ເມືອງສິງ
ເມືອງສິງ ແຂວງຫລວງນ້ຳທາ ມີສະຖານທີ່ທ່ອງທ່ຽວຫລາຍແຫ່ງທີ່ຫນ້າສົນໃຈ ແຕ່ສິ່ງທີ່ພົ້ນເດັ່ນກໍ່ແມ່ນສະຖານທີ່ທ່ອງທ່ຽວທາງປະຫວັດສາດ ແລະ ວັດທະນະທຳນັ້ນເອງ, ລວມແລ້ວ ມີຫລາຍກວ່າສິບແຫ່ງ.
ຕາມທາງຫລວງເລກທີ 3 ຫ່າງຈາກຕົວເມືອງມາທາງທິດເຫນືອ ໄລຍະທາງປະມານ 60 ກິໂລແມັດ ຜ່ານສາຍພູ, ສາຍນ້ຳທາ ແລະ ພື້ນທີ່ປ່າຂຽວຂະຈີ ຂອງສອງຂ້າງທາງມາເຖິງ ເມືອງສິງ ເມືອງນ້ອຍໆ ພື້ນທີ່ອັນອຸດົມສົມບູນ ໂອບອ້ອມດ້ວຍສາຍພູ ມີສາຍນ້ຳຍວນ ແລະ ນ້ຳມ່າ ຄອຍຫລໍໍ່ລ້ຽງ ອະດີດເຄີຍເປັນເມືອງອູ່ເຂັ້າອູ່ນ້ຳທີ່ສຳຄັນ ແລະ ເຄີຍຕົກເປັນຫົວເມືອງຂຶ້ນຂອງຕ່າງຊາດເຊິ່ງສະຫນັບສະຫນູນໃຫ້ ຊາວບ້ານປູກຝິ່ນ ແລະ ກໍ່ເປັນຜູ້ຜູກຂາດຄ້າຝິ່ນໃນທີ່ສຸດ.
ເລີ່ມຈາກຫ້ອງວາງສະແດງຮູບພາບທີ່ເມືອງສິງ ເຊິ່ງແມ່ນຈຸດເລີ່ມຕົ້ນຂອງການຄົ້ນພົບຕົວຕົນອັນແທ້ຈິງຂອງເມືອງດັ່ງກ່າວ ບັນດາຮູບພາບຕ່າງໆທີ່ນຳມາວາງສະແດງທັງຫລາຍລ້ວນແຕ່ສະແດງໃຫ້ເຫັນເຖິງຮີດຄອງປະເພນີແລະວັດທະນະທຳ, ການເຊື່ອຖື, ປະຫວັດສາດ ແລະ ອື່ນໆ, ພ້ອມກັນນັ້ັ້ນ ກໍ່ຍັງມີສະຖານທີ່ທ່ອງທ່ຽວທາງປະຫວັດສາດເປັນຕົ້ນແມ່ນເຮືອນເກົ່າແກ່ ເຊິ່ງເມື່ອກ່ອນເປັນທີ່ອາໄສຂອງເຈົ້າຟ້ານ້ອຍເຮືອນຫລັງດັ່ງກ່າວສ້າງຂຶ້ນ ດ້ວຍໄມ້ທີ່ເກົ່າແກ່ ແຕ່ທົນທານທັງເປັນຮູບແບບເຮືອນຊົງບູຮານທີ່ຫນ້າສຶກສາຄົ້ນຄ້ວາ, ຖັດຂ້າງຫ້ອງການປົກຄອງເມືອງສິງກໍ່ຍັງມີເຮືອນເກົ່າແກ່ສ້າງຂຶ້ນໃນໄລຍະປີ 1919 ແລະ ເຮືອນແບບຝຣັ່ງທີ່ຍັງຖືກປົກປັກຮັກສາໄວ້ໃຫ້ຄົນຮຸ່ນໃຫມ່ມີໂອກາດໄດ້ສຳຜັດ ແລະ ສຶກສາຄົ້ນຄວ້າ.
