ເທັ່ງ ເຖິດເທິງ

ພົງສັກ ພົງສຸວັນ ຫຼືຊື່ໃນວົງການ ເທັ່ງ ເຖິດເທິງ (ເກີດ 7 ເມສາ ຄ.ສ. 1966) ແມ່ນນັກສະແດງຕະຫຼົກຈາກແກ໊ງສາມຊ່າ ມີຊື່ສຽງຈາກການເປັນດາວຕະຫຼົກໂດຍເລິ່ມຫຼີ້ນຕະຫຼົກກັບຄະນະເຊີນຍິ້ມ ໂດຍໃຊ້ຊື່ວ່າ ຕູ້ ເຊີນຍິ້ມ ແລະໄດ້ກາຍເປັນນັກສະແດງຮູບເງົາຫຼາຍເລື່ອງ ແລະປະກອບອາຊີບຫຼາຍຢ່າງ ຕັ້ງແຕ່ ຫຼີ້ນລິເກ (ມີຄະນະລິເກຊື່ວ່າ ລິເກຄື້ນເຄງ ເທັ່ງ ເຖິດເທິງ) ຖີບລົດສາມລໍ້ ປັດຈຸບັນແມ່ນນັກສະແດງຕະຫຼົກແລະພິທີກອນໃນສັງກັດ ຮວມເຖິງເປັນຜູ້ກຳກັບຮູບເງົາໃຫ້ແກ່ ບໍລິສັດ ເວີກພ້ອຍ ເອັນເທີເທນເມັ້ນຕ໌ ຈຳກັດ (ມະຫາຊົນ)

ເທັ່ງ ເຖິດເທິງ
ຊື່ເກີດ	ພົງສັກ ພົງສຸວັນ
ຊື່ຫຼີ້ນ	ເທັ່ງ, ຕູ້
ເກີດ	7 ເມສາ ຄ.ສ. 1966 (54 ປີ) ພົງສັກ ພົງສຸວັນ
ຄູ່ສົມລົດ	ມາລາ ພົງສຸວັນ (ຄ.ສ. 1995 - ປັດຈຸບັນ)
ຊື່ອື່ນ	ເທັ່ງ ເຖິດເທິງ ຕູ້ ເຊີນຍິ້ມ
ອາຊີບ	ນັກສະແດງ, ພິທີກອນ
ປີທີ່ສະແດງ	ຄ.ສ. 1995–ປັດຈຸບັນ
ຜົນງານເດັ່ນ	ແກ໊ງສາມຊ່າ ຈາກລາຍການຊິງຮ້ອຍຊິງລ້ານ ເທັ່ງ ເຖິດເທິງ ຈາກລາຍການລະເບີດເຖິດເທິງ ສະແດງນຳໃນມິວສິກວີດີໂອ ເພງ ອົກຂ້າງຊ້າຍ ຂອງ ວົງໂມທີບ (2002) ຫຼວງພີ່ເທັ່ງ ຈາກ ຫຼວງພີ່ເທັ່ງ (2005)
ຂໍ້ມູນບົນເວັບ IMDb
ຖານຂໍ້ມູນຮູບເງົາໄທ (ThaiFilmDb)

ເນື່ອງຈາກໄດ້ຮັບລາງວັນ ເອຊ້ຽນ ເທເລວິຊັ້ນ ອະວອດ 2007 ປະເພດນັກສະແດງຕະຫຼົກຝ່າຍຊາຍຍອດຍ້ຽມ ເທັ່ງ ເຖິດເທິງຈຶ່ງໄດຮັບສາຍາວ່າ "ຕະຫຼົກອາຊີ" ແລະ "ຕະຫຼົກອັດສະລິຍະ"

