ດູ່

ດູ່ ຫຼືໄມ້ດູ່ (Pterocarpus indicus) ແມ່ນໄມ້ຢືນຕົ້ນ ມີຊື່ພື້ນເມືອງອື່ນໆ ຄື ດູ່ປ່າ, ອະນອງ, ຫຼື ດູ່.

ລຳຕົ້ນເຄືອບດ້ວຍເປືອກເປັນເມັດໆ

ລັກສະນະທາງພຶກສະສາດ

ດູ່ແມ່ນພັນໄມ້ຢືນຕົ້ນຂະໜາດໃຫຍ່ ມີຄວາມສູງປະມານ ໑໐-໒໕ ແມັດ ຜິວເປືອກລຳຕົ້ນມີສີດຳຫຼືສີຂີ້ເທົ່າ ລຳຕົ້ນເປັນພູບໍ່ກົມແຕກງ່າກ້ານສາຂາກວ້າງມີເຮືອນຍອດທຶບແຕກເປັນສະເກັດຮ່ອງຕື້ນໆ ໃບແມ່ນຊໍ່ແຕກອອກແຕ່ປາຍງ່າມີໃບຍ່ອຍປະກອບຢູ່ປະມານ ໖-໑໒ ໃບ. ລັກສະນະຂອງໃບແມ່ນຮູບມົນລີປາຍໃບແຫຼມໂຄນໃບມົນ ຂອບໃບຮຽບເປັນມັນສີຂຽວ ໃບມີຂະໜາດຍາວປະມານ ໒-໓ ນິ້ວ ກວ້າງປະມານ ໑-໒ ນິ້ວ ອອກດອກເປັນຊໍ່ອອກຕາມປາຍງ່າ ດອກມີຂະໜາດນ້ອຍສີເຫຼືອງ ຜົນມີຂົນໜ້ອຍໆປົກຄຸມ ຂະໜາດຜົນໂຕປະມານ ໔-໖ ຊອງຕິແມັດ.

ການປູກລ້ຽງ

ຕ້ອງການແສງແດດຈັດ ຫຼືກາງແຈ້ງ ຕ້ອງການປະລິມານນ້ຳປານກາງ ມັກດິນຜົງຟຸຍ ຂະຫຍາຍພັນໂດຍການເພາະມະເລັດ.

ການໃຊ້ປະໂຫຍດ

• ດູ່ງ່າອ່ອນຫຼືດູ່ບ້ານສະສົມແຄດມຽມໄດ້ ໔໗໐ µg/g ເມື່ອລ້ຽງແບບໄຮໂດໂພນິກ
• ໄມ້ໃຊ້ເຮັດສິ່ງປູກສ້າງ ເຄື່ອງມືເຄື່ອງໃຊ້
• ເປືອກໃຫ້ນ້ຳຝາດສຳລັບຟອກໜັງ ໃຫ້ສີນ້ຳຕານສຳລັບຍ້ອມຜ້າ ແກ່ນໃຫ້ສີແດງຄ້ຳສຳລັບຍ້ອມຜ້າ

ອ້າງອິງ

• World Conservation Monitoring Centre (1998). Pterocarpus indicus. 2006. IUCN Red List of Threatened Species. IUCN 2006. www.iucnredlist.org. Retrieved on 11 May 2006. Listed as Vulnerable (VU A1d v2.3)
• PIER species info: Pterocarpus indicus Archived 2008-10-03 at the Wayback Machine
• "Chitralada." สำนักงานโครงการอนุรักษ์พันธุกรรมพืชอันเนื่องมาจากพระราชดำริฯ. Web. 12 Nov. 2010. <http://www.rspg.org/palace/chitralada/cld6-2_026.htm>. (ພາສາໄທ)