ສະໝານ ວິຍາເກດ

ທ່ານ ພົນໂທ ສະໝານ ວິຍະເກດ ເກີດເມື່ອວັນທີ 3 ມີນາ 1927

ສະໝານ ວິຍາເກດ frameless
ປະທານສະພາແຫ່ງຊາດ
ດຳລົງຕຳແໜ່ງ 1993 – 2005
ກ່ອນໜ້າ	ໜູຮັກ ພູມສະຫວັນ
ຖັດໄປ	ທອງສິງ ທຳມະວົງ
ຂໍ້ມູນສ່ວນບຸກຄົນ
ເກີດ	3 ມີນາ ຄ.ສ. 1927(1927-03-03) ບ້ານດົງ, ເມືອງພິຈິດ, ຈັງຫວັດພິຈິດ, ປະເທດໄທ
ເສຍຊີວິດ	22 ກໍລະກົດ ຄ.ສ. 2016 (89 ປີ) ນະຄອນຫຼວງວຽງຈັນ
ພັກການເມືອງ	ພັກປະຊາຊົນປະຕິວັດລາວ

ທີ່ ບ້ານດົງ, ເມືອງພິຈິດ, ຈັງຫວັດພິຈິດ, ປະເທດໄທ.

ເສຍຊີວິດເມື່ອວັນທີ່ 22/7/2016 ທີ່ກຳແພງນະຄອນ

(ນະຄອນຫລວງວຽງຈັນ)