ປະຫວັດ

ເທັ່ງ ເຖິດເທິງ ຫຼື ພົງສັກ ພົງສຸວັນ ເກີດເມື່ອວັນທີ 7 ເມສາ ຄ.ສ. 1966 ທີ່ອຳເພີສະຫວັນຄະໂລກ ຈັງຫວັດສຸໂຂໄທ ແມ່ນລູກຄົນທີ 3 ຈາກພີ່ນ້ອງທັງໝົດ 6 ຄົນ ມີອ້າຍ 2 ຄົນ ແລະນ້ອງສາວ 3 ຄົນ ໂດຍນ້ອງສາວຄົນທຳອິດຄື ສົ້ມເຊັ້ງ ສາມຊ່າ ເທັ່ງຈົບການສຶກສາປະຖົມສຶກປີທີ 4 ແລ້ວອອກມາເຝິກລິເກກັບຄະນະຂອງຍາດ ໂດຍເລິ່ມທີ່ບົດພະເອກແຕ່ຕໍ່ມາຜັນໂຕມາສະແດງເປັນບົດຕະຫຼົກເຊິ່ງເໝາະກັບຕົນເອງຫຼາຍກວ່າ ໂດຍໃຊ້ຊື່ທາງການສະແດງວ່າ "ພົງ ເມັດພິກ" ຕໍ່ມາໄດ້ອອກມາຖີບສາມລໍ້ຮັບຈ້າງຢູ່ພັກໜຶ່ງຈຶ່ງກັບມາຫຼີ້ນລິເກອີກຄັ້ງ

ເທັ່ງຫຼີ້ນລິເກຢູ່ຫຼາຍປິຈຶ່ງເດິນທາງເຂົ້າບາງກອກ ເພື່ອຕັ້ງຄະນະຕະຫຼົກຮ່ວມກັບອ້າຍແຕ່ບໍ່ປະສົບຄວາມສຳເລັດ ຕໍ່ມາສົ້ມເຊັ້ງນ້ອງສາວໄດ້ຊ່ອຍຝາກຝັງໃຫ້ເທັ່ງໄດ້ເຂົ້າຮ່ວມກັບຄະນະຕະຫຼົກມະກອກສາມຕະກ້າ ຂອງ ແສ່ງ ຊໍ້ມະດັນ ໂດຍເທັ່ງເຮັດວຽກຢູ່ຫຼາຍຕຳແໜ່ງຕັ້ງແຕ່ເດັກ ຂົນອຸປະກອນ ມືກອງ ຈົນໃນທີ່ສຸດກໍໄດ້ຫຼີ້ນເປັນຕະຫຼົກປະຈຳຄະນະ ເທັ່ງຢູ່ຄະນະມະກອກສາມຕະກ້າໄດ້ໄລຍະໜຶ່ງ ກໍຍ້າຍໄປຄະນະສີແດງ, ຄະນະຍອດທົງ ທຽນໄຊ ແລະ ຄະນະຊູສີ ເຊີນຍິ້ມ ຕາມລຳດັບ ໃນຊື່ ຕູ້ ເຊີນຍິ້ມ ຕໍ່ມາກໍອອກມາຮວມໂຕກັບໝູ່ຕັ້ງຄະນະໃໝ່ຊື່ "ເພື່ອນອິສະລະ" ແຕ່ບໍ່ປະສົບຄວາມສຳເລັດ ຈົນກະທັ່ງ ໝ່ຳ ຈົ໊ກມົກ ຊັກຊວນໃຫ້ໄປຮ່ວມຄະນະດ້ວຍ ຈຶ່ງເຮັດໃຫ້ເທັ່ງໄດ້ມາຫຼີ້ນຕະຫຼົກໃນຄະນະໝ່ຳ ຈົ໊ກມົກ ກ່ອນຈະໄດ້ມີໂອກາດເຂົ້າໄປຢູ່ບໍລິສັດເວີກພ້ອຍ ຂອງ ປັນຍາ ນິລັນກຸນ ໃນລາຍການທຳອິດຄື ລາຍການຮາກາງແດດ ກ່ອນທີ່ເທັ່ງຈະໄດ້ຮັບບົດບາດມາຮ່ວມສະແດງລາຍການ ລະເບີດເຖິດເທິງ ພາຍໃຕ້ຊື່ ເທັ່ງ ເຖິດເທິງ ເຊິ່ງແມ່ນຊື່ທີ່ຄົນທົ່ວໄປຮູ້ຈັກ ໂດຍຮັບບົດເປັນ ເທັ່ງ ນັກເລງປະຈຳຊອຍ ເຊິ່ງແມ່ນຄາແຣັກເຕີ້ທີ່ເປັນທີ່ຈົດຈຳໄດ້ຢ່າງດີຂອງຜູ້ຊົມ ນອກຈາກນີ້ເທັ່ງ ຍັງໄດ້ຮັບບົດເປັນຕະຫຼົກລູກຄູ່ຂອງໝ່ຳ ຈົ໊ກມົກ ໃນລາຍການ ຊິງຮ້ອຍຊິງລ້ານ Super Game ກ່ອນທີ່ຕໍ່ມາຈະກາຍມາເປັນ ແກ໊ງສາມຊ່າ ໃນທີ່ສຸດ ຖືເປັນໜຶ່ງໃນສອງສະມາຊິກລຸ້ນກໍ່ຕັ້ງຂອງແກ໊ງສາມຊ່າ

