ຫໍພະແກ້ວ

ຫໍພະແກ້ວ ເປັນອະດີດວັດໃນວຽງຈັນ ຕັ້ງຢູ່ຖະໜົນເສດຖາທິລາດທາງຕາເວັນຕົກສຽງໃຕ້ວັດສີສະເກດ. ວັດນີ້ສ້າງຂື້ນໃນປີຄ.ສ 1565 ສຳລັບເປັນບ່ອນປະດິດສະຖານພຣະແກ້ວມໍລະກົດ, ໂດຍພະເຈົ້າໄຊເຊດຖາທິລາດໃນເວລາທີ່ໄດ້ຕັດສິນໃຈຍ້າຍນະຄອນຫຼວງ ຈາກ ຫຼວງພະບາງມາຢູ່ວຽງຈັນ, ພາຍຫຼັງການສິ້ນພະຊົນຂອງພະເຈົ້າໂພທິສະລາດຜູ້ເປັນພະບິດາ.

ຫໍພະແກ້ວ
ຫໍພະແກ້ວ
ຂໍ້ມູນທົ່ວໄປ
ຊື່	ຫໍພະແກ້ວ
ທີ່ຕັ້ງ	ນະຄອນຫຼວງວຽງຈັນ
ປະເພດ	ບູຮານສະຖານຢູ່ປະເທດລາວ
- ສະຖານທີ່ເຄີຍປະດິດສະຖານພະແກ້ວມໍລະກົດ
ຈຸດສົນໃຈ	ຊົມວິຫານຫຼວງເກົ່າທີ່ເຄີຍປະດິດສະຖານພຣະແກ້ວມໍລະກົດ ແລະ ພິພິທະພັນພາຍໃນຫໍພະແກ້ວ

ບໍລິເວນດ້ານນອກສິມຂອງບູຮານສະຖານຫໍພະແກ້ວອ້ອມຮອບໄປດ້ວຍພຣະພຸດທະຮູບຫຼໍ່ຈາກທອງ ໃນປາງຕ່າງໆ ທີ່ແຕກຕ່າງກັນ ແລະ ມີຄວາມສະຫງ່າງາມໂດດເດັ່ນ ສະແດງອອກເຖິງສິລະປະທີ່ງົດງາມ ແລະ ໂດດເດັ່ນຂອງຄົນລາວໃນແຕ່ລະຍຸກສະໄໝ.

ປັດຈຸບັນວັດນີ້ກາຍເປັນຫໍພິພິທະພັນ. ສ່ວນອົງພະແກ້ວມໍລະກົດປັດຈຸບັນແມ່ນຖືກເອົາໄປປະດິດສະຖານຢູ່ທີ່ ວັດພຣະສີລັດຕະນະສາດສະດາລາມ ຫຼື ວັດພະແກ້ວ ທີ່ ບາງກອກ, ປະເທດໄທ.