ການເຄື່ອນໄຫວປະຕິວັດແຕ່ລະໄລຍະ

• ທ່ານ ໄດ້ເຂົ້າຮ່ວມຂະບວນການຕໍ່ສູ້ກູ້ຊາດເລີ່ມຕັ້ງແຕ່ປີ 1945 ເປັນຕົ້ນມາ.
• ປີ 1945-1948 ເປັນທະຫານອິດສະຫຼະ( ກູ້ຊາດ ) ເຄື່ອນໄຫວຢູ່ຕາມເຂດຊາຍແດດນາມ.
• ປີ 1948 ເປັນຫົວໜ້າການເມືອງຂອງໝວດທະຫານລາວອິດສະຫຼະກອງຮ້ອຍໄຊຈັກກະພັດ ແຂວງຈໍາປາສັກ.
• ປີ 1949 ໄດ້ເຂົ້າເປັນສະມາຊິກພັກກອມມູນິດອິນດູຈີນ
• ປີ 1950-1954 ເປັນຮອງຫົວຫນ້າຫ້ອງການເມືອງທະຫານເຂດໃຕ້ລາວ ທີ່ແຂວງອັດຕະປື
• ປີ 1954-1960 ເປັນນາຍພົນ, ຮັບຜິດຊອບພະແນກຈັດຕັ້ງຫ້ອງການການເມືອງກອງບັນຊາການສູງສຸດ ຂອງກອງທັບປົດປ່ອຍປະຊາຊົນລາວ.
• ປີ 1960-1969 ເປັນເລຂາຄະນະພັກ ຮັບຜິດຊອບການເມືອງກອງບັນຊາການທະຫານແຂວງຊຽງຂວາງ
• ປີ 1970-1973 ເປັນເລຂາຄະນະພັກ ທັງເປັນຫົວໜ້າກອງບັນຊາການທະຫານເຂດໃຕ້ລາວ.
• ໃນເດືອນ 2 ປີ 1972 ກອງປະຊຸມໃຫຍ່ຄັ້ງທີ 2 ຂອງພັກປະຊາຊົນປະຕິວັດລາວ ໄດ້ຖືກເລືອກຕັ້ງເປັນກໍາມະການຄະນະບໍລິຫານງານສູນກາງພັກ.
• ປີ 1973-1975 ເປັນຫົວໜ້າຫ້ອງການເມືອງກອງບັນຊາການທະຫານສູງສຸດກອງທັບປົດປ່ອຍປະຊາຊົນລາວ.
• ປີ 1975-1981 ເປັນຮອງລັດຖະມົນຕີ ກະຊວງປ້ອງກັນປະເທດ ທັງຖືກແຕ່ງຕັ້ງເປັນຫົວໜ້າກົມໃຫຍ່ການເມືອງກອງທັບປະຊາຊົນ ປະຕິວັດລາວ. ໄດ້ຮັບການປະດັບຊັ້ນເປັນພົນໂທຂອງກອງທັບປະຊາຊົນລາວ.
• ປີ 1982-1986 ໃນກອງປະຊຸມໃຫຍ່ຄັ້ງທີ III ຂອງພັກປະຊາຊົນປະຕິວັດລາວ ໄດ້ຖືກເລືອກຕັ້ງເປັນກໍາມະການຄະນະບໍລິຫານງານສູນກາງພັກ, ໄດ້ຖືກເລືອກຕັ້ງເປັນເລຂາທິການສູນກາງພັກ ທັງເປັນຫົວໜ້າຄະນະຈັດຕັ້ງສູນກາງພັກ.
• ປີ 1986-1988 ໃນກອງປະຊຸມຄັ້ງທີ IV ຂອງພັກປະຊາຊົນປະຕິວັດລາວ ໄດ້ຖືກເລືອກຕັ້ງເປັນກໍາມະການກົມການເມືອງສູນກາງພັກ ເປັນເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ.
• ປີ 1988-1991 ເປັນລັດຖະມົນຕີ ກະຊວງສຶກສາທິການ
• ປີ 1991 ໃນກອງປະຊຸມໃຫຍ່ຄັ້ງທີ V ຂອງພັກປະຊາຊົນປະຕິວັດລາວ ໄດ້ຖືກເລືອກຕັ້ງເປັນກໍາມະການກົມການເມືອງສູນກາງພັກ ທັງເປັນລັດຖະມົນຕີກະຊວງສຶກສາທິການ.
• ປີ 1992 ໄດ້ຖືກເລືອກຕັ້ງເປັນປະທານສະພາແຫ່ງຊາດ ຊຸດທີ III
• ປີ 1996 ໃນກອງປະຊຸມໃຫຍ່ຄັ້ງທີ VI ຂອງພັກປະຊາຊົນປະຕິວັດລາວ ໄດ້ຖືກເລືອກຕັ້ງເປັນກໍາມະການກົມການເມືອງສູນກາງພັກ.
• ປີ 1997 ໄດ້ຖືກເລືອກຕັ້ງເປັນປະທານສະພາແຫ່ງຊາດ ຊຸດທີ IV
• ປີ 2001 ໃນກອງປະຊຸມໃຫຍ່ຄັ້ງທີ VIII ຂອງພັກປະຊາຊົນປະຕິວັດລາວ ໄດ້ຖືກເລືອກຕັ້ງເປັນກໍາມະການກົມການເມືອງສູນກາງພັັກ.
• ປີ 2002 ໄດ້ຖືກເລືອກຕັ້ງເປັນປະທານສະພາແຫ່ງຊາດ ຊຸດທີ V
• ປີ 2006 ໃນກອງປະຊຸມໃຫຍ່ຄັ້ງທີ VII ຂອງພັກປະຊາຊົນປະຕິວັດລາວ ໄດ້ຖືກເລືອກຕັ້ງເປັນກົມການເມືອງສູນກາງພັກ.
• ຮັບຜິດຊອບເປັນຫົວໜ້າຄະນະຊີ້ນໍາວຽກງານແນວຄິດ, ທິດສະດີ, ວັດທະນະທໍາສູນກາງພັກ.
• ຮັບຜິດຊອບເປັນຫົວໜ້າຄະນະຊີ້ນໍາວຽກງານຮຽບຮຽງປະຫວັດສາດສາຍພົວພັນພິເສດລາວ-ຫວຽດນາມ ຮ່ວມສໍາພັນສູ້ຮົບແຕ່ປີ 1930-2007.
• ປີ 2006-2011 ໄດ້ຖືກເລືອກຕັ້ງເປັນຫົວໜ້າໂຄສະນາອົບຮົມສູນກາງພັກ.
• ປີ 2011 ຍ້ອນສຸຂະພາບ ແລະ ອາຍຸກະສຽນສູງ ຈຶ່ງສະໝັກຂໍລາພັກ

ການຈາກໄປ

ມາເຖິງວັນທີ 22ກໍລະກົດ ປີ 2016 ທ່ານຈິ່ງໄດ້ເຖິງແກ່ມໍລະນະກຳ ດ້ວຍໂລກຊະລາ ລວມອາຍຸ 89ປີ.

ແຫຼ່ງອ້າງອີງ

1.https://www.tholakhong.com/2016/07/blog-post_39.html