ໃນດ້ານຊີວິດຄອບຄົວ ເທັ່ງສົມລົດກັບ ມາລາ ພົງສຸວັນ ຫຼັງໃຊ້ຊີວິດຄູ່ມາເຖິງ 22 ປີ ແລະມີບຸດດ້ວຍກັນສາມຄົນຄື 1. "ໂຫງົວເຮັ້ງ" ນາຍອັກຄະລະພົງສັກ ພົງສຸວັນ 2. "ພ້ອຍ" ນາງສາວບົນນົບ ພົງສຸວັນ ແລະ "ພອຍ" ນາງສາວມົງກຸດເພັດ ພົງສຸວັນ

ຜົນງານ

ລາຍການແລະລະຄອນໂທລະທັດ

• ຊິງຮ້ອຍຊິງລ້ານ (27 ສິງຫາ 1997 - ປັດຈຸບັນ)
• ລະເບີດເຖິດເທິງ (ນັກສະແດງປະຈຳແລະພິທີກອນ : 7 ເມສາ 1996 - ປັດຈຸບັນ ເປັນພິທີກອນຄັ້ງທຳອິດເມື່ອວັນທີ 2 ພະຈິກ ຄ.ສ. 1997)
• ຄຸນພະຊ່ວຍ (ພິທີກອນ : 4 ເມສາ 2004 - ປັດຈຸບັນ)
• ແສບຄູນສອງ (ຊ່ວງ ສັບປິດສະໜາ ,ລະຄອນແສບ) (ນັກສະແດງປະຈຳ : 1 ກຸມພາ ຄ.ສ. 1997 - 11 ມັງກອນ ຄ.ສ. 2001)
• ເກມພັນໜ້າ (ຊ່ວງ ລະຄອນພັນໜ້າ) (18 ມັງກອນ ຄ.ສ. 2001 - 2004)
• ຊິງຮ້ອຍຊິງລ້ານ ມະຫັດສະຈັນວັນຫຍຸດ (23 ຕຸລາ 2005 - 1 ມິຖຸນາ 2015)
• ຮາກາງແດດ (1995 - 1996)
• ຈາລະບີສີຊົມພູ (ຕອນຫຼັງປ່ຽນຊື່ເປັນ ຈາລະບີປີເສືອ) (1997 - 1999)
• ໂຄກຄູນຕະກູນໄຂ່ (2 ສິງຫາ 2003 - 30 ມິຖຸນາ 2007)
• ໄຊບະດິນໂຊ (ພິທີກອນ : 28 ສິງຫາ 2003 - 28 ກຸມພາ 2008)
• ຮັກຕ້ອງຊ່ອມ (7 ກໍລະກົດ 2007 - 28 ທັນວາ 2008)
• ເທັ່ງ ໂໜ່ງ ຜະຈົນໄພ (13 ມັງກອນ 2010 - 29 ກັນຍາ 2010)
• ຢາກອອກທີວີ ຄູ່ກັບ ຊິນດີ້ ເບີບິດ
• ຂະບວນການ 3 ຊ່າ (ພິທີກອນ : 8 ກຸມພາ 2014 - 24 ພຶດສະພາ 2014)
• ເທັ່ງໂໜ່ງວິທະຍາຄົມ (6 ພະຈິກ 2014 - 2019)

