ນາຍົກລັດຖະມົນຕີ: Difference between revisions

1. ຮຽກໂຮມ ແລະເປັນປະທານກອງປະຊຸມລັດຖະບານ;

2. ຊີ້ນຳ ​​ແລະອຳນວຍ​ຄວບ​ຄຸມ​ວຽກ​ງານ​ຂອງລັດຖະບານ, ກວດກາການປະຕິ ບັດມະຕິຂອງ ສະພາ​ແຫ່ງ​ຊາດ, ມະຕິ​ຂອງກອງປະຊຸມລັດຖະບານ ​ແລະການເຄື່ອນໄຫວວຽກງານຂອງ ກະຊວງ, ອົງ​ການທຽບເທົ່າກະຊວງ, ແຂວງ, ນະ ຄອນ ​ແລະອົງການອື່ນໆ ທີ່ຂຶ້ນ​ກັບ​ລັດ ຖະບານ;

3. ສະເໜີແຕ່ງຕັ້ງ, ຍົກຍ້າຍ ຫລືປົດຕຳແໜ່ງຮອງນາຍົກລັດຖະມົນຕີ, ລັດຖະມົນຕີ​ວ່າການກະ ຊວງ, ລັດຖະມົນຕີ​ປະຈຳ​ສຳນັກ​ງານ​ນາຍົກ​ລັດຖະມົນຕີ, ຫົວ ໜ້າອົງ​ການທຽບເທົ່າກະຊວງ ຕໍ່​ສະພາ​ແຫ່ງ​ຊາດ ​​ເພື່ອພິຈາລະນາ​ຮັບຮອງ​ເອົາ;

4. ສະ​ເໜີປະທານ​ປະ​ເທດ​ແຕ່ງ​ຕັ້ງຜູ້​ຕາງໜ້າທີ່​ມີ​ອຳນາດເຕັມຂອງສາທາລະນະ ລັດປະຊາທິ ປະໄຕ ປະຊາຊົນ​ລາວ ໄປປະຈຳ ຢູ່ຕ່າງປະເທດ ຫລືຮຽກ​ຄື​ນ;

5. ສະ​ເໜີ​​ປະທານ​ປະ​ເທດແຕ່ງ​ຕັ້ງ, ຍົກ​ຍ້າຍ ຫລືປົດ​ຕຳ​ແໜ່ງເຈົ້າ​ແຂ​ວງ, ​ເຈົ້າ ຄອງ​ນະ​ຄອນ ແລະສະເໜີເລື່ອນຊັ້ນ ຫລືປົດ​ຊັ້ນນາຍ​ພົນ​ຢູ່​ໃນ​ກຳລັງ​ປ້ອງກັນ​ຊາດOປ້ອງກັນຄວາມສະ ຫງົບ;

6. ແຕ່ງຕັ້ງ, ຍົກຍ້າຍ ຫລືປົດ​ຕຳ​ແໜ່ງລັດຖະມົນຕີ​ຊ່ວຍ​ວ່າ​ການກະຊວງ, ລັດຖະ ມົນຕີ​ຊ່ວຍ ປະຈຳ​ສຳນັກ​ງານ​ນາຍົກ​ລັດຖະມົນຕີ, ຮອງຫົວໜ້າ​ອົງ​ການ​ທຽບ​ເທົ່າ​ກະຊວງ, ຫົວໜ້າ ​ແລະ ຮອງຫົວໜ້າທະບວງ, ຫົວໜ້າກົມ, ​ຮອງ​ເຈົ້າ​ແຂ​ວງ, ຮອງ​ເຈົ້າ​ຄອງ​ນະຄອນ, ​ເຈົ້າ​ເມືອງ, ຫົວໜ້າ​ເທດສະບານ, ຫົວໜ້າອົງ​ການ​ທີ່​ຂື້ນ​ກັບ​ລັດຖະບານ ແລະຕຳ​ແໜ່ງທຽບ​ເທົ່າ​ອື່ນໆ;

7. ເລື່ອນຊັ້ນ ຫລືປົດຊັ້ນພັນເອກຢູ່ໃນກຳລັງປ້ອງກັນຊາດ, ປ້ອງກັນຄວາມສະ ຫງົບ;

8. ອອກດຳລັດ, ຂໍ້​ຕົກລົງ, ຄຳສັ່ງ ແລະຄຳແນະນຳ ກ່ຽວກັບການຈັດຕັ້ງປະຕິບັດ ນະໂຍບາຍ, ລະບຽບກົດໝາຍ ແລະແຜນການຂອງລັດຖະບານ; ອອກ​ດຳລັດ ກ່ຽວ​ກັບການ​ຈັດຕັ້ງ ແລະ ການ​ເຄື່ອນ​ໄຫວ​ຂອງກະຊວງ, ອົງ​ການ​ທຽບ​ເທົ່າ​ກະຊວງ, ທະບວງ ​ແລະອົງ​ການ​ປົກ​ຄອງ​ ທ້ອງ​ຖິ່ນ;

9. ລາຍງານປະຈຳປີ ກ່ຽວກັບການປະຕິບັດໜ້າທີ່ຂອງລັດຖະບານຕໍ່ສະພາແຫ່ງ ຊາດ, ຄະນະ ​ປະຈຳ​ສະພາ​ແຫ່ງ​ຊາດ​ໃນ​ເວລາ​ທີ່​ສະພາ​ແຫ່ງ​ຊາດ​ບໍ່​ໄດ້​ເປີດ​ກອງ​ ປະຊຸມ ແລະລາຍ​ງານ ຕໍ່ປະທານປະເທດ;