ຕະຫລາດເມືອງສິງ ກໍ່ເປັນສະຖານທີ່ທີ່ຫນ້າສົນໃຈອີກແຫ່ງຫນຶ່ງເພາະຕະຫລາດແຫ່ງດັ່ງກ່າວເປັນສູນລວມໃນການຄ້າຂາຍປະເພດຫມາກໄມ້, ຜັກ, ຜະລິດຕະພັນເຄື່ອງ ປ່າຂອງດົງ ແລະ ອື່ນໆ ເຊິ່ງກໍ່ແມ່ນຂອງບັນດາພໍ່ແມ່ປະຊາຊົນທີ່ມາຈາກຫລາຍຊົນເຜົ່າເປັນຕົ້ນແມ່ນ: ລື້, ຢ້າວ, ອາຄ່າ, ມົ້ງ, ໄທດຳແລະໄທເຫນືອ, ເຖິງແມ່ນວ່າເມືອງສິງຈະປະກອບ ມີບັນດາປະຊາຊົນຈຳນວນຫລາຍຊົນເຜົ່າອາໄສຢູ່ ແຕ່ເຂົາເຈົ້າສ່ວນໃຫຍ່ ແມ່ນນັບຖືສາສະຫນາພຸດສະແດງອອກໃນຄວາມສັດທາທາງສາສະຫນາຂອງປະຊາຊົນ ໂດຍມີວັດວາອາຮາມຫລາຍແຫ່ງລວມ ທັງຫມົດຈຳນວນ 23 ແຫ່ງ ພ້ອມນັ້ນ ພະທາດຊຽງຕຶງກໍ່ປຽບສະເຫມືອນພະທາດຄູ່ບ້ານຄູ່ເມືອງຂອງຊາວເມືອງສິງ ເຊິ່ງທາງພາກສ່ວນກ່ຽວຂ້ອງກໍ່ຄືທາງອຳນາດການປົກຄອງ ແລະ ຜູ້ເຫລື້ອມໃສສັດທາທາງສາສະຫນາພາຍໃນເມືອງດັ່ງກ່າວໄດ້ພ້ອມກັນຈັດງານບຸນນະມັດສະການພະທາດຊຽງຕຶງຂຶ້ນໃນທຸກໆປີ ໂດຍກຳນົດເອົາໃນມື້ຂຶ້ນ 12 ຄ່ຳ ເຊິ່ງຢູ່ໃນໄລຍະທ້າຍເດືອນຕຸລາຫາຕົ້ນເດືອນພະຈິກ, ສຳລັບອາຫານທີ່ລືຊື່ກໍ່ແມ່ນເຂົ້າຊອຍ ເມືອງສິງເຊິ່ງມີຊື່ສຽງໂດ່ງດັງ ແລະ ມີລົດຊາດແຊບແບບບໍ່ຄືໃຜ ພ້ອມເຫລົ້າຂາວຊາວເມືອງສິງ ກໍ່ແມ່ນເອກະລັກອັນຫນຶ່ງທີ່ບັນພະບຸລຸດລາວຊາວເມືອງສິງໄດ້ຖ່າຍທອດສູ່ລູກຫລານຈົນຮອດເທົ່າທຸກວັນນີ້.
ສະຖານທີ່ທ່ອງທ່ຽວແມ່ນຍັງມີຫລາຍບໍ່ສາມາດອະທິບາຍໃຫ້ຫມົດໄດ້ເອົາເປັນວ່າ ທ່ານຜູ້ອ່ານລອງຊອກຫາໂອກາດ ແລະ ເວລາເຂົ້າໄປທ່ຽວຊົມດ້ວຍຕົນເອງເສຍກ່ອນຍິ່ງເປັນການດີ ຫລື ຜູ້ໃດກໍ່ຕາມທີ່ມີໂອກາດໄດ້ ເດີນທາງໄປຫລວງນ້ຳທາ ກໍ່ຢ່າລືມເຂົ້າໄປໄຫວ້ພະທາດຊຽງຕຶງ ເພື່ອຂໍພອນສິ່ງສັກສິດ ແລະ ທ່ຽວຊົມເມືອງດັ່ງກ່າວ.
ນອກຈາກນີ້ເມືອງສິງຍັງເປັນສູນກາງວັດທະນະທຳໄທລື້; ໄທລື້ມີຖິ່ນຖານຢູ່ໃນແຂວງຢູນນານ ທາງພາກໃຕ້ຂອງຈີນເຊິ່ງຫ່າງຈາກຊາຍ ແດນເມືອງສິງພຽງ 10 ກະໂລແມັດ ເຜົ່າໄທລື້ໃນລາວຈິ່ງໄດ້ຊື່ວ່າມີສາຍເລືອດ ແລະ ວັດທະນະທຳແບບໄທລື້ແທ້ກວ່າກຸ່ມອື່ນໆທີ່ຢູ່ນອກ ຖິ່ນຖານຂອງບັນພະບຸລຸດ
ບໍ່ແມ່ນວ່າເມືອງສິງຈະມີເຜົ່າລື້ອາໄສຢູ່ຢ່າງຫນາແຫນ້ນ ນອກເມືອງອອກ ໄປຍັງມີເຜົ່າຕ່າງໆທັງ ມົ້ງ,ຢ້າວ... ສ່ວນໃຫຍ່ມັກຕັ້ງບ້ານ ເຮືອນຢູ່ຕາມເຈີ້ຍພູ ແລະ ຈະລົງມາຊື້ເຄື່ອງໃນເມືອງສິງທຸກເຊົ້າ. ຫາກເດີນທາງມາເມືອງສິງແລ້ວ ສາມາດເດີນທາງທ່ອງທ່ຽວຊົມສະຖານ ທີ່ທ່ອງທ່ຽວຕ່າງໆໄດ້ຕາມສະດວກ ເພາະແຕ່ລະພື້ນທີ່ຢູ່ບໍ່ໄກກັນປານໃດ ສ່ວນໃຫຍ່ຈະຢູ່ໃນຕົວເມືອງສາມາດທ່ອງທ່ຽວຄົບທຸກບ່ອນໄດ້ໃນ ວັນດຽວ.
ປະຈຸບັນ ການເດີນທາງໄປຍັງຫລວງນ້ຳທາ ບໍ່ແມ່ນເລື່ອງຍາກເພາະມີລົດໂດຍສານປະຈຳທາງ ອອກຈາກເມືອງຫ້ວຍຊາຍ ແຂວງບໍ່ແກ້ວ ຫລື ໃຊ້ບໍລິຫານຂອງສາຍການບິນລາວຖ້ຽວບິນຈາກວຽງຈັນ ຫາ ຫລວງນ້ຳທາ, ຖ້າຫາກເດີນທາງທາງນ້ຳກໍ່ມີເຮືອຈາກຫ້ວຍຊາຍ ເຊິ່ງຈະແລ່ນໄປຕາມລຳນ້ຳຂອງໄປຍັງຫລວງນ້ຳທາ ແລະ ຂຶ້ນລົດອີກຕໍ່ໄປຍັງເມືອງສິງ
ທາງດ້ານທີ່ພັກສ່ວນໃຫຍ່ຈະເປັນຮູບແບບເຮືອນພັກຕົກແຕ່ງ ແບບລຽບງ່າຍລາຄາບໍແພງຫລາຍ ມີອາຫານໃວ້ບໍລິການລູກຄ້າ ສ່ວນໃຫຍ່ຈະຕັ້ງຢູ່ເມືອງສິງ.
ມີທັງຫມົດ 93 ບ້ານ
| ເມືອງ ສິງ ມີ 93 ບ້ານ | ||
| 1 | ບ້ານ ຂວາງ | |
| 2 | ບ້ານ ສິງພັດທະນາ | |
| 3 | ບ້ານ ໂຮມໄຊ | |
| 4 | ບ້ານ ຫ້ວຍນາໃຕ້ | |
| 5 | ບ້ານ ຫ້ວຍນາກາງ | |
| 6 | ບ້ານ ເອີຫຼ້າໄໝ່ | |
| 7 | ບ້ານ ຕາໝີ | |
| 8 | ບ້ານ ຈ່າອູບ | |
| 9 | ບ້ານ ນ້ຳຫູ | |
| 10 | ບ້ານ ທົ່ງໃໝ່ | |
| 11 | ບ້ານ ນ້ຳດ້າຍ | |
| 12 | ບ້ານ ຫ້ວຍກົດ | |
| 13 | ບ້ານ ມໍນະ | |
| 14 | ບ້ານ ຜີເຍິ | |
| 15 | ບ້ານ ປ່າຫວາຍ | |
| 16 | ບ້ານ ຫ້ວຍນ້ຳແດງ | |
| 17 | ບ້ານ ກາງໂພນສິງ | |
| 18 | ບ້ານ ຍາງພຽງ | |
| 19 | ບ້ານ ສີລິເຮືອງ | |
| 20 | ບ້ານ ນ້ຳແກ້ວຫຼວງ | |
| 21 | ບ້ານ ນ້ຳແກ້ວນ້ອຍ | |
| 22 | ບ້ານ ໜອງບົວ | |
| 23 | ບ້ານ ປ່າຕອຍ | |
| 24 | ບ້ານ ກຸ່ມ | |
| 25 | ບ້ານ ຕີນທາດ | |
| 26 | ບ້ານ ສົບອິໃໝ່ | |
| 27 | ບ້ານ ຍາງຫຼວງ | |
| 28 | ບ້ານ ເລົ້າເຂົ້າ | |
| 29 | ບ້ານ ນ້ຳເຫຼັກ | |
| 30 | ບ້ານ ນ້ຳມະອຸ່ນ | |
| 31 | ບ້ານ ຈຽງໄຈ | |
| 32 | ບ້ານ ສິງຈະເລີນ | |
| 33 | ບ້ານ ຈຽງຢືນ | |
| 34 | ບ້ານ ຈຽງອິນ | |
| 35 | ບ້ານ ຈຽງແລ | |
| 36 | ບ້ານ ຈຽງມູນ | |
| 37 | ບ້ານ ນາໃໝ່ | |
| 38 | ບ້ານ ຫ້ວຍລອງໃໝ່ | |
| 39 | ບ້ານ ຈອມ | |
| 40 | ບ້ານ ຫ້ວຍຫຼວງ-ປ່າຊາງ | |
| 41 | ບ້ານ ຫົວຂົວ | |
| 42 | ບ້ານ ນາຄຳ | |
| 43 | ບ້ານ ດອນໄຈ | |
| 44 | ບ້ານ ສີລິມູນ | |
| 45 | ບ້ານ ຊໍ້ | |
| 46 | ບ້ານ ໜອງຄຳ | |
| 47 | ບ້ານ ພະບາດນ້ອຍ | |
| 48 | ບ້ານ ປຸ່ງສ້ຽວ | |
| 49 | ບ້ານ ອຸດົມສິນ | |
| 50 | ບ້ານ ນ້ຳມາຍ | |
| 51 | ບ້ານ ພູດອນທັນ | |
| 52 | ບ້ານ ຫຼັກຄຳ | |
| 53 | ບ້ານ ປ່າຄາ | |
| 54 | ບ້ານ ປຸ່ງກອກ | |
| 55 | ບ້ານ ນ້ຳແດດໃໝ່ | |
| 56 | ບ້ານ ນ້ຳແດດສົມບູນ | |
| 57 | ບ້ານ ພະຍາຫຼວງ | |
| 58 | ບ້ານ ພະບາດໃຫ່ຍ | |
| 59 | ບ້ານ ຕາປ້າວ-ດອນປອຍ | |
| 60 | ບ້ານ ກົກມ່ວງ | |
| 61 | ບ້ານ ດອນໃໝ່ | |
| 62 | ບ້ານ ເສື້ອແດງ | |
| 63 | ບ້ານ ຫ້ວຍລະ | |
| 64 | ບ້ານ ຫົວນາໃໝ່ | |
| 65 | ບ້ານ ຫ້ວຍຫອຍ | |
| 66 | ບ້ານ ຫ້ວຍແຂມ | |
| 67 | ບ້ານ ສົບອິເກົ່າ | |
| 68 | ບ້ານ ມອມ | |
| 69 | ບ້ານ ລໍມື | |
| 70 | ບ້ານ ແສນແອ່ນ | |
| 71 | ບ້ານ ນານ້ອຍ | |
| 72 | ບ້ານ ລາວເມືອຍ | |
| 73 | ບ້ານ ພະບາດມອມ | |
| 74 | ບ້ານ ຈ່າພູກືນ | |
| 75 | ບ້ານ ຈາວັງໃໝ່ | |
| 76 | ບ້ານ ບວກຫຍ້າໄຊໃໝ່ | |
| 77 | ບ້ານ ບວກຫ້ຍາໄຊເກົ່າ | |
| 78 | ບ້ານ ຫ້ວຍຕາດ | |
| 79 | ບ້ານ ບວກຄຸ | |
| 80 | ບ້ານ ປ່າພຸກ | |
| 81 | ບ້ານ ສົບອິນໍ້າຢວນ | |
| 82 | ບ້ານ ສົບລ້າ | |
| 83 | ບ້ານ ຊຽງແຂງ | |
| 84 | ບ້ານ ຈ່າເຄື່ອນ | |
| 85 | ບ້ານ ກໍ່ເພນ | |
| 86 | ບ້ານ ຜາແດງ | |
| 87 | ບ້ານ ໂລກູ | |
| 88 | ບ້ານ ເອີຫຼ້າ | |
| 89 | ບ້ານ ຈາພູທອນ | |
| 90 | ບ້ານ ມືຕໍ່ເກົ່າ | |
| 91 | ບ້ານ ຫ້ວຍລອງເກົ່າ | |
| 92 | ບ້ານ ນາໄຊ | |
| 93 | ບ້ານ ຊາຍ | |