ລະຄອນໂທລະທັດ

• 1997 ລຸ້ນຮັກທະລຸມິຕິ ທາງ ຊ່ອງ 5 ນຳສະແດງໂດຍ ສັດຕະວັດ ເສດຖະກອນ, ໄບໂອນີ້ ຣອດໂພທອງ
• 1999 ມະປາງຂ້າງຮົ້ວ ທາງ ຊ່ອງ 7 ນຳສະແດງໂດຍ ລັດຖະທຳມະນູນ ສີເລີກ, ສຸພາພອນ ແສງທອງ
• 1999 ພໍ່ ຕອນ ເພງຂອງພໍ່ ທາງ ຊ່ອງ 5 ນຳສະແດງໂດຍ ນົບພົນ ໂກມານຊຸນ, ມົນຕີ ເຈນອັກສອນ, ນັນທະວັດ ອາສິລະພົດຈະນະກຸນ
• 2002 ສະຫວັດດີຄຸນນາຍ ທາງ ຊ່ອງ 3 ນຳສະແດງໂດຍ ສະສິການ ອະພິຊາດວໍລະສິນ, ພົນ ຕັນທະສະຖຽນ
• 2003 ບ້ານນີ້ຜີ(ໄມ້)ປອບ ທາງ ຊ່ອງ 3 ນຳສະແດງໂດຍ ວັດຊະລະ ຕັງຄະປະເສີດ, ສຸດທິດາ ກະເສມສັນ ນະ ອະຍຸດທະຍາ
• 2003 ຕະຫຼາດ ໂຮງເຈ ລິເກ ຄວາມຮັກ ທາງ ຊ່ອງ 7 ນຳສະແດງໂດຍ ອັດສະດາວຸດ ເຫຼືອງສຸນທອນ, ໄດອານາ ຈົງຈິນຕະນາການ
• 2006 ຫົວໃຈທໍລະນົງ ທາງ ຊ່ອງ 3 ນຳສະແດງໂດຍ ກັນຍາລັດ ຈິລະລັດຊະກິດ, ສະຫະລັດ ສັງຄະປີຊາ

ຊີຣີສ໌

• 2013 ຄາລາບາວ ເດີຊີຣີສ໌ ຕອນ ຄົນຈົນຜູ້ຍິ່ງໃຫຍ່ ທາງ ຊ່ອງ 9 ນຳສະແດງໂດຍ ເທັ່ງ ເຖິດເທິງ , ຝົນ ທະນະສຸນທອນ

ຮູບເງົາ

• 18 ຝົນ ຄົນອັນຕະລາຍ (1997) ...ບົດຮັບເຊີນ
• ມືປືນ/ໂລກ/ພຣະ/ຈັນ (2001) ...ເອີ໋ ເອລວິສ (ໂອ໋ ເອັມ 16 ໝື່ນສົບສິງສຳອາງ)
• 7 ປະຈັນບານ (2002) ...ໝັດ ເຊິງມວຍ
• ແອບຄົນຂ້າງບ້ານ (2003) ...ອ໊ອດ
• ຫຼວງພີ່ເທັ່ງ (2005) ...ຫຼວງພີ່ເທັ່ງ
• ໂໜ່ງ ເທັ່ງ ນັກເລງພູເຂົາທອງ (2006) ...ບຸນເທັ່ງ
• ເທັ່ງ ໂໜ່ງ ຄົນມາຫາເຮຍ (2007) ...ເທັ່ງ
• ເທວະດາທ່າຈະເທັ່ງ (2008) ...ກ້ວຍ
• ຕຸ໊ກກີ້ ເຈົ້າຍິງຂາຍກົບ (2010)
• ເທັ່ງ ໂໜ່ງ ຈີວອນບິນ (2011) ...ພຣະເທັ່ງ
• ໃໝ່ກະໝ່ຳ ໂດນກະໂດນ (2011) ...ໂກສົນ
• ແຄັດ ອ່ະ ແວ້ບ! (2015) ...ໂດດ

ກຳກັບຮູບເງົາ

• ເທັ່ງ ໂໜ່ງ ຄົນມາຫາເຮຍ (2007) ຮ່ວມກັບ ໂໜ່ງ ຊະຊະຊ່າ
• ເທັ່ງ ໂໜ່ງ ຈີວອນບິນ (2011) ຮ່ວມກັບ ສະມິດ ທິມສະຫວັດ
• ແຄັດ ອ່ະ ແວ້ບ! (2015) ຮ່ວມກັບ ນະລຶບະດີ ເວດຊະກຳ

ມິວສິກວີດີໂອ

• ເພງ ຜິດໄໝທີ່ໄມ້ແກ່ ຂອງ ຍອດຮັກ ສະລັກໃຈ
• ເພງຂອງ ທົງໄຊ ແມັກອິນໄຕ
  • ເພງ ຊ່ອມໄດ້ ອາລະບ້ຳ ທົງໄຊ ເຊີວິສ
  • ເພງ ຢ່າບອກວ່ານ່າຮັກ ອາລະບ້ຳ ທົງໄຊ ເຊີວິສ
  • ເພງ ຢາກຖາມກໍຕອບ ອາລະບ້ຳ Bird Volume 1
• ວົງໂມທີຟ ເພງອົກຂ້າງຊ້າຍ

ຊິງເກິ້ນ

• ກິນຕັບ (2011) ເພງປະກອບຮູບເງົາເລື່ອງ ເທັ່ງ ໂໜ່ງ ຈີວອນບິນ
• ຮ້ອງໄຫ້ຫາພໍ່ເທີຫຼື (2012)
• ອ໊ອດແອດ (2013)
• ຄົນໜ້າໃສ (2014)
• ພັກຕັບ (2015) ເພງລົນນະລົງແຄມເປນ ງົດເຫຼົ້າເຂົ້າພັນສາ "ດື່ມມາໜັກ ພັກຕັບບ້າງ"

ອື່ນໆ

• ໂຄສະນາ : ເດນທີນ (ຄູ່ກັບ ແໝ່ມ-ແຄັດທະລີຍາ ແມັກອິນທອດ) (1997)
• ປື້ມ : ຮັກນະ ເທັ່ງ ເຖິດເທິງ (2005)
• ໂຄສະນາ : ປູນດອກບົວ ຊຸດ ບົວແມນ (2011)
• ໂຄສະນາ : CP Fresh Mart (2011)
• ໂຄສະນາ : ໂອອິຊິ “ລະຫັດໂອອິຊິ ລຸ້ນລວຍທຸກຊົ່ວໂມງ” (ຄູ່ກັບ ໂໜ່ງ ຊະຊະຊ່າ ແລະ ຕຸ໊ກກີ້ ຊິງຮ້ອຍຊິງລ້ານ)
• ໂຄສະນາ : ຂະໜົມທອດກອບ ຕະວັນ (ຮ່ວມກັບ ໝ່ຳ ຈົ໊ກມົກ ແລະ ໂໜ່ງ ຊະຊະຊ່າ)

ລາງວັນທີ່ໄດ້ຮັບ

• ເອຊ່ຽນ ເທເລວິຊັ່ນ ອະວອດ 2007 ປະເພດນັກສະແດງຕະຫຼົກຝ່າຍຊາຍຍອດຍ້ຽມ
• ລາງວັນເທບທອງ ຄັ້ງທີ 11
• ມະຫານະຄອນອະວອດ ຄັ້ງທີ 8 ລາງວັນເພງລູກທຸ່ງຍອດນິຍົມ ເພງ ກິນຕັບ
• ລາງວັນໂທລະທັດທອງຄຳ 2016 ລາງວັນທີມພິທີກອນດີເດັ່ນ ລາຍການຄຸນພຣະຊ່ວຍ
• ລາງວັນ “ທູດພະພຸດທະສາສະໜາ ວັນມາຄະບູຊາ ຄ.ສ. 2017”

ອ້າງອິງ

• สุรีย์ ทองปาน. "ชีวิตที่กว่าจะได้เป็น...เท่ง เถิดเทิง". นิตยสารแก้จน ฉบับเดือนกรกฎาคม 2548. อ้างถึงในชีวิตที่กว่าจะได้เป็น...เท่ง เถิดเทิง Archived 2014-08-20 at the Wayback Machine