ເສືອ: Difference between revisions

 

ເສືອຈັດເປັນສັດນັກລ່າທີ່ມີຄວາມສະຫງ່າງາມໃນໂຕເອງ ໂດຍສະເພາະແມ່ນເສືອສ່ຳໃຫຍ່ທີ່ເບິ່ງໜ້າເກງຂາມ ບໍ່ວ່າຊິເປັນເສືອໂຄ່ງຫຼືເສືອດາວ.ຜູ້ທີ່ພໍ້ເຫັນເສືອໃນເທື່ອທຳອິດມັກເກີດຄວາມປະທັບໃຈໃນຄວາມສະຫງ່າງາມ ແຕ່ໃນຂະໜະດຽວກັນກໍເກີດຄວາມຫວາດຫວັ່ນເກງຂາມໃນພະລະອຳນາດພາຍໃນໂຕຂອງພວກມັນ. ເສືອຈັ່ງໄດ້ຮັບການຍົກຍໍໃຫ້ເປັນລາຊາແຫ່ງສັດປ່າ ແລະເປັນເຈົ້າແຫ່ງນັກລ່າຢ່າງແທ້ຈິງ.

ເສືອສ່ວນຫຼາຍຢູ່ໃນປ່າແລະທົ່ງຫຍ້າ ສ່ວນຫຼາຍບໍ່ມັກນ້ຳຄືກັບແມວທົ່ວໄປ. ມີພຽງແຕ່ເສືອໂຄ່ງແລະເສືອຈາກົວທໍ່ນັ້ນທີ່ມັກນ້ຳ. ຍິ່ງກວ່ານັ້ນບ່ອນທີ່ພໍ້ເສືອໂຄ່ງຫຼາຍເທື່ອທີ່ສຸດມັກຈະເປັນແອ່ງນ້ຳ ທະເລສາບ ຫຼືແມ່ນ້ຳ. ເສືອເປັນສັດທີ່ຫາກິນໂດຍໂຕດຽວ ຂອງກິນຫຼັກມັກຊິເປັນສັດກິນຜັກສ່ຳກາງ ຄື ກວາງ ໝູປ່າ ແລະ ຄວາຍ ເຊິ່ງຊິລ່າເຫຍື່ອດ້ວຍແນວທາງການຍ່າງ ຍ່ອງ ແລ່ນໄລ່ແລະຈັບເຫຍື່ອ ຢ່າງໃດກໍດີພວກມັນອາດຈະອອກລ່າສັດທີ່ສ່ຳໃຫຍ່ກວ່າບໍ່ກໍນ້ອຍກວ່າໃນສະຖານະການຄັບຂັນ