ເອີ້ນວ່າ"ເລື່ອງເລົ່າສະຖາບັນ".[6][17] ເລື່ອງລາວຈະເລົ່າໃຫ້ເຫັນເຖິງມຸມກວ້າງພາຍໃນຈັກກະວານເອສຊີພີ, ເຊິ່ງມັກຈະເນັ້ນໄປທີ່ມຸມມອງຂອງເຫຼົ່າເຈົ້າໜ້າທີ່ສ່ວນອື່ນໆຂອງສະຖາບັນ, ຕົວຕົນຂອງເອສຊີພີ ແລະ ສິ່ງຕ່າງໆພາຍໃນຕົວລະຄອນ ແລະ ເຫດການທີ່ເກີດຂຶ້ນຢູ່ເນື່ອງໆ.[18] ເກກໍຣີ ເບີຣ໌ກາດ, ນັກຂຽນບົດທີ່ຂຽນໃຫ້ກັບເບລົາເຮົາສ໌ ໂປຣດັກຊັນ, ຕັ້ງຂໍ້ສັງເກດໃຫ້ເຫັນວ່າເລື່ອງລາວສະຖາບັນບາງເລື່ອງກໍມີເລື່ອງລາວທີ່ມືດມົນ ແລະ ເຢືອກເຢັນ, ໃນເວລາດຽວກັນບາງເລື່ອງກໍ"ເບົາສະໝອງຢ່າງໜ້າປະຫຼາດໃຈ".[19]

ຈັກກະວານເອສຊີພີບໍ່ມີເນື້ອເລື່ອງຫຼັກສູນກາງ ແລະ ກໍບໍ່ສາມາດເຮັດໄດ້ນຳ, ຍ້ອນທຳມະຊາດຂອງເລື່ອງລາວທີ່ທັງໝົດຖືກສ້າງຂຶ້ນໂດຍຊຸມຊົນ,[6] ແຕ່ເລື່ອງລາວໃນເອສຊີພີຈະມີການເຊື່ອງໂຍງກັນໄປມາເພື່ອຂະຫຍາຍເລື່ອງລາວຂອງຈັກກະວານໃຫ້ໃຫຍ່ຂຶ້ນ.[20]​ ຜູ້ຮ່ວມຂຽນສາມາດທີ່ຈະຂຽນ"ເລື່ອງລາວຫຼັກ", ເຊິ່ງຈະໄປເປັນສ່ວນປະກອບຂອງເນື້ອເລື່ອງເອສຊີພີ ແລະ ເລື່ອງລາວສະຖາບັນທີ່ມີສະຖານທີ່, ຕົວລະຄອນ ຫຼື ໂຄງເລື່ອງທີ່ຄ້າຍຄືກັນ; ໃນການຂຽນເນື້ອເລື່ອງຫຼັກເຫຼົ່ານີ້, ຈະມີການສ້າງໜ້າຫຼັກສູນກາງທີ່ອະທິບາຍແນວຄິດພື້ນຖານ ແລະ ໃຫ້ຂໍ້ມູນໄລຍະເວລາ ແລະ ລາຍຊື່ຕົວລະຄອນ.[21]

ປະເພດເລື່ອງພາຍໃນເອສຊີພີວິກິໄດ້ຮັບການອະທິບາຍວ່າເປັນນິຍາຍວິທະຍາສາດ, ແຟນຕາຊີໃນເມືອງ, ສະຫຍອງຂວັນ ແລະ ເປັນຄຣີບປີ້ພຣັສຕ້າ.[5][22][23]

ອ້າງອີງ

ດັດແກ້
  1. ↑ Roget (17 February 2013). History Of The Universe: Part One Archived 19 ມັງກອນ 2022 at the Wayback Machine. SCP Foundation. Retrieved 12 February 2015.
  2. ↑ DrClef (12 December 2012). Licensing Guide Archived 18 ມັງກອນ 2022 at the Wayback Machine. SCP Foundation. Retrieved 27 May 2015.
  3. ↑ "Glossary Of Terms". SCP Foundation. 2022-03-17. Archived from the original on 30 May 2022. Retrieved 2022-05-16.
  4. ↑ 5.0 5.1 5.2 5.3 5.4 Aelanna (17 March 2014). About the SCP Foundation Archived 26 ມັງກອນ 2022 at the Wayback Machine. SCP Foundation. Retrieved 13 February 2015
  5. ↑ 6.0 6.1 6.2 6.3 6.4 6.5 6.6 6.7 6.8 Baker-Whitelaw, Gavia (9 January 2014). "Meet the secret foundation that contains the world's paranormal artifacts". The Daily Dot. Archived from the original on 22 October 2018. Retrieved 6 February 2015.
  6. ↑ 7.0 7.1 7.2 7.3 Starr, Michelle (11 August 2013). SCP Foundation web series coming to YouTube Archived 11 ເມສາ 2017 at the Wayback Machine. CNET. Retrieved 6 February 2015.
  7. ↑ Potvin, James (2022-01-03). "What Is The SCP Foundation? 15 Best Pieces Every New Fan Should Read". ScreenRant (in ອັງກິດ). Retrieved 2024-02-08.
  8. ↑ Potvin, James (September 22, 2022). "What Is The SCP Foundation? 15 Best Pieces Every New Fan Should Read". Screen Rant. Retrieved 1 May 2023.
  9. ↑ Beschizza, Rob (29 June 2017). "Brilliant short story about being trapped in an infinite IKEA". Boing Boing. Archived from the original on 4 August 2017. Retrieved 5 August 2017.
  10. ↑ Newsom, p.152
  11. ↑ 12.0 12.1 Burkart, Gregory (29 October 2015). "CREEPYPASTA: The Story Behind "The SCP Foundation"". Blumhouse Productions. Archived from the original on 5 June 2021. Retrieved 27 January 2021.
  12. ↑ 13.0 13.1 Aelanna; SCP Foundation Staff (23 April 2014). "Object Classes". SCP Foundation. Archived from the original on 2 February 2018. Retrieved 27 January 2018.
  13. ↑ 14.0 14.1 Woedenaz (2019-08-20). "Anomaly Classification System (ACS) Guide - SCP Foundation". The SCP Foundation (in ອັງກິດ). Archived from the original on 19 January 2022. Retrieved 2022-01-20.
  14. ↑ Dinicola, Nick (1 December 2014). "Creepypasta Gaming: Where the Internet "Learns Our Fears"". PopMatters. Archived from the original on 25 June 2018. Retrieved 6 February 2015.
  15. ↑ List of pages tagged with scp, SCP Foundation. Retrieved 14 August 2023. Archived from the original on 14 August 2023.
  16. ↑ List of pages tagged with tale, SCP Foundation. Retrieved 24 August 2021. Archived from the original on 24 August 2021.
  17. ↑ Tapscott, p. 122
  18. ↑ Burkart, Gregory (29 October 2015). "CREEPYPASTA: The Story Behind "The SCP Foundation"". Blumhouse Productions. Archived from the original on 5 June 2021. Retrieved 27 January 2021.
  19. ↑ Alexander, p. 72
  20. ↑ Tapscott, pp. 122–123
  21. ↑ Varonas, Nico (4 February 2012). SCP-087: Escaleras a lo desconocido Archived 8 ກຸມພາ 2012 at the Wayback Machine. NeoTeo. Retrieved 26 March 2015. "Esta es una comunidad de usuarios y de fanáticos del sci-fi y el terror..." (translation: "This is a community of users and of sci-fi and horror fans...")
  22. ↑ Ong, Alexis (20 August 2020). The Unsung Muse of Speculative Fiction Is a Wikipedia Community Archived 21 ສິງຫາ 2020 at the Wayback Machine. Tor.com. Retrieved 15 November 2020.

ຂໍ້ຄວາມຂະຫຍາຍ

ດັດແກ້
  1. ↑ ສາຂາຕ່າງປະເທດຢ່າງເປັນທາງການຂອງສະຖາບັນເອັສຊີພີມີເຢຍລະມັນ, ເກົາຫຼີ, ຍີ່ປຸ່ນ, ລັດເຊຍ, ໄທ, ແອັດສະປາຍ, ໂປໂລຍ, ອີຕາລີ, ຝຣັ່ງ, ອູແກຣນ, ປອກຕຸຍການ, ເຊັກ, ຈີນຕົວຫຍໍ້(ຈີນກາງ), ຈີນດັ້ງເດີມ(ໄຕ້ຫວັນ) ແລະ ຫວຽດນາມ.[1]
  2. ↑ ການລົງທະບຽນຈະອະນຸຍາດໃຫ້ສຳລັບການສ້າງຜົນງານ ແລະ ໂຄງການເທົ່ານັ້ນ, ຫຼື ສະແດງຄວາມຄິດເຫັນ ແລະ ໃຫ້ຄະແນນຜົນງານທີ່ມີເທິງເວັບໂຊທ໌. ຕົວເວັບໄຊທ໌ສາມາດເຂົ້າເບິ່ງໄດ້ຟຣີໂດຍບໍ່ຕ້ອງມີບັນຊີ.
  3. ↑ ""ເອສຊີພີ(SCP)"" ແມ່ນຕົວຫຍໍ້ສຳລັບ ""ມາດຕະການກັກກັນພິເສດ(Special Containment Procedures)"". ທາງສະຖາບັນຍັງມີຄຳຂວັນວ່າ ""ຄວມຄຸມ, ກັກກັນ, ປ້ອງກັນ(Secure, Contain, Protect)"".[4]
  4. ↑ ການຈັດລະດັບການກັກກັນຂອງເອສຊີພີມີຫຼັກໆດັ່ງນີ້:[12][13]
    • ເຊັຟ/ປອດໄພ(Safe): ຕົວເອສຊີພີນັ້ນເຊື່ອງພໍທີ່ຈະສາມາດໃຊ້ການກັກກັນເລັກນ້ອຍ ຫຼື ສາມາດປາບປາມໄດ້ຢ່າງງ່າຍດາຍ. ເຊັ່ນ ວັດຖຸເອສຊີພີສ່ວນໃຫຍ່.
    • ຢູຄຣິດ/ບໍ່ປອດໄພ(Eucild): ເອສຊີພີທີ່ຕ້ອງໃຊ້ຄວາມພະຍາຍາມຢ່າງຫຼາຍໃນການກັກກັນ ຫຼື ບໍ່ສາມາດທຳຄວາມເຂົ້າໃຈເຖິງທຳມະຊາດຂອງຕົວມັນໄດ້ຢ່າງຊັດເຈນ, ເຊັ່ນ ສິ່ງທີ່ມີຊີວິດ.
    • ຄີເຕີ/ອັນຕະລາຍ(Keter): ເອສຊີພີທີ່ເປັນອັນຕະລາຍຢ່າງສູງ, ກັກກັນຍາກ ຫຼື ບໍ່ສາມາດກັກກັນໄດ້ຢ່າງໜາແໜ້ນເຕັມທີ່ ຫຼື ຕ້ອງໃຊ້ຂັ້ນຕອນທີ່ຊັບຊ້ອນ ແລະ ຫຍຸ້ງຍາກຫຼາຍໃນການກັກກັນ.
    • ເຕົາມຽວ/ເຄື່ອງມື(Thaumiel): ເອສຊີພີທີ່ໃຊ້ກັກກັນໂຕອື່ນ/ເອສຊີພີທີ່ເປັນປະໂຫຍດຕໍ່ສະຖາບັນ.
    • ນິວທົວໄລຊ/ໝົດສະຖານະພາບ(Neutralized): ເອສຊີພີທີ່ຖືກທຳລາຍແລ້ວ ຫຼື ບໍ່ມີສິ່ງທີ່ຜິດປົກກະຕິອີກຕໍ່ໄປ.
    ນອກນີ້ຍັງມີເອສຊີພີອີກຫຼາຍຮ້ອຍໂຕໃຊ້ລະດັບອື່ນໆອີກທີ່ບໍ່ເປັນທາງການ, ເຊິ່ງສະແດງຂໍ້ມູນປັດໄຈນອກເໜືອຈາກຄວາມຍາກໃນການກັກກັນ.[14]
  5. ↑ ນີ້ລວມເຖິງເອສຊີພີທີ່ສ້າງຂຶ້ນພຽງເພື່ອ"ເອົາຮາຕະຫຼົກ"ຢ່າງຕັ້ງໃຈ, ບົດຄວາມທີ່ຂຶ້ນທະບຽນຢ່າງເປັນທາງການ ຫຼື ຖືກຍົກເລີກ ຫຼື ລົບ ແລະ ບົດຄວາມທີ່ສ້າງຂຶ້ນຈາກການແປໃນສະຖາບັນສາຂາຕ່າງປະເທດຕ່າງໆ.
ດຶງຂໍ້ມູນຈາກ "https://lo.wikipedia.org/w/index.php?title=ສະຖາບັນເອສຊີພີ&oldid